ಈ ಬೆಕ್ಕಿಗೆ ಏಕಾಂಗಿ ಸೆರೆವಾಸದ ಶಿಕ್ಷೆ
Team Udayavani, Nov 12, 2019, 8:19 AM IST
ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used
ತಪ್ಪು ಮಾಡಿದವರಿಗೆ ಸೆರೆವಾಸ ನೀಡುವುದನ್ನು ನೋಡಿದ್ದೀರಿ. ಜೈಲಲ್ಲಿದ್ದುಕೊಂಡೂ ಕಿರಿಕ್ ಮಾಡುವ ಕೈದಿಗಳಿಗೆ ಏಕಾಂಗಿ ಸೆರೆವಾಸದ ಶಿಕ್ಷೆ ಕೊಡುವುದುಂಟು. ಆದರೆ, ಹೂಸ್ಟನ್ನಲ್ಲಿ ಬೆಕ್ಕೊಂದಕ್ಕೆ ಈ ಶಿಕ್ಷೆ ವಿಧಿಸಲಾಗಿದೆ. ಪ್ರತ್ಯೇಕ ಕೊಠಡಿಯಲ್ಲಿ ಏಕಾಂಗಿಯಾಗಿ ಇರುವ ಶಿಕ್ಷೆಯನ್ನು ಈ ಕ್ವಿಲ್ಟಿ ಎಂಬ ಹೆಸರಿನ ಬೆಕ್ಕಿಗೆ ನೀಡಲಾಗಿದೆ.
ಅಂದ ಹಾಗೆ, ಈ ಬೆಕ್ಕು ಮಾಡಿದ ತಪ್ಪಾದರೂ ಏನು ಗೊತ್ತಾ? ತಪ್ಪು ಇಷ್ಟೆ; ಇತರ ಬೆಕ್ಕುಗಳನ್ನು ಬಿಡುಗಡೆ ಮಾಡಿದ್ದು! ಫ್ರೆಂಡ್ಸ್ ಫಾರ್ ಲೈಫ್ ಎನಿಮಲ್ ರೆಸ್ಕ್ಯೂ ಆರ್ಗನೈಜೇಷನ್ನಲ್ಲಿ ಹಲವು ಬೆಕ್ಕುಗಳು, ನಾಯಿಗಳಿಗೆ ಆಶ್ರಯ ನೀಡಲಾಗುತ್ತಿದೆ. ಅಲ್ಲಿ ವಾಸಿಸುವ ಜಾಣ ಬೆಕ್ಕೇ ಕ್ವಿಲ್ಟಿ.
ಇದು ತನ್ನ ಅತಿ ಬುದ್ಧಿವಂತಿಕೆ ಉಪಯೋಗಿಸಿ, ಒಳಗಿರುವ ಬೆಕ್ಕುಗಳಿಗೆ ಎಸ್ಕೇಪ್ ಆಗಲು ಸಹಾಯ ಮಾಡುತ್ತಿತ್ತಂತೆ. ನಾಯಿಗಳನ್ನೂ ಇದು ಬಿಡುಗಡೆ ಮಾಡಿಸಿದ ಉದಾಹರಣೆಯೂ ಇದೆಯಂತೆ. ಇದರ ಕಾಟ ತಡೆಯಲಾಗದೇ ಈಗ ಈ ಬೆಕ್ಕನ್ನು ಏಕಾಂಗಿ ಸೆರೆಯಲ್ಲಿ ಇಡಲಾಗಿದೆ.