ವಿಮಾನ ನಿಲ್ದಾಣದಲ್ಲಿ ಮಾನವ ಯೇತಿ!
ಹೌದಾ ಮಾರಾಯ್ರೆ !
Team Udayavani, Feb 8, 2020, 7:06 AM IST
ನೀವೇನಾದರೂ ಅಹಮದಾಬಾದ್ ವಿಮಾನ ನಿಲ್ದಾಣಕ್ಕೆ ಹೋದಾಗ, ಅಲ್ಲಿ ಪುರಾಣಗಳಲ್ಲಿ ಉಲ್ಲೇಖವಾಗಿರುವ ದೊಡ್ಡ ಹೆಜ್ಜೆಯ ‘ಯೇತಿ’ ಎಂಬ ಪ್ರಾಣಿಯನ್ನು ಕಂಡರೆ ದಯವಿಟ್ಟು ಹೆದರಬೇಡಿ ಮತ್ತು ಆಶ್ಚರ್ಯವೂ ಪಡಬೇಡಿ. ವಿಮಾನ ನಿಲ್ದಾಣಕ್ಕೆ ಹಾವಳಿ ಇಟ್ಟಿರುವ ಮಂಗಗಳನ್ನು ಓಡಿಸಲು ವಿಮಾನ ನಿಲ್ದಾಣದ ಸಿಬ್ಬಂದಿಯೇ ಈ ಯೇತಿಯ ಮೊರೆ ಹೋಗಿದ್ದಾರೆ.
ಸರ್ದಾರ್ ವಲ್ಲಭಭಾಯಿ ಪಟೇಲ್ ವಿಮಾನ ನಿಲ್ದಾಣದ ಆವರಣದಲ್ಲಿ ಮಂಗಗಳ ಹಾವಳಿ ಎಷ್ಟಾಗಿದೆ ಎಂದರೆ ರನ್ ವೇಯನ್ನೂ ಮಂಗಗಳು ತಮ್ಮ ಆಟದ ಮೈದಾನವನ್ನಾಗಿ ಮಾಡಿಕೊಂಡಿವೆ.
ಇವುಗಳನ್ನು ಓಡಿಸಲು ಸಿಬ್ಬಂದಿಯೊಬ್ಬರಿಗೆ ಕರಡಿಯನ್ನು ಹೋಲುವ ವಸ್ತ್ರವನ್ನು ತೊಡಿಸಲಾಗುತ್ತದೆ. ಆ ವ್ಯಕ್ತಿ ವಿಚಿತ್ರ ಶಬ್ದಗಳನ್ನು ಮಾಡುತ್ತಾ ಮಂಗಗಳನ್ನು ಹಿಮ್ಮೆಟ್ಟಿಸಿ, ಅವುಗಳನ್ನು ಆವರಣದ ಆಚೆಗೆ ಅಟ್ಟುತ್ತಾರೆ.