ಸೊಳ್ಳೆ ಓಡಿಸುವ ‘ಮಹಾನಿಲ’ ವೀರ!

Team Udayavani, Dec 16, 2019, 8:00 AM IST

ಭಯಾನಕ ಕಾಯಿಲೆಗಳನ್ನು ಹರಡುವ ಸೊಳ್ಳೆಗಳನ್ನು ಓಡಿಸಲು ನಾವೆಲ್ಲಾ ಅದೆಷ್ಟೋ ಹರಸಾಹಸ ಪಡುತ್ತೇವಲ್ಲವೇ? ಆದರೆ, ದೂರದ ಉಗಾಂಡದ ಹಳ್ಳಿಯೊಂದರಲ್ಲಿರುವ ಜೋ ಎಂಬಾತ, ತಾನು ಬಿಡುವ ಅಪಾನವಾಯುವಿನಿಂದಲೇ (ಹೂಸು) ಸುತ್ತಲಿನ ಸೊಳ್ಳೆಗಳನ್ನು ಕೊಲ್ಲುತ್ತಿರುವುದಾಗಿ ಹೇಳಿಕೊಂಡಿದ್ದಾನೆ! ಆತ ಹೇಳುವ ಪ್ರಕಾರ, ಆತ ಬಿಡುವ ಅಪಾನವಾಯುವು ಆರು ಮೈಲುಗಳಷ್ಟು ದೂರವಿರುವ ಸೊಳ್ಳೆಗಳನ್ನೂ ನಾಶ ಮಾಡಬಲ್ಲದು ಎಂದಿದ್ದಾನೆ.

ಅಷ್ಟೇ ಅಲ್ಲ, ಈತನ ಈ ಅಗಾಧ ಪ್ರತಿಭೆ (!)ಯನ್ನು ಗುರುತಿಸಿರುವ ಸುತ್ತಲಿನ ಹಳ್ಳಿಗಳ ಜನರು, ಹಣ ಕೊಟ್ಟು ಸೊಳ್ಳೆಗಳನ್ನು ಕೊಲ್ಲಲು ಕರೆದೊಯ್ಯುತ್ತಾರಂತೆ. ಅಷ್ಟೇ ಅಲ್ಲ, ಸುತ್ತಮುತ್ತಲಿನ ಜನರೆಲ್ಲರೂ ಈತನನ್ನು ಸೊಳ್ಳೆಗಳ ನಿವಾರಕ ಎಂದೇ ಕರೆಯುತ್ತಾರಂತೆ!

ಹೀಗೆ, ಹಿಟ್ಲರ್‌ನ ‘ಗ್ಯಾಸ್‌ ಚೇಂಬರ್‌’ಗೇ ಸೆಡ್ಡು ಹೊಡೆಯುವಂಥ ಶಕ್ತಿಶಾಲಿ ‘ಅನಿಲ’ ಗೋಡೌನನ್ನು ತನ್ನ ಹೊಟ್ಟೆಯಲ್ಲಿ ಇರಿಸಿಕೊಂಡಿರುವ ಈತನಿಂದಾಗಿ ಆತನ ಹಳ್ಳಿ ಮಲೇರಿಯಾ ಮುಂತಾದ ರೋಗಗಳಿಂದ ಮುಕ್ತವಾಗಿದೆ ಎಂದು ಕೆಲ ವೆಬ್‌ಸೈಟ್‌ಗಳು ವರದಿ ಮಾಡಿವೆ.