ಮಗುವಿಗೂ ಸಂಚಾರಿ ನಿಯಮದ ಪಾಠ

Team Udayavani, Jun 30, 2019, 10:50 AM IST

ಅಮೆರಿಕದ ಸಂಚಾರಿ ಪೊಲೀಸ್‌ ಒಬ್ಬರು ಕರ್ತವ್ಯವಲ್ಲದೇ ತಮ್ಮ ವೈಯಕ್ತಿಕ ಜೀವನದಲ್ಲೂ ಸಂಚಾರಿ ನಿಯಮಗಳಿಗೆ ಎಷ್ಟು ಮಹತ್ವ ನೀಡುತ್ತಾರೆ ಎಂಬುದಕ್ಕೆ ನಿದರ್ಶನವಾಗುವಂಥ ವಿಡಿಯೋವೊಂದು ಜಾಲತಾಣ ಗಳಲ್ಲಿ ಹರಿದಾಡುತ್ತಿದೆ.

ಆರ್ಲ್ಯಾಂಡೊ ಪೊಲೀಸ್‌ ವಿಭಾಗ ಈ ವಿಡಿಯೋವನ್ನು ಶೇರ್‌ ಮಾಡಿದೆ. ಪೊಲೀಸ್‌ ಸಿಬಂದಿಯೊಬ್ಬರ 10 ತಿಂಗಳ ಹಸುಗೂಸು ತನ್ನ ಆಟಿಕೆ ಕಾರಿನಲ್ಲಿ ರಸ್ತೆಯ ಮತ್ತೂಂದು ಬದಿಯಲ್ಲಿ ಹೋಗುತ್ತಿರುತ್ತದೆ. ಆ ಬದಿಯಲ್ಲಿ ಸಾಗುವುದು ಸಂಚಾರಿ ನಿಯಮದಉಲ್ಲಂಘನೆಯಾಗುತ್ತದೆ. ಹೀಗಾಗಿ, ಮಗುವಿನ ತಂದೆಯು ಕೂಡಲೇ ಕಾರು ನಿಲ್ಲಿಸಿ ಮಗುವನ್ನು ಸರಿಯಾದ ಬದಿಗೆ ಎಳೆದು ತರುತ್ತಾರೆ. ಮಗು ಅಪ್ಪನನ್ನು ನೋಡುತ್ತಲೇ ಬಾಯನ್ನು ಊರಗಲ ತೆರೆದು ನಗುತ್ತದೆ. ಸಂಚಾರಿ ನಿಯಮಗಳಿಗಿಂತ ತನ್ನ ಕುಟುಂಬವೂ ದೊಡ್ಡದಲ್ಲ ಎಂಬಂತಿದೆ ಪೊಲೀಸ್‌ ಸಿಬಂದಿಯ ವರ್ತನೆ. ಈ ವಿಡಿಯೋ ಜಾಲತಾಣಿಗರ ಮನಸ್ಸು ಸೂರೆಗೊಳಿಸಿದೆ.