ಮಳೆ ಬಂದರೆ ಮನವೂ ಹಸಿಯಾಗುತ್ತದೆ


Team Udayavani, Jun 9, 2021, 11:00 AM IST

ಮಳೆ ಬಂದರೆ ಮನವೂ ಹಸಿಯಾಗುತ್ತದೆ

ಹೊರಗೆ ಬಿಟ್ಟೂ ಬಿಡದ ತುಂತುರು ಹನಿ. ಇತ್ತ ಮನದೊಳಗೆ ಎಂದೂ ಮಾಸದ ನೆನಪುಗಳ ಗಣಿ. ಸುಮ್ಮನೆ ಒಂದು ಸಲ ಕೆದಕಿ ನೋಡಿ. ನೀವು ತುಳಿದು ಬಂದ ಹಾದಿ ನಿಮ್ಮನ್ನೇ ಅಚ್ಚರಿಗೊಳಿಸುತ್ತ ದೆ. ಕಾಗದದ ದೋಣಿ ಮಾಡಿ ನೀರಿನಲ್ಲಿ ತೇಲಿ ಬಿಟ್ಟ ಆ ಬಾಲ್ಯದ ದಿನಗಳಿಂದ ಹಿಡಿದು, ಹರೆಯದ ಸೊಗಸಿನಲ್ಲಿ ಗೆಳೆಯ, ಗೆಳತಿಯ ಕೈ ಹಿಡಿದು ನಡೆದ ಸುಂದರ ಸಂಜೆಗಳ ತರ ಹಳೆಯ ನೆನಪುಗಳು ಎದೆಯ ಗೂಡಿನ ಮೂಲೆಯೊಂದರಲ್ಲಿ ಬೆಚ್ಚಗೆ ಕುಳಿತಿರುತ್ತವೆ. ಲೆಕ್ಕವಿಲ್ಲದಷ್ಟು ನೆನಪುಗಳು ಮನದಲ್ಲಿ ಬೆಚ್ಚಗೆ ಕೂತಿರುತ್ತವಾದರೂ ನಾವು ತೆರೆದು ನೋಡುವುದು ಎಲ್ಲೋ ಕೆಲವನ್ನು ಮಾತ್ರ. ಮಳೆಗಾಲ ಸುಂದರ ನೆನಪುಗಳಿಗೊಂದು ವೇದಿಕೆ.

ತುಂತುರು ಮಳೆ ಹನಿಗಳೆಂದರೆ ಯಾರಿಗೆ ತಾನೇ ಇಷ್ಟವಿಲ್ಲ, ಚಿಕ್ಕ ಮಕ್ಕಳಿಂದ ಹಿಡಿದು ದೊಡ್ಡವರ ವರೆಗೆ ಪ್ರತಿಯೊಬ್ಬರೂ ಒಂದಲ್ಲ ಒಂದು ಸಮಯದಲ್ಲಿ ಮಳೆಯನ್ನಿಷ್ಟ ಪಡುವವರೇ. ಪುಟಾಣಿಗಳು ಮಳೆಯಲ್ಲಿ ನೆನೆದು ಕುಣಿದು ಪಡುವ ಖುಷಿಯನ್ನೇ ದೊಡ್ಡವರು ಕೂಡ ಪಡೆಯುತ್ತಾರೆ. ಅದರಲ್ಲೂ ಮನಸ್ಸು ಸಂಭ್ರಮದಿಂದಿರುವಾಗ, ಆಪ್ತರಾದವರು ಜತೆಗಿದ್ದಾಗ ಮಳೆ ಕೊಡುವ ಆನಂದವೇ ಬೇರೆ!

ಕೆಲವರಂತೂ ಮಳೆಯ ಸೊಬಗನ್ನು ಆಸ್ವಾದಿಸಿ ಪದಗಳಲ್ಲಿ ಸೆರೆಹಿಡಿದು ಅದೆಷ್ಟೋ ಮನಸ್ಸುಗಳನ್ನು ಬೆಚ್ಚಗಾಗಿಸಿದ್ದಾರೆ. ಮಳೆಯಲ್ಲೊಂದು ಮನಮೀಟುವ ಹಾಡು ಇದ್ದರೆ ಅದೆಂತಹ ಮುದವಿದ್ದೀತು ಅಲ್ಲವೇ? ಅವನ್ನು ಆಸ್ವಾದಿಸಿ ಮನದಣಿಯಬೇಕು. ಭಾವುಕ ಮನದ ಕನವರಿಕೆಗಳಿಗೆ ಮಳೆಗಿಂತ ಉತ್ತಮ ಗೆಳೆಯ ಬೇರಿಲ್ಲ. ಬತ್ತಿ ಹೋದ ಮನದಲ್ಲೂ ಸಣ್ಣ ಚಿಗುರು ಮೂಡಿಸುವ ಶಕ್ತಿ ಮಳೆಗಿದೆ. ಬಿಡದೇ ಸುರಿವ ಮಳೆ ಕೆಲವರಿಗೆ ಕಿರಿಕಿರಿ ತಂದರೆ ಕೆಲವರಿಗೆ ಹಿಡಿಸಲಾರದಷ್ಟು ಸಡಗರ ತರುವುದು. ಮನಸ್ಸು ತೆರೆದು ನಿಂತಿರಾದರೆ ನೆನಪುಗಳ ಸುಗ್ಗಿಯೇ ನಿಮ್ಮದಾಗುವುದು.

ಕೆಲಸದ ಬಾಹುಳ್ಯ ಒತ್ತಡ, ಸಮಸ್ಯೆಗಳು, ಗೊಂದಲ, ನೋವು, ನಿರಾಸೆ, ಗೋಜಲುಗಳು ಯಾವ ಮನಸ್ಸಿಗೂ, ಯಾರ ಬದುಕಿಗೂ ಹೊರತಾದುದಲ್ಲ. ಇಂತಹ ಮನಸ್ಸುಗಳಿಗೊಂದಿಷ್ಟು ಚೈತನ್ಯ ತುಂಬಬೇಕೆಂದರೆ ನೀವು ಮಳೆಯಲ್ಲಿ ಹೆಜ್ಜೆ ಹಾಕಬೇಕು. ಮುಂಜಾನೆಯಾದರೂ ಸರಿ, ಮುಸ್ಸಂಜೆಯಾದರೂ ಸರಿ, ಮಳೆಯೊಂದಿಗೆ ಮಾತಾಡಿ ನೋಡಿ. ನಿಮ್ಮ ಮನದ ಮಾತುಗಳಿಗೆ ಮಳೆಗಿಂತ ಕೇಳುಗ ಬೇರಿಲ್ಲ. ಮಳೆಯನ್ನೇ ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ನೋಡುತ್ತಾರೆ. ಕೆಲವರಿಗೆ ಬರೀ ಖುಷಿಯನ್ನೇ ನೀಡುವ ಮಳೆ ಮತ್ತೆ ಕೆಲವರಿಗೆ ಬೆಟ್ಟದಷ್ಟು ಬೇಸರ ತರಬಹುದು. ನನ್ನ ವಿಚಾರಕ್ಕೆ ಬಂದರೆ ಈ ಎರಡನ್ನೂ ಕಂಡಿದ್ದೇನೆ. ಅವಳೊಂದಿಗಿರುವಾಗ ಪ್ರತಿ ಹನಿಯನ್ನೂ ಆಸ್ವಾದಿಸಿದ ಮನ, ಅವಳಿಲ್ಲದಾಗ ಬೋರೆಂದು ಅತ್ತಿದ್ದು ಇದೆ. ಬಿಟ್ಟು ಬಿಡಲಾರದ ಅನುಬಂಧ ಸಣ್ಣ ತೆರೆಯಾಗಿ ಕಳಚಿಕೊಳ್ಳುವಾಗ ಜೀವ ಹಿಡಿಯಾಗಿತ್ತು.

ಬೇಕೇ ಬೇಕೆಂದು ಹಿಡಿದಿಟ್ಟುಕೊಳ್ಳಲಾರದ ಅಸಹಾಯಕತೆಗೆ ಕಂಬನಿಯುಕ್ಕಿತ್ತಾದರೂ ಹೊರ ತೋರಲಾರದ ಅಸಹಾಯಕತೆಗೆ ಮೌನದ ಮೊರೆ ಹೊಕ್ಕಿದ್ದು ಇಂದೂ ಆ ಮೌನದಿಂದ ಹೊರಬರಲಾಗುತ್ತಿಲ್ಲ, ಆದರೆ ಮಳೆ ಬಂದಾಗ ತೇವಗೊಳ್ಳುವ ನೆಲದಂತೆ ಈ ಮನವೂ ಹಸಿಯಾಗುತ್ತದೆ.

 

ಬಸವರಾಜ ಎನ್‌.

ಕೊಪ್ಪಳ

ಟಾಪ್ ನ್ಯೂಸ್

ತರಗತಿಯೊಳಗೆ ನುಗ್ಗಿದ ಚಿರತೆ, ವಿದ್ಯಾರ್ಥಿ ಮೇಲೆ ದಾಳಿ, ಪ್ರಾಣಾಪಾಯದಿಂದ ಪಾರು

ತರಗತಿಯೊಳಗೆ ನುಗ್ಗಿದ ಚಿರತೆ, ವಿದ್ಯಾರ್ಥಿ ಮೇಲೆ ದಾಳಿ, ಪ್ರಾಣಾಪಾಯದಿಂದ ಪಾರು

shivaram

ಹಿರಿಯ ಚಿತ್ರ ನಟ ಶಿವರಾಂ ಅರೋಗ್ಯ ಸ್ಥಿತಿ ಗಂಭೀರ ; ಐಸಿಯುನಲ್ಲಿ ಚಿಕಿತ್ಸೆ

accident

ಅಪಘಾತ: ಪುತ್ರ‌ನ ಮದುವೆಗೆ ಆಮಂತ್ರಿಸಲು ಹೋದ ದಂಪತಿ ದುರ್ಮರಣ

Online

ಟೆಕ್ಕಿಗಳ ಪ್ರಯತ್ನಕ್ಕೆ ಆನ್‌ಲೈನ್‌ ಸಪೋರ್ಟ್‌

1-fdssdf

ರೌಡಿ ಹಿನ್ನಲೆ, ತೆರಿಗೆ ಕಳ್ಳರೇ ಡಿಕೆಶಿ ಆಯ್ಕೆ : ಬಿಜೆಪಿಯಿಂದ ಟ್ವೀಟ್ ಆಸ್ತ್ರಗಳ ಪ್ರಯೋಗ

ಘೀಳಿಡಲು ರೆಡಿಯಾದ ಮದಗಜ; 900ಕ್ಕೂ ಹೆಚ್ಚು ಸ್ಕ್ರೀನ್‌ಗಳಲ್ಲಿ ಬಿಡುಗಡೆ

ಘೀಳಿಡಲು ರೆಡಿಯಾದ ಮದಗಜ; 900ಕ್ಕೂ ಹೆಚ್ಚು ಸ್ಕ್ರೀನ್‌ಗಳಲ್ಲಿ ಬಿಡುಗಡೆ

covid-1

ಒಮಿಕ್ರಾನ್: ಅಮೆರಿಕಾದಲ್ಲಿ ರೂಪಾಂತರಿ ಮೊದಲ ಪ್ರಕರಣ ವರದಿ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಇಂದು ನಾ ಕಂಡ ಜೋಗತಿ

ಜೋಗತಿಗೆ ಗುರು, ಮಾರ್ಗದರ್ಶಕಿ, ದಿಕ್ಕು-ದೆಸೆಯಾಗಿ ಸಿಕ್ಕವರೆ ಕಾಳವ್ವ : ನಾ ಕಂಡ ಜೋಗತಿ

fgdtryy

ಸುತ್ತಿಗೆ ತಲೆ ಹುಳು ಬಗ್ಗೆ ನಿಮಗೆ ತಿಳಿದಿದೆಯೆ ?

hyuty6t

ಸಂಗೀತವೆಂಬ ದೀಪದಲ್ಲಿ ಬೆಳಗುತ್ತಿರುವ ‘ಉಜ್ವಲ’

ನೆರಳಿನಂತೆ ಹಿಂಬಾಲಿಸುವ ನೆನಪುಗಳು….

ನೆರಳಿನಂತೆ ಹಿಂಬಾಲಿಸುವ ನೆನಪುಗಳು….

ಕಣ್ಣೆದುರಿಗೆ ಬರುವ ಅಚ್ಚಳಿಯದ ನೆನಪುಗಳು

ಕಣ್ಣೆದುರಿಗೆ ಬರುವ ಅಚ್ಚಳಿಯದ ನೆನಪುಗಳು

MUST WATCH

udayavani youtube

ಬಿಜೆಪಿ ಶಾಸಕ ಎಸ್.ಆರ್.ವಿಶ್ವನಾಥ್ ಅವರ ಕೊಲೆಗೆ ಸಂಚು ಮಾಡಿಲ್ಲ : ಗೋಪಾಲ ಕೃಷ್ಣ

udayavani youtube

ಬಿಜೆಪಿ ಶಾಸಕ ಎಸ್ ಆರ್ ವಿಶ್ವನಾಥ್ ಹತ್ಯೆಗೆ ಸ್ಕೆಚ್!

udayavani youtube

ಜಡೇಜಾಗಾಗಿ ಮೊದಲ ಸ್ಥಾನವನ್ನೇ ಬಿಟ್ಟುಕೊಟ್ಟ ಮಾಹಿ

udayavani youtube

ನಾಪತ್ತೆಯಾಗಿದ್ದ ವ್ಯಕ್ತಿಯ ಶವ ಕಾಡಿನಲ್ಲಿ ಹೂತಿಟ್ಟ ರೀತಿಯಲ್ಲಿ ಪತ್ತೆ, ಕೊಲೆ ಶಂಕೆ

udayavani youtube

ತುಂಗಭದ್ರಾ ನದಿಯಿಂದ ಹಳ್ಳಗಳಿಗೆ ಬಂದ ಮೊಸಳೆ! ಜನರಲ್ಲಿ ಆತಂಕ

ಹೊಸ ಸೇರ್ಪಡೆ

ತರಗತಿಯೊಳಗೆ ನುಗ್ಗಿದ ಚಿರತೆ, ವಿದ್ಯಾರ್ಥಿ ಮೇಲೆ ದಾಳಿ, ಪ್ರಾಣಾಪಾಯದಿಂದ ಪಾರು

ತರಗತಿಯೊಳಗೆ ನುಗ್ಗಿದ ಚಿರತೆ, ವಿದ್ಯಾರ್ಥಿ ಮೇಲೆ ದಾಳಿ, ಪ್ರಾಣಾಪಾಯದಿಂದ ಪಾರು

suicide lovers

ಮದುವೆಗೆ ಪೋಷಕರ ವಿರೋಧ: ಪ್ರೇಮಿಗಳಿಬ್ಬರೂ ಆತ್ಮಹತ್ಯೆಗೆ ಶರಣು

shivaram

ಹಿರಿಯ ಚಿತ್ರ ನಟ ಶಿವರಾಂ ಅರೋಗ್ಯ ಸ್ಥಿತಿ ಗಂಭೀರ ; ಐಸಿಯುನಲ್ಲಿ ಚಿಕಿತ್ಸೆ

ಕನೇರಿಯಲ್ಲಿ ಗರ್ಭಸಂಸ್ಕಾರ ಕೇಂದ್ರ ಲೋಕಾರ್ಪಣೆ : ದೇಶದ ಎರಡನೇ ಗರ್ಭ ಸಂಸ್ಕಾರ ಕೇಂದ್ರ

ಕನೇರಿಯಲ್ಲಿ ಗರ್ಭಸಂಸ್ಕಾರ ಕೇಂದ್ರ ಲೋಕಾರ್ಪಣೆ : ದೇಶದ ಎರಡನೇ ಗರ್ಭ ಸಂಸ್ಕಾರ ಕೇಂದ್ರ

lake filled

ಬೂದಿಗೆರೆ ಕೆರೆಯಲ್ಲಿನ್ನು 24ಗಂಟೆಯೂ ನೀರು

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.