ಗೊರಿಲ್ಲಾವೊ ಅಥವಾ ಕಾಗೆಯೋ?

Team Udayavani, Jun 27, 2019, 11:37 AM IST

ಜಪಾನ್‌ನ ನಗೊಯ ಪ್ರದೇಶದ ನಿವಾಸಿಗಳನ್ನು ಏಕಕಾಲದಲ್ಲಿ ಆಶ್ಚರ್ಯ ಮತ್ತು ಅತಂಕಕ್ಕೆ ದೂಡಿದ ಘಟನೆಯೊಂದು ನಡೆದಿದೆ. ಕಚೇರಿಗಳೇ ಇದ್ದ ಸ್ಥಳದಲ್ಲಿ ಪುಟ್ಟ ಗೊರಿಲ್ಲಾದ ಆಕೃತಿಯನ್ನು ಜನ ನೋಡಿ ಚಕಿತ ರಾಗಿದ್ದಾರೆ. ಗೊರಿಲ್ಲಾ ಹೇಗೆ ಜನನಿಬಿಡ ಪ್ರದೇಶಕ್ಕೆ ಬಂದಿತು. ಮೃಗಾಲಯದಲ್ಲಿ ಏನಾದರೂ ಅಚಾತುರ್ಯ ನಡೆದಿದೆಯೇ ಎಂದು ಗಾಬರಿಯಾಗಿದ್ದಾರೆ. ನೋಡುನೋಡುತ್ತಿದ್ದಂತೆ ಆಕೃತಿ ಕಾಗೆಯ ರೀತಿ ಕಾಣಲು ಶುರು ಆಗಿದೆ. ಇದು ಕಾಗೆ ಎಂದು ಹಲವರು ಹೇಳಿದರೆ ಮತ್ತೂ ಹಲವರು ಇದು ಮರಿ ಗೊರಿಲ್ಲಾ ಎಂದು ಕೆಲವರು ಹೇಳಿದ್ದಾರೆ. ಕಡೆಗೆ ತಿಳಿದಿದ್ದೇನೆಂದರೆ ಕಾಗೆ ತನ್ನ ರೆಕ್ಕೆಯನ್ನು ಅರ್ಧ ಚಾಚಿ ಗೊರಿಲ್ಲಾದಂತೆ ಕಂಡಿದೆ ಎಂಬುದು. ಈ ವಿಡಿಯೋ ಈಗ ವೈರಲ್‌ ಆಗಿದೆ.