ಓರಿಯೋ ಆಸೆಗೆ ಸಿಕ್ಕಿಬಿದ್ದ ಹಂದಿ: ವಿಡಿಯೋ ವೈರಲ್!
Team Udayavani, Feb 25, 2019, 4:59 AM IST
ಅಮೆರಿಕದ ಪೋರ್ಟ್ಮಿಡಲ್ಟನ್ನ ಗುಂಡಗಿನ ಹಂದಿಯೊಂದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಪ್ರೀತಿಗೆ ಪಾತ್ರವಾಗಿದೆ. ಅದೂ ಓರಿಯೊ ಬಿಸ್ಕಿಟ್ ಕದ್ದ ಕಾರಣಕ್ಕೆ ಅದಕ್ಕೆ ಈ ಮಟ್ಟಿಗಿನ ಜನಪ್ರಿಯತೆ ದೊರೆಯುತ್ತಿದೆ. ಮಿಡಲ್ಟನ್ ಪೊಲೀಸರು ಈ ಹಂದಿಯ ಫೋಟೋವನ್ನು ಫೇಸ್ ಬುಕ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಹಂದಿ ತನ್ನ ಮನೆಯಿಂದ ತಪ್ಪಿಸಿಕೊಂಡು ಕಂಡಕಂಡವರ ಮನೆಗೆ ನುಗ್ಗಿ ತೊಂದರೆ ಕೊಡುತ್ತಿತ್ತು. ಪೊಲೀಸರ ಕೈಗೂ ಸಿಗದೇ ಅವರನ್ನು ಕಾಡಿಸುತ್ತಿತ್ತು. ಪೊಲೀಸರಿಗೆ ಇದು ಓರಿಯೋ ಬಿಸ್ಕಿಟ್ ಕದಿಯಲು ಮನೆಗಳಿಗೆ ನುಗ್ಗುತ್ತದೆ ಎಂದು ಸ್ಥಳಿಯರಿಂದ ತಿಳಿಯಿತು. ಅವರೂ ಓರಿಯೋ ಆಸೆ ತೋರಿಸಿ ಅದನ್ನು ಬಲೆಗೆ ಕೆಡವಿದ್ದಾರೆ. ಈ ವಿಡಿಯೋ ಜನರಿಗೆ ಇಷ್ಟವಾಗಿದೆ.