ತಲೆ ಮೇಲೇ ಹಾರಿದ ವಿಮಾನ ಕಂಡು ಗಾಬರಿಯಾದ ಪ್ರವಾಸಿಗರು

Team Udayavani, Jul 19, 2019, 9:51 AM IST

ಗ್ರೀಸ್‌ನಲ್ಲಿ ಪ್ರಯಾಣಿಕ ವಿಮಾನವೊಂದು ನಿಲುಗಡೆಯಾದ ರೀತಿ ಈಗ ಇಂಟರ್‌ನೆಟ್‌ನಲ್ಲಿ ವೈರಲ್‌ ಆಗಿದೆ. ಈ ವಿಮಾನ ನಿಲುಗಡೆಯಾದ ಬಗೆ ನೋಡಿದರೆ ಯಾರಿಗಾದರೂ ಒಮ್ಮೆ ಮೈ ಜುಂ ಎನ್ನುತ್ತದೆ. ಸಮುದ್ರ ತೀರಕ್ಕೆ ಅಂಟಿಕೊಂಡಿರುವ ವಿಮಾನ ನಿಲ್ದಾಣದಲ್ಲಿ ಬ್ರಿಟಿಷ್‌ ವೈಮಾನಿಕ ಸಂಸ್ಥೆಯ ದ ಸನ್‌ ವಿಮಾನ ಭೂಮಿಯಿಂದ ಕೆಲವೇ ಅಡಿಗಳ ಎತ್ತರದಲ್ಲಿ ಹಾರಿ ಹೋಯಿತು.

ಸಮುದ್ರ ತೀರದಲ್ಲಿದ್ದ ಪ್ರವಾಸಿಗರು ಕೈ ಎತ್ತಿದರೆ ವಿಮಾನ ಎಟಕುತ್ತಿತ್ತು. ಅಷ್ಟು ಹತ್ತಿರದಲ್ಲಿ ಈ
ವಿಮಾನ ಹಾರಿದೆ. ಅಚಾನಕ್ಕಾಗಿ ಇಷ್ಟು ಹತ್ತಿರ ಬಂದ ವಿಮಾನ ಕಂಡ ಪ್ರವಾಸಿಗರು ತಮಗೆ ವಿಮಾನ ತಾಕುತ್ತದೆ ಎಂದು ಕೆಳಗೆ ಬಗ್ಗಿದ್ದಾರೆ. ಸ್ವಲ್ಪ ದೂರ ಹಾರಿದ ಬಳಿಕವೇ ನಿಟ್ಟುಸಿರು ಬಿಟ್ಟಿದ್ದಾರೆ.