ಮನೆ ಕಿಚ್ಚು ಹಾಕಿದ ಪ್ರೀತಿಯ ನಾಯಿ
ಹೌದಾ ಮಾರಾಯ್ರೇ?
Team Udayavani, Dec 5, 2019, 12:38 AM IST
ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used
ಬಹುತೇಕ ನಗರವಾಸಿಗಳಲ್ಲಿ ನಾಯಿ ನಂಬಿಕಸ್ಥ ಮತ್ತು ಕುಟುಂಬದ ಸದಸ್ಯನಂತೆಯೇ ಇರುತ್ತದೆ. ಮುದ್ದಿನಿಂದ ಸಾಕಿದ ನಾಯಿ ಒಡೆಯ ಹಾಗೂ ಮನೆಯವರ ಜೀವ ಉಳಿಸಿದ ಹಲವು ನಿದರ್ಶನಗಳು ಈಗಾಗಲೇ ವರದಿಯಾಗಿವೆ. ಇಲ್ಲಿ ಹೇಳ ಹೊರಟಿರುವುದು ಬೇರೆಯೇ ಕಥೆ.
ಯುನೈಟೆಡ್ ಕಿಂಗ್ಡಮ್ನಲ್ಲಿ ನಾಯಿ ಮೈಕ್ರೋವೇವ್ ಒವೆನ್ ಅನ್ನು ಹಠಾತ್ ಆಗಿ ಆನ್ ಮಾಡಿದ್ದರಿಂದ ಮನೆಗೇ ಬೆಂಕಿ ಹತ್ತಿಕೊಂಡ ಘಟನೆ ನಡೆದಿದೆ. ಎಸೆಕ್ಸ್ನ ಮನೆಯಲ್ಲಿ ನಾಯಿ ಒಂದೇ ಇತ್ತು. ಕುಟುಂಬ ಸದಸ್ಯರು ಯಾರೂ ಇರಲಿಲ್ಲ. ಅಡುಗೆ ಕೋಣೆಯ ಕಡೆಗೆ ಹೋದ ನಾಯಿಯಿಂದಾಗಿ ಅಚಾನಕ್ ಆಗಿ ಒವೆನ್ ಸ್ವಿಚ್ ಆನ್ ಆಯಿತು.
ಅದರಲ್ಲಿ ಇರಿಸಲಾಗಿದ್ದ ಬ್ರೆಡ್ ರೋಲ್ಗಳು ಫ್ರೈ ಆಗಿ ಬೆಂಕಿಯ ಕಿಡಿ ಹೊರಸೂಸಲಾರಂಭಿಸಿತು. ಅದೇ ಸಂದರ್ಭದಲ್ಲಿ ಹೊರಗಿದ್ದ ಮನೆ ಮಾಲೀಕನ ಮೊಬೈಲ್ಗೆ ಘಟನೆಯ ಬಗ್ಗೆ ಅಲರ್ಟ್ ಬಂದಿತು. ಕೂಡಲೇ ಆತ ಅಗ್ನಿಶಾಮಕ ಸಿಬಂದಿಗೆ ಮಾಹಿತಿ ನೀಡಿದ. ಕೂಡಲೇ ಕಾರ್ಯತತ್ಪರರಾದ ಅವರು ಬೆಂಕಿಯನ್ನು ನಂದಿಸಿದರು. ಅಗ್ನಿ ಶಾಮಕ ಸಿಬಂದಿ ಕೂಡ ಘಟನೆಯ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿ ಹೀಗೂ ಆಗಲು ಸಾಧ್ಯವಿದೆಯೇ ಎಂದು ಮಾತನಾಡಿಕೊಂಡರಂತೆ!