ಅಮನ ಕೃಪೆ:10 ನಿಮಿಷದಲ್ಲಿ 3,500 ಕುಕ್ಕೀಸ್‌ ಮಾರಾಟ!

Team Udayavani, Feb 19, 2017, 10:44 AM IST

ತಮಿಳುನಾಡಿನ ಮಾಜಿ ಸಿಎಂ ದಿ.ಜಯಲಲಿತಾರ ಪೋಯೆಸ್‌ ಗಾರ್ಡನ್‌ ನಿವಾಸವನ್ನು ಮುಖ್ಯ ಪ್ರೇಕ್ಷಣೀಯ ಸ್ಥಳ ಎಂದರೂ ತಪ್ಪಾಗಲಿಕ್ಕಿಲ್ಲ. ಜಯಲಲಿತಾ ನಿಧನದ ಬಳಿಕ ಜನರು ಅಪಾರ ಸಂಖ್ಯೆಯಲ್ಲಿ ಇಲ್ಲಿಗೆ ಬರುತ್ತಿದ್ದಾರೆ. ಭಾಗಶಃ ಇದಕ್ಕಾಗಿಯೇ ಇರಬೇಕು ಹಂಗಾಮಿ ಸಿಎಂ ಪನೀರ್‌ ಸೆಲ್ವಂ ಈ ಮನೆಯನ್ನು ಸ್ಮಾರಕವನ್ನಾಗಿಸಬೇಕು ಎಂದಿದ್ದು. ಈ ಮನೆಗೆ ಎಡತಾಕುತ್ತಿರುವ ರಾಜಕೀಯ ನಾಯಕರಿಗೆ, ಪಕ್ಷದ ಮುಖಂಡರಿಗೆ ಏನು ಲಾಭವಾಗಿದೆಯೋ ಇಲ್ಲವೋ ಗೊತ್ತಿಲ್ಲ. ಆದರೆ ತಳ್ಳುವ ಗಾಡಿಯಲ್ಲಿ ತಿಂಡಿ ತಿನಿಸು, ಪಾನೀಯ ಮಾರುವವರು ಇಷ್ಟು ವ್ಯಾಪಾರವನ್ನು ಎಂದೂ ಕಂಡಿರಲಿಕ್ಕಿಲ್ಲ. ಇಲ್ಲಿಯ ಕುಕ್ಕೀಸ್‌ (ಬೆಣ್ಣೆ ಬಿಸ್ಕತ್ತು) ವ್ಯಾಪಾರಿ ಯೊಬ್ಬರು ಕೇವಲ 10 ನಿಮಿಷಗಳಲ್ಲಿ 3,500 ಕುಕ್ಕೀಸ್‌ ಮಾರಿದ್ದಾರಂತೆ. 

ಈ ವ್ಯಾಪಾರಿ ನಗರದ ಬೀದಿಗಳು, ಸ್ಮಾರಕಗಳೆದುರು ದಿನವಿಡೀ ನಿಂತರೂ ಇಷ್ಟೊಂದು ವ್ಯಾಪಾರ ವಾಗುತ್ತಿರಲಿಲ್ಲವಂತೆ. ಅಮ್ಮನ ಮಹಿಮೆಯಿಂದ ಹತ್ತೇ ನಿಮಿಷದಲ್ಲಿ ಇಷ್ಟೆಲ್ಲಾ ವ್ಯಾಪಾರ ನಡೆದಿದೆ ಎನ್ನುತ್ತಾರೆ. ಒಟ್ಟಿನಲ್ಲಿ ಅಮ್ಮನ ಮಹಿಮೆಯಿಂದ ಒಂದಷ್ಟು ರಸ್ತೆ ಬದಿ ವ್ಯಾಪಾರಿಗಳು ಹಣ ಕಾಣುವಂತಾಗಿದೆ.