ರಕ್ತ ಹೀರಲು ಜಿಗಣೆಗೆ ಅವಕಾಶ: ವೀಡಿಯೋ ವೈರಲ್
Team Udayavani, Feb 5, 2020, 10:17 AM IST
ಚಾರಣ ಹೋಗುವ ಅಭ್ಯಾಸವಿದ್ದವರಿಗೆ ಜಿಗಣೆಯ ಸಾಂಗತ್ಯ ಹೊಸತೇನಲ್ಲ. ಹೊಸಬರಿಗಾದರೆ, ಅದು ಸದ್ದಿಲ್ಲದೆ ನಮ್ಮ ದೇಹಕ್ಕೆ ಅಂಟಿಕೊಂಡು ರಕ್ತವನ್ನು ಕುಡಿಯುವ ದೃಶ್ಯ ಕಂಡರೆ ಸುಸ್ತು ಹೊಡೆಯುವವರಿದ್ದಾರೆ. ಇಲ್ಲೊಬ್ಬ ವ್ಯಕ್ತಿ ಜಿಗಣೆಯನ್ನು ತನ್ನ ಮುಂಗೈಗೆ ಬಿಟ್ಟುಕೊಂಡು ರಕ್ತವನ್ನು ಹೀರಲು ಅನುವು ಮಾಡಿಕೊಟ್ಟಿರುವ ವೀಡಿಯೋ ರೆಡ್ಇಟ್ ಜಾಲತಾಣದಲ್ಲಿ ಅಪ್ಲೋಡ್ ಆಗಿದೆ.
ಆದರೆ ಅದನ್ನು ಯಾವಾಗ ಮತ್ತು ಯಾರು ಚಿತ್ರೀಕರಣ ಮಾಡಿದ್ದರು ಎಂಬುದರ ಬಗ್ಗೆ ಮಾಹಿತಿ ಇಲ್ಲ. ವ್ಯಕ್ತಿಯ ಮುಂಗೈ ಮೇಲೆ ಬೆಳಕು ಮಾತ್ರ ಬೀಳುತ್ತಿದೆ. ಈ ದೃಶ್ಯವನ್ನು ಜಪಾನ್ನಲ್ಲಿ ಚಿತ್ರೀಕರಿಸಲಾಗಿದೆ ಎಂಬ ಮಾತುಗಳಿವೆ. 2015ರಲ್ಲಿ ಈ ವೀಡಿಯೋ ಮೊದಲ ಬಾರಿಗೆ ಯೂಟ್ಯೂಬ್ಗ ಅಪ್ಲೋಡ್ ಆಗಿತ್ತು. ಆ ಸಂದರ್ಭದಲ್ಲಿ 1.17 ಮಿಲಿಯ ಮಂದಿ ವೀಕ್ಷಿಸಿದ್ದರು.
ಇದೀಗ ರೆಡ್ಇಟ್ನಲ್ಲಿ ಮತ್ತೂಮ್ಮೆ ಅಪ್ಲೋಡ್ ಆದಾಗ 11 ಸಾವಿರ ಮಂದಿ ಅದನ್ನು ವೀಕ್ಷಿಸಿ ಬೆರಗಾಗಿದ್ದಾರೆ ಮತ್ತು 900ಕ್ಕೂ ಅಧಿಕ ಕಮೆಂಟ್ಗಳನ್ನು ಪೋಸ್ಟ್ ಮಾಡಲಾಗಿದೆ. ಚಿತ್ರದಲ್ಲಿರುವ ಜಿಗಣೆ ರಕ್ತ ಹೀರಿ ಭಾರಿ ಗಾತ್ರ ಹೊಂದಿದೆ ಎಂದು ಹಲವರು ಬರೆದಿದ್ದರೆ, ಅದೇನೂ ಅಪಾಯಕಾರಿ ಪ್ರಾಣಿಯಲ್ಲ ಎಂದೂ ಮತ್ತೆ ಕೆಲವರು ವಾದಿಸಿದ್ದಾರೆ.