Udayavni Special

ಇನ್‌ಲ್ಯಾಂಡ್‌ ಲೆಟರ್‌: ಏಕೋ ಅಜ್ಜಿ ನೆನಪಾಗುತ್ತಿದ್ದಾಳೆ…


Team Udayavani, Jul 14, 2020, 4:13 PM IST

ಇನ್‌ಲ್ಯಾಂಡ್‌ ಲೆಟರ್‌: ಏಕೋ ಅಜ್ಜಿ ನೆನಪಾಗುತ್ತಿದ್ದಾಳೆ…

“ಅಮ್ಮಾಜಿ ಈ ಸಲ ಸಂಕ್ರಾಂತಿಗೆ ನನಗೆ ಜಾಸ್ತಿ ಎಳ್ಳು ಮಾಡಿಕೊಡಿ, ಸಕ್ಕರೆ ಅಚ್ಚು ಇಪ್ಪತ್ತು ಕೊಡಿ, ಬೇರೆ ಬೇರೆ ಆಕಾರದ ಅಚ್ಚುಗಳು ಬೇಕು. ಪ್ಲೀಸ್‌ ಅಮ್ಮಾಜಿ. ಮೊಮ್ಮಗಳು ಕೇಳಿದ ಮೇಲೆ, ಮಾಡಿಕೊಡ್ದೆ ಇರ್ತೀರಾ? ನಂಗೊತ್ತು ಮಾಡೇ ಮಾಡ್ತೀರ.’ ಹೀಗೆ ಪ್ರತೀ ವರ್ಷ, ಬಹುಶಃ ನನಗೆ ಬುದ್ಧಿ ಬಂದಾಗಲಿಂದಲೂ ಅಮ್ಮಾಜಿಯನ್ನು ಕೇಳುತ್ತಿದ್ದೆ. ಅಮ್ಮಾಜಿ ಎಂದರೆ ನನ್ನ ಅಜ್ಜಿ. ಹೀಗೆ ವಿಶೇಷವಾಗಿ ಅಜ್ಜಿಯನ್ನು ಕರೆಯಲು ಎಲ್ಲ ಮೊಮ್ಮಕ್ಕಳಲ್ಲಿ ರೂಢಿಸಿದ್ದು ನನ್ನ ದೊಡ್ಡಮ್ಮ.

ಪ್ರತಿ ಮೊಮ್ಮಕ್ಕಳಿಗೆ ಅಜ್ಜಿ-ತಾತ ಎಂದರೆ ಒಂದು ರೀತಿಯ ಪ್ರೀತಿ, ರಕ್ಷಣಾಭಾವ, ಮಮಕಾರ ಇರುತ್ತದೆ. ಹಾಗೆಯೇ ಅವರೊಡನೆ ವಿಶೇಷ ಬಾಂಧವ್ಯ ಇರುತ್ತದೆ. ತಂದೆ-ತಾಯಿ ಬೈದಾಗ ಅಜ್ಜಿಯ ಸೆರಗ ಹಿಂದೆ ಅವಿತುಕೊಂಡು, ಆಕೆಯ ಬೆಂಬಲ ಪಡೆದು ಎಷ್ಟೋ ಬಾರಿ ಬೀಳುವ ಏಟುಗಳಿಂದ ಕೂಡ ಪಾರಾಗುತ್ತೇವೆ. ಅಮ್ಮಾಜಿ ಕೂಡ ಹಾಗೆ ನನ್ನ ಹಾಗೂ ಆಕೆಯದು ಪದಗಳಲ್ಲಿ ವಿವರಿಸಲಾಗದ ಬಾಂಧವ್ಯ. ಏನು ಕೇಳಿದರೂ ಇಲ್ಲ, ಆಗೋಲ್ಲ ಎಂದು ಹೇಳದೆ ಎಲ್ಲವನ್ನು ಮಾಡಿಕೊಡುತ್ತಿದ್ದರು.

ನಾವಿಬ್ಬರು ಸೇರಿ ಬಿಟ್ಟರೆ ಹರಟೆ ಕಟ್ಟೆಯನ್ನೇ ನಿರ್ಮಿಸಿ ಬಿಡುವೆವು ಎಂದು ಅಮ್ಮ ಹೇಳುತ್ತಿದ್ದರು. ನಮ್ಮದು ಮುಗಿಯದ ಮಾತುಗಳು. ಎಲ್ಲ ವಿಷಯದ ಬಗ್ಗೆ ವಿಮರ್ಶೆ, ಚರ್ಚೆ ನಡೆಸುತ್ತಿದ್ದೆವು. ಆಕೆಗೆ ನಾನು ಯಾವುದೇ ಸಿನೆಮಾ ನೋಡಿ ಬಂದರೆ ಪ್ರತೀ ದೃಶ್ಯದ ಸಂಪೂರ್ಣ ಚಿತ್ರಣವನ್ನು ನೀಡುತ್ತಿದ್ದೆ. ಹಾಸ್ಟೆಲ್‌ ಸೇರಿದ ಮೇಲಂತೂ ಮನೆಗೆ ಹೋದಾಗಲೆಲ್ಲ ಒಂದಿಷ್ಟು ಸಿನೆಮಾ ಹಿಡಿದುಕೊಂಡು ಹೋಗುತ್ತಿದ್ದೆ. ಅದನ್ನು ಕಂಡು ಅದೆಷ್ಟು ಖುಷಿ ಪಡುತ್ತಿದ್ದರೋ? ಕಾಣೆ. ನೋಡಿದ ಎಲ್ಲ ಸಿನೆಮಾಗಳನ್ನು ಒಂದು ಪುಸ್ತಕದಲ್ಲಿ ಅದರ ಹೆಸರು ಬರೆದು, ಸಂಹಿತಾ ತೋರಿಸಿದ್ದು ಎಂದು ಪಟ್ಟಿ ಮಾಡಿಡುತ್ತಿದ್ದರು.

ಹೆಚ್ಚು ಪುಸ್ತಕವನ್ನು ಓದುತ್ತಾ ಹೊಸದನ್ನು ಕಲಿಯುವ ಹುಮ್ಮಸ್ಸು ಇಟ್ಟುಕೊಂಡಿದ್ದರು. ಇಂಗ್ಲಿಷ್‌ ಬರದಿದ್ದರೂ ಕೇಳಿ ತಿಳಿದುಕೊಳ್ಳುತ್ತಿದ್ದರು. ರವಿ ಬೆಳಗೆರೆಯ “ನೀ ಹಿಂಗ ನೋಡ ಬ್ಯಾಡ ನನ್ನ’ ಕಾದಂಬರಿಯನ್ನು ಓದಲು ನಾ ಕೊಟ್ಟಾಗ ಅದೆಷ್ಟು ಖುಷಿ ಪಟ್ಟರೋ ನಾ ಕಾಣೆ. ಅದರಲ್ಲಿ ಬರುವ ಇಂಗ್ಲಿಷ್‌ ಪದದ ಅರ್ಥವನ್ನು ನಾನು ಕರೆ ಮಾಡಿದಾಗಲೆಲ್ಲ ಕೇಳುತ್ತಾ ಕಥೆಯ ವಿಮರ್ಶೆ ಮಾಡುತ್ತಿದ್ದರು.

ಮೊಮ್ಮಕ್ಕಳೆಂದರೆ ಅಮ್ಮಾಜಿಗೆ ಅದೇನು ಪ್ರೀತಿ-ವಾತ್ಸಲ್ಯ, ಮೋಹ ನನಗೆ ಗೊತ್ತಿಲ್ಲ, ಎಲ್ಲರನ್ನೂ ಸಮನಾಗಿ ಕಂಡ ಮಹಾತಾಯಿ ಆಕೆ. ಹಾಸ್ಟೆಲ್‌ನಿಂದ ಮನೆಗೆ ಹೋದಾಗ ಇದು ನಿನ್ನ ಪಾಲು ಎಂದು ಎತ್ತಿಟ್ಟಿದ್ದ ತಿಂಡಿಯನ್ನು ಕೊಡುತ್ತಿದ್ದರು. ಆಕೆಯದು ನಿಷ್ಕಲ್ಮಶ ಹೃದಯ. ತನ್ನೆಲ್ಲಾ ಕೆಲಸವನ್ನು ತಾವೇ ಮಾಡಿಕೊಳ್ಳುತ್ತಿದ್ದರು. ಆಕೆಯಿಂದ ನೋಡಿ ಕಲಿತ ಪಾಠಗಳಲ್ಲಿ ಇದೂ ಒಂದು. ರಜೆ ಬಂದಾಗಲೆಲ್ಲ ಅಜ್ಜಿ ಮನೆಗೆ ಓಡಿ ಹೋಗುತ್ತಿದ್ದೆ.

ಈಗ ಅವುಗಳು ಕೇವಲ ನೆನಪಷ್ಟೆ. ಏಕೋ ನೆನಪಾಗುತ್ತಿದ್ದಾಳೆ. ಸಂಕ್ರಾಂತಿ ಹಬ್ಬದಲ್ಲಂತೂ ತುಂಬಾ ಅವರ‌ದೇ ನೆನಪು ಕಾಡುತ್ತಿತ್ತು. ಈ ಬಾರಿ ಎಳ್ಳು ಮಾಡಿಕೊಡಲು ಆಕೆ ಇಲ್ಲ. ಆಕೆಯ ಬಳಿ, ಬೇಡಿಕೆಯ ಪಟ್ಟಿಯನ್ನು ಇಡಲು ಸಾಧ್ಯವಿಲ್ಲ. ಹಿಂದಿನ ವರ್ಷ ಉಜಿರೆಗೆ ಎಳ್ಳನ್ನು ಕಳುಹಿಸಿದಾಗ, ಅದೇ ಕೊನೇ ಬಾರಿ ಎಂದು ನಾನು ಊಹಿಸಿರಲಿಲ್ಲ. ಕಳೆದ ವರ್ಷ ಹೀಗೆ ಹೇಳಿದ್ದೆ, “ಮುಂದಿನ ವರ್ಷ ಬಣ್ಣ ಬಣ್ಣದ ಸಕ್ಕರೆ ಅಚ್ಚು ಬೇಕು, ಇವತ್ತೇ ಕೇಳಿ ಬಿಟ್ಟಿದ್ದೇನೆ, ಮರಿಬೇಡಿ’ ಎಂದಿದ್ದೆ. ಆದರೆ ಮಾಡಿಕೊಡಲು ಇಂದು ಆಕೆ ಇಲ್ಲ.

ಕೋಡುಬಳೆ ಜಾಮೂನು ಮಾಡಿಕೊಟ್ಟಿದ್ದರು. ಮೂಗುತಿ ಕೊಡಿಸಿದ್ದರು. ಇವೆಲ್ಲವೂ ಕೊನೆಯ ಬಾರಿ ಎಂದು ಯಾರಿಗೆ ಗೊತ್ತಿತ್ತು? ರೇಗಿಸುತ್ತಾ, ಕೀಟಲೆ ಮಾಡುತ್ತಾ ದಿನಾಲೂ ಮಲಗಿಸಿ ಬರುತ್ತಿದ್ದೆ. ಅಂದೂ ಹಾಗೆ ಮಾಡಿದೆ. ಮಾರನೇ ದಿನ ಸುಳಿವಿಲ್ಲದೆ ಕಣ್ಣು ಮಿಟುಕಿಸುವಷ್ಟರಲ್ಲಿ ನನ್ನ ಕಾಲ ಬಳಿಯೇ ನನ್ನನ್ನು ತೊರೆದು ಹೋಗುತ್ತಾರೆಂದು ಊಹಿಸಿರಲಿಲ್ಲ. ಆಕೆ ಏಕೆ ಹೀಗೆ ಮಾಡಿದ್ದು? ಸುಳಿವಿಲ್ಲದೆ ಕೈ ಬಿಟ್ಟಿದ್ದು? ಏಕೋ ಅಮ್ಮಾಜಿ ನೆನಪಾಗುತ್ತಿದ್ದಾಳೆ. ಅದೆಲ್ಲೋ ನಿಂತು ಬಲವಾಗಿ ಆಶೀರ್ವದಿಸುತ್ತಿದ್ದಾರೆ, ಹಾರೈಸು ತ್ತಿದ್ದಾರೆ. ಆಕೆಯನ್ನು ಪದಗಳಲ್ಲಿ ವರ್ಣಿ ಸುತ್ತಿರುವುದನ್ನು ಓದುತ್ತಿದ್ದಾರೆ. ಅಮ್ಮಾಜಿ ನೆನಪಾಗುತ್ತಿದ್ದಾಳೆ. ಇಂತಿ ನಿಮ್ಮ ಅಕ್ಕರೆಯ ಮೊಮ್ಮಗಳು.


ಸಂಹಿತಾ ಎಸ್‌. ಮೈಸುರೆ‌

ಜೈನ್‌ ಕಾಲೇಜು, ಬೆಂಗಳೂರು

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಅಯೋಧ್ಯೆ: ಸಾಧು ಸಂತರ ಸಮ್ಮುಖದಲ್ಲಿ ರಾಮಮಂದಿರಕ್ಕೆ ಪ್ರಧಾನಿ ಮೋದಿ ಶಿಲಾನ್ಯಾಸ

ಅಯೋಧ್ಯೆ ಕನಸು ಸಾಕಾರ: ಸಾಧು ಸಂತರ ಸಮ್ಮುಖದಲ್ಲಿ ರಾಮಮಂದಿರಕ್ಕೆ ಪ್ರಧಾನಿ ಮೋದಿ ಶಿಲಾನ್ಯಾಸ

govinda

ಮಹಾತ್ಮ ಗಾಂಧೀಜಿಗೆ ‘ರಾಮ ನಾಮ’ ಪ್ರಿಯವಾಗಿತ್ತು: ಉಪಮುಖ್ಯಮಂತ್ರಿ ಗೋವಿಂದ ಕಾರಜೋಳ

kuamarswami

ರಾಮಮಂದಿರ ನಿರ್ಮಾಣವಾಗಬೇಕೆಂಬ ಭಾರತೀಯರ ಶತಮಾನಗಳ ಕನಸು ಇಂದು ನನಸು: H.D ಕುಮಾರಸ್ವಾಮಿ

kanayadi

ಶ್ರೀರಾಮಕ್ಷೇತ್ರ ಕನ್ಯಾಡಿ: ಸೀತಾ-ರಾಮ ಪರಿವಾರ ದೇವರುಗಳ ಅಮೃತಶಿಲೆ ಮೂರ್ತಿಗಳ ಪ್ರತಿಷ್ಠಾಪನೆ

58

ಅಯೋಧ್ಯೆಗೆ ಆಗಮಿಸಿದ ಪ್ರಧಾನಿ ಮೋದಿ; ಯಾರೆಲ್ಲ ಭಾಗವಹಿಸಲಿದ್ದಾರೆ

chikkamagaluru

ಚಿಕ್ಕಮಗಳೂರು: ಬಿರುಗಾಳಿ ಸಹಿತ ಮಳೆಗೆ ತತ್ತರಿಸಿದ ಜನತೆ, ಹೆಬ್ಬಾಳೆ ಸೇತುವೆ ಮುಳುಗಡೆ ಆತಂಕ

SHABARI

ರಾಮಮಂದಿರ ಶಿಲಾನ್ಯಾಸ: ಪುರಾಣಪ್ರಸಿದ್ಧ ರಾಮದುರ್ಗದ ಶಬರಿ ಕೊಳ್ಳದಲ್ಲಿ ವಿಶೇಷ ಪೂಜೆ




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Raksah Bandhan or Rakhi, Indian festival for brothers and sisters

ರಕ್ಷಾ ಬಂಧನ ವಿಶೇಷ: ದ್ರೌಪದಿಯ ಋಣ ತೀರಿಸಿದ ಕೃಷ್ಣ

rakshabandhan-img

ರಕ್ಷಾಬಂಧನ ಒಂದು ಕೇವಲ ಆಚರಣೆಯಲ್ಲ; ಹೀಗಿದೆ ಅದರರ್ಥ

sanskrith day

ವಿಶ್ವ ಸಂಸ್ಕೃತ ದಿನ: ಸಂಸ್ಕೃತದಲ್ಲಿಹುದು ಸಂಸ್ಕೃತಿ

forest

ದುಃಖದ ಜತೆ ನೀರಿನ ಬವಣೆ ನೀಗಿಸಿದ ‘ಪ್ರಾಜೆಕ್ಟ್ ಹ್ಯಾಪಿನೆಸ್‌’

Anand-Arnold-1

ಮೂರು ಬಾರಿ ಪದಕಗಿಟ್ಟಿಸಿಕೊಂಡ ವ್ಹೀಲ್‌ ಚೇರ್‌ ಬಾಡಿ ಬಿಲ್ಡರ್

MUST WATCH

udayavani youtube

ಆಸ್ಪತ್ರೆಯಲ್ಲೂ B. S. Yediyurappa ಕರ್ತವ್ಯ ಪ್ರಜ್ಞೆ ; ಪ್ರಮುಖ Files ಪರಿಶೀಲನೆ

udayavani youtube

MGM ಕಾಲೇಜಿನ ನವೀಕೃತ ನೂತನ ರವೀಂದ್ರ ಮಂಟಪದ ಪ್ರಾರಂಭೋತ್ಸವ | Udayavani

udayavani youtube

MALASIYAN ಹಣ್ಣುಗಳನ್ನು ಬೆಳೆದು ಯಶಸ್ಸನ್ನು ಕಂಡ Khajane Agricultural farm

udayavani youtube

ಸುಶಾಂತ್ ಸಾವಿನ ಸುತ್ತ ಅನುಮಾನದ ಹುತ್ತ | Sushant Singh Rajput Death Mystery

udayavani youtube

“ಕಟ್ಟಿಹುದು ಬುತ್ತಿ ಉಣಲುಂಟು ತಾಳು” ಎಂದು ಜೀವನ ಪಾಠ | Life Lessons by Farmer



ಹೊಸ ಸೇರ್ಪಡೆ

ರಾಷ್ಟ್ರಮಟ್ಟದ ವೆಬಿನಾರ್‌ ಕಾರ್ಯಕ್ರಮ

ರಾಷ್ಟ್ರಮಟ್ಟದ ವೆಬಿನಾರ್‌ ಕಾರ್ಯಕ್ರಮ

ಅಯೋಧ್ಯೆ: ಸಾಧು ಸಂತರ ಸಮ್ಮುಖದಲ್ಲಿ ರಾಮಮಂದಿರಕ್ಕೆ ಪ್ರಧಾನಿ ಮೋದಿ ಶಿಲಾನ್ಯಾಸ

ಅಯೋಧ್ಯೆ ಕನಸು ಸಾಕಾರ: ಸಾಧು ಸಂತರ ಸಮ್ಮುಖದಲ್ಲಿ ರಾಮಮಂದಿರಕ್ಕೆ ಪ್ರಧಾನಿ ಮೋದಿ ಶಿಲಾನ್ಯಾಸ

HUBALLI-TDY-1

20 ಕೋಟಿ ರೂ. ವೆಚ್ಚದಲ್ಲಿ ಸಿಸಿ ರಸ್ತೆಗಳ ನಿರ್ಮಾಣ

govinda

ಮಹಾತ್ಮ ಗಾಂಧೀಜಿಗೆ ‘ರಾಮ ನಾಮ’ ಪ್ರಿಯವಾಗಿತ್ತು: ಉಪಮುಖ್ಯಮಂತ್ರಿ ಗೋವಿಂದ ಕಾರಜೋಳ

kuamarswami

ರಾಮಮಂದಿರ ನಿರ್ಮಾಣವಾಗಬೇಕೆಂಬ ಭಾರತೀಯರ ಶತಮಾನಗಳ ಕನಸು ಇಂದು ನನಸು: H.D ಕುಮಾರಸ್ವಾಮಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.