ಮಕ್ಕಳು ಹುಟ್ಟುವುದು ಹೇಗೆಂದು ಗೊತ್ತಿಲ್ವಂತೆ!

Team Udayavani, Aug 19, 2019, 4:30 PM IST

ವೈದ್ಯಕೀಯ ವಿಜ್ಞಾನವು ಇಷ್ಟೊಂದು ಮುಂದುವರಿದಿದ್ದರೂ, ಮಕ್ಕಳು ಜನಿಸುವುದು ಹೇಗೆ ಎಂಬ ಸತ್ಯವನ್ನು ಯಾರಿಗೂ ಕಂಡುಕೊಳ್ಳಲು ಆಗಿಲ್ಲ! ಹೀಗೆಂದು ತೆಲಂಗಾಣದ 10ನೇ ತರಗತಿ ಪಠ್ಯದಲ್ಲಿ ಉಲ್ಲೇಖೀಸಲಾಗಿದೆ. ಜೀವಶಾಸ್ತ್ರ ಪಠ್ಯದಲ್ಲಿ ಈ ವಿಚಾರದ ಪ್ರಸ್ತಾಪವಾಗಿದ್ದು, ಮಗುವಿನ ಜನನ ಎನ್ನುವುದು ಈಗಲೂ ನಿಗೂಢವಾಗಿಯೇ ಉಳಿದಿದೆ ಎಂದು ಹೇಳಲಾಗಿದೆ. “ಬಹುತೇಕ ಪ್ರಕರಣಗಳಲ್ಲಿ ಜನನದ ವೇಳೆ ಮೊದಲು ಶಿಶುವಿನ ತಲೆಯ ಭಾಗ ಹೊರಬರುತ್ತದೆ.

ಆದರೂ ನಮಗೆ ಇನ್ನೂ ಈ ಜನನ ಪ್ರಕ್ರಿಯೆ ಹೇಗೆ  ನಡೆಯುತ್ತದೆ ಎಂಬ ಬಗ್ಗೆ ಮಾಹಿತಿಯಿಲ್ಲ’ ಎಂದು ಪಠ್ಯದಲ್ಲಿ ವಿವರಿಸಲಾಗಿದೆ. ಅಷ್ಟೇ ಅಲ್ಲ, “ಮದುವೆ ಎಂಬುದು ಮಕ್ಕಳನ್ನು ಹುಟ್ಟಿಸಲೆಂದು ಮಾಡುವ ಸಾಮಾಜಿಕ ಮತ್ತು ಸಾಂಸ್ಕೃತಿಕ ಪ್ರಕ್ರಿಯೆ’ ಎಂದೂ ವ್ಯಾಖ್ಯಾನಿಸಲಾಗಿದೆ. ಎಂಟು, ಒಂಭತ್ತು ಹಾಗೂ ಹತ್ತನೇ ತರಗತಿಗಳ ಪಠ್ಯಗಳಲ್ಲಿ ಇನ್ನೂ ಅನೇಕ ತಪ್ಪುಗಳು ಕಂಡುಬಂದಿದ್ದು, ಅನೇಕರು ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.