ಜ್ಯೂಲಿಯಾ ಅಜ್ಜಿಯ ಬ್ರೇಕ್ ಡ್ಯಾನ್ಸ್ಗೆ ಫಿದಾ
ಹೌದಾ ಮಾರಾಯ್ರೆ!
Team Udayavani, Jan 23, 2020, 7:54 AM IST
ಅಯ್ಯೋ ಐವತ್ತಾಯ್ತು. ನನ್ನಿಂದ ಇನ್ನೇನೂ ಸಾಧ್ಯವಿಲ್ಲ ಅನ್ನುವವರಿಗೆ 91 ವರ್ಷ ವಯಸ್ಸಿನ ಜ್ಯೂಲಿಯಾ ಲೂಯಿಸ್ ಉತ್ತಮ ಉದಾಹರಣೆ. ಕಾರಣ ಗೊತ್ತಾ? ಅಮೆರಿಕದ ಇಂಡಿಯಾನಾಪೊಲೀಸ್ನಲ್ಲಿರುವ ಗೋಲ್ಡನ್ ಏಜ್ ಹೋಮ್ ಹೆಲ್ತ್ ಕೇರ್ನಲ್ಲಿ ಅವರು ಹಲವು ವರ್ಷಗಳಿಂದ ವಾಸಿಸುತ್ತಿದ್ದಾರೆ.
ದಿನಗಳ ಹಿಂದಷ್ಟೇ ಅವರು ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಾಗಿದ್ದರು. ಅಲ್ಲಿಂದ ತಮ್ಮ ಹೋಮ್ ಹೆಲ್ತ್ ಕೇರ್ಗೆ ಬಂದರು. ಬಂದೊಡನೆಯೇ ತಮ್ಮನ್ನು ನೋಡಿಕೊಳ್ಳುತ್ತಿರುವವರಿಗೆ ‘ನನಗೆ ಡ್ಯಾನ್ಸ್ ಮಾಡಬೇಕು ಎಂಬ ಆಸೆಯಾಗಿದೆ’ ಎಂದು ಹೇಳಿಕೊಂಡರು. ತಪ್ಪು ತಿಳಿದುಕೊಳ್ಳಬೇಡಿ ಎಂದು ಹೇಳಿಕೊಂಡಿದ್ದಾರೆ.
ಈ ಅಜ್ಜಿ ಏನು ಡ್ಯಾನ್ಸ್ ಮಾಡಲು ಸಾಧ್ಯವೆಂದು ಅವರನ್ನು ನೋಡಿಕೊಳ್ಳುವವರು ತಿಳಿದು ಕೊಂಡರೇನೋ? ಪಾಶ್ಚಾತ್ಯ ಸಂಗೀತಕ್ಕೆ ಅನುಗುಣವಾಗಿ ಜ್ಯೂಲಿಯಾ ಲೂಯಿಸ್ ಸೊಂಟ ಬಳುಕಿಸಿ, ಕೈ ಕಾಲು ಆಡಿಸಿ ಡ್ಯಾನ್ಸ್ ಮಾಡಿಯೇ ಬಿಟ್ಟರು.
ಅದು ರೆಕಾರ್ಡಿಂಗ್ ಆಗಿರುವುದರ ಜತೆಗೆ ಜಾಲತಾಣಗಳಲ್ಲಿ ನೇರ ಪ್ರಸಾರವೂ ಆಗಿದೆ. ಅದನ್ನು 91 ಸಾವಿರ ಮಂದಿ ವೀಕ್ಷಿಸಿದ್ದಾರೆ. ಇದರ ಜತೆಗೆ ಲೈಕ್ಗಳೂ ವ್ಯಕ್ತವಾಗಿವೆ. ಜೀವನೋತ್ಸಾಹ ಎಂದರೆ ಇದೇ ಅಲ್ಲವೇ? ಹ್ಯಾಟ್ಸ್ಆಫ್ ಜ್ಯೂಲಿಯಾ ಅಜ್ಜಿ.