ಉದ್ಯೋಗದಾತ ಸಾಂತಾ ಕ್ಲಾಸ್ ಆದಾಗ
Team Udayavani, Dec 13, 2019, 7:13 AM IST
ಈಗ ಕ್ರಿಸ್ಮಸ್ ಸಂಭ್ರಮಾಚರಣೆ ಸಮಯ. ಮಕ್ಕಳು ಸಾಂತಾ ಕ್ಲಾಸ್ ನಮಗೆಲ್ಲಾ ಉಡುಗೊರೆ ಕೊಡುತ್ತಾನೆ ಎಂದು ಕನಸು ಕಾಣುತ್ತಿರುತ್ತಾರೆ. ಒಂದು ವೇಳೆ ಕಂಪೆನಿಯ ಬಾಸ್ ಸಾಂತಾನಾಗಿ ಬದಲಾದರೆ ಉದ್ಯೋಗಿಗಳು ಎಷ್ಟು ಸಂಭ್ರಮಿಸಬಹುದು? ಮೇರಿಲ್ಯಾಂಡ್ ಕಂಪೆನಿಯೊಂದರ 200 ಜನ ಉದ್ಯೋಗಿಗಳಿಗೆ ಕಂಪೆನಿ ಸಂಸ್ಥಾಪಕ-ಅಧ್ಯಕ್ಷ ಎಡ್ವರ್ಡ್ ಸೇಂಟ್ ಜಾನ್ (81) ಸಾಂತಾನಾಗಿ ಪರಿಣಮಿಸಿದ್ದಾರೆ.
200 ಜನ ಉದ್ಯೋಗಿಗಳಿಗೂ ಅವರು 35 ಲಕ್ಷ ರೂ.ಗಳಂತೆ ಕ್ರಿಸಮಸ್ ಬೋನಸ್ ನೀಡಿದ್ದು, ಇದಕ್ಕಾಗಿ 70 ಕೋಟಿ ರೂ. ವೆಚ್ಚ ಮಾಡಿದ್ದಾರಂತೆ. ಕೆಂಪು ಲಕೋಟೆಯಲ್ಲಿ ನೀಡಲಾದ ಬೋನಸ್ ಅನ್ನು ನೋಡಿ ಉದ್ಯೋಗಿಗಳು ಬೆಚ್ಚಿಬಿದ್ದಿದ್ದಾರೆ. ಈ ಕಂಪೆನಿಯನ್ನು ಸ್ಥಾಪಿಸಿ ದಿಕ್ಕು ತೋರುತ್ತಿರುವವನು ನಾನೇ ಇರಬಹುದು. ಆದರೆ ಅದರ ಪ್ರಗತಿಗೆ ಕಾರಣ ಉದ್ಯೋಗಿಗಳಾದ ನೀವು ಎಂದಿದ್ದಾರೆ ಜಾನ್.