ಹೂಸು ಬಿಟ್ಟರೆ ಸುವಾಸನೆ ಬರಲು ಮಾತ್ರೆ ಲಭ್ಯ
Team Udayavani, Jun 28, 2019, 12:02 PM IST
ಹೂಸು ಬಿಡುವುದರಿಂದ ಸಂಕಷ್ಟಕ್ಕೆ ಸಿಲುಕುವ, ಮುಜುಗರಕ್ಕೀಡಾಗುವ ಪ್ರಮೇಯ ಬಹುಶಃ ಇನ್ನು ಮುಂದೆ ಬರಲಿಕ್ಕಿಲ್ಲ. ಏಕೆಂದರೆ ಇನ್ನು ಮುಂದೆ ಸುಗಂಧ ಹೊರಬರ ಲಿದೆ. ಇದು ತಮಾಷೆ ಎಂದು ಭಾವಿಸಬೇಡಿ, ಇತ್ತೀಚಿನ ವರದಿ ಪ್ರಕಾರ ಫ್ರಾನ್ಸ್ನ ವ್ಯಕ್ತಿ ಅಪಾನುವಾಯು ಬಿಟ್ಟಾಗಲೆಲ್ಲ ವಿವಿಧ ಪರಿಮಳ ಹೊರಬರುವಂಥ ಮಾತ್ರೆ ಕಂಡು ಹಿಡಿದಿದ್ದಾರೆ. ಅದು ದುರ್ವಾಸನೆಯನ್ನು ಸುವಾಸನೆಯನ್ನಾಗಿ ಬದಲಾ ಯಿಸಲಿದೆ. ಈ ಮಾತ್ರೆಗಳಲ್ಲಿ ವಿವಿಧ ಸುವಾಸನೆಗಳಿವೆ. ಚಾಕೊಲೆಟ್ ಸುವಾಸನೆಯಿಂದ ವಯೋಲೆಟ್ ಸುವಾಸನೆವರೆಗೂ ಹತ್ತಾರು ಬಗೆಯ ಸುವಾಸನೆ ಭರಿತ ಮಾತ್ರೆಗಳು ಲಭ್ಯವಿದೆಯಂತೆ. ಕ್ರಿಶ್ಚಿಯನ್ ಪೋಯಿಂಚೆವಲ್ ಈ ಮಾತ್ರಗೆಳ ಜನಕ. ಅದಕ್ಕೆ ಪೈಲ್ಯೂಟ್ಪೆಟ್ ಎಂದು ಹೆಸರಿಟ್ಟಿದ್ದಾರೆ. ರಾತ್ರಿ ಊಟಕ್ಕೆಂದು ಅತಿಥಿಗಳನ್ನು ಮನೆಗೆ ಆಹ್ವಾನಿಸಿದ್ದ ವೇಳೆ, ಹೂಸು ಬಿಡುವುದರಿಂದ ಪೋಯಿಂಚೆವಲ್ಗೆ ಭಾರೀ ಮುಜುಗರವಾಯಿತಂತೆ. ಆಗಲೇ ಇಂಥ ಮುಜುಗರ ಯಾರಿಗೂ ಆಗಬಾರದು ಎಂದು ನಿರ್ಧರಿಸಿದರಂತೆ. 2007ರಲ್ಲಿ ಈ ಮಾತ್ರೆಗಳನ್ನು ತಯಾರಿಸಲು ಆರಂಭಿಸಿದರಂತೆ, ಈ ಕೆಲಸದಲ್ಲಿ ಯಶಸ್ವಿಯಾಗಿದ್ದಾರೆ. ಮಾತ್ರಗಳು ಎಲ್ಲರಿಗೂ ಲಭ್ಯವಿವೆ ಎಂದಿದ್ದಾರೆ.