ಮೀನಿಗೆ ಈಜಲು ಕೃತಕ ಉಪಕರಣ
Team Udayavani, Jul 22, 2019, 2:27 PM IST
ಮೀನುಗಳಿಗೆ ಈಜಲು ಆಗದಂಥ ಕಾಯಿಲೆಗೆ ತುತ್ತಾದರೆ ಅವುಗಳ ಪಾಡೇನಾಗ ಬೇಕು? ಈಜದೇ ನೀರಿನಲ್ಲಿ ಅವುಗಳು ಬದುಕುವುದಾದರೂ ಹೇಗೆ? ಪ್ರಾಣಿ ಪ್ರಿಯ ಹೆನ್ರಿ ಕಿಮ್ ತನ್ನ ಅಕ್ವೇರಿಯಂನಲ್ಲಿ ಸ್ವಿಮ್ ಬ್ಲೇಡರ್ ಡಿಸೀಸ್ ಎಂಬ ಕಾಯಿಲೆಗೆ ತುತ್ತಾಗಿದ್ದ ಗೋಲ್ಡ್ ಫಿಶ್ಗಳಿಗೆ ಕೃತಕವಾಗಿ ಈಜಲು ಉಪಕರಣವನ್ನು ತಯಾರಿಸಿ, ಅಳವಡಿಸಿದ್ದಾರೆ.
ಹೆನ್ರಿ 20ಕ್ಕೂ ಹೆಚ್ಚು ಗೊಲ್ಡ್ ಫಿಶ್ಗಳನ್ನು ಸಾಕಿದ್ದರು. ಅವುಗಳಲ್ಲಿ ಕೆಲವು ಮೀನುಗಳಿಗೆ ಈ ಕಾಯಿಲೆ ಉಂಟಾಯಿತು. ಅವುಗಳು ಈಜಲಾಗದ ಸ್ಥಿತಿಯಲ್ಲಿ ಅಕ್ವೇರಿಯಂ ತಳದಲ್ಲಿ ಬಂದು ಕುಳಿತವು. ಹೆನ್ರಿ ಅವಕ್ಕೆ ಪ್ಲಾಸ್ಟಿಕ್ ನಳಿಕೆಯಂಥ ಉಪಕರಣವನ್ನು ಅಳವಡಿಸಿದ್ದಾರೆ. ಈಗ ಅವು ಎಂದಿನಂತೆ ನೀರಿನಲ್ಲಿ ಈಜಾಡುತ್ತಿವೆ.