ಕಳ್ಳ ಕನ್ನ ಹಾಕುವಾಗ ಆತನ ಕಾರೇ ಕಳವಾಯ್ತು!
Team Udayavani, Aug 28, 2019, 5:42 PM IST
ಮಾಡಿದ ಕರ್ಮದ ಫಲ ಬೆನ್ನ ಹಿಂದೆಯೇ ಇರುತ್ತದೆ ಎಂಬ ಮಾತು ಕೇಳಿದ್ದೇವೆ. ವಾಷಿಂಗ್ಟನ್ನ ವ್ಯಕ್ತಿಯೊಬ್ಬನ ವಿಷಯದಲ್ಲಿ ಅದು ಅಕ್ಷರಶಃ ಸತ್ಯವಾಗಿದೆ. ವಿಲಿಯಂ ಕೆಲ್ಲಿ ಎಂಬ ವ್ಯಕ್ತಿ ಮಾರುಕಟ್ಟೆ ರಸ್ತೆಯೊಂದರಲ್ಲಿ ಕಳ್ಳತನ ಮಾಡುತ್ತಿರುವಾಗ, ಆತನ ಮಿನಿ ಟ್ರಕ್ ಅನ್ನು ಮತ್ತೂಬ್ಬ ಕಳ್ಳ ಕದ್ದೊಯ್ದ ಘಟನೆ ಭಾನುವಾರ 6 ಗಂಟೆಗೆ ಕೆನ್ನಿವಿಕ್ ಪ್ರದೇಶದಲ್ಲಿ ನಡೆದಿದೆ.
ಕಳ್ಳ ಕೆಲ್ಲಿ, “ತನ್ನ 1992ನ ಶವಿ ಮಿನಿ ಟ್ರಕ್ ಕಳವಾಗಿದೆ. ತಾನು ಟ್ರಕ್ನ ಕೀಲಿಯನ್ನು ಅದರಲ್ಲಿಯೇ ಬಿಟ್ಟು ಹೋಗಿದ್ದೆ. ಅದನ್ನು ಬಳಸಿ ಯಾರೋ ಕಳ್ಳ ನನ್ನ ಟ್ರಕ್ ಕದ್ದಿದ್ದಾನೆ’ ಎಂದು ಪೊಲೀಸರಿಗೆ ದೂರು ನೀಡಿದ್ದ. ದೂರು ಪಡೆದ ಪೊಲೀಸರು ಸಿಸಿಟಿವಿ ಕ್ಯಾಮೆರಾವನ್ನು ಪರಿಶೀಲಿಸಿದರು.
ಆಗ ಅವರಿಗೆ ಆಶ್ಚರ್ಯ ಕಾದಿತ್ತು. ಕೆಲ್ಲಿ ಮಾರುಕಟ್ಟೆ ಬೀದಿಯಲ್ಲಿ ಕಳ್ಳತನ ಮಾಡುತ್ತಿದ್ದ. ಕಳುವು ಮಾಡಿದ್ದ ವಸ್ತುಗಳನ್ನು ಹೊತ್ತು ಟ್ರಕ್ ಬಳಿ ದೌಡಾಯಿಸುತ್ತಿರುವಾಗ, ಆತನ ಟ್ರಕ್ ಅನ್ನು ಮತ್ತೂಬ್ಬ ಕಳ್ಳ ಕದ್ದೊಯ್ದ. ದೂರು ನೀಡಲು ಹೋದ ಕಳ್ಳ ಕೆಲ್ಲಿ ಸಿಸಿ ಟಿವಿಯಿಂದಾಗಿ ಸಿಕ್ಕಿಬಿದ್ದು, ಪೊಲೀಸರ ಅತಿಥಿಯಾಗಿದ್ದಾನೆ. ಮತ್ತೂಬ್ಬ ಕಳ್ಳನಿಗಾಗಿ ಬಲೆ ಬೀಸಲಾಗಿದೆ.