ಜ್ವಾಲಾಮುಖಿ ವೇಳೆ ದಾಂಪತ್ಯಕ್ಕೆ ಕಾಲಿಟ್ಟ ಜೋಡಿ

Team Udayavani, Jan 17, 2020, 7:21 AM IST

ಫಿಲಿಪ್ಪೀನ್ಸ್‌ನ ಮನಿಲಾದಲ್ಲೊಂದು ಜೋಡಿ ಜ್ವಾಲಾಮುಖಿ ಏಳುವ ವೇಳೆ ಮದುವೆಯಾಗಿದೆ. ಮದುವೆಯ ಫೋಟೋಗಳಲ್ಲಿ ಜ್ವಾಲಾಮುಖಿಯ ಭೀಕರ ರೂಪ ಕೂಡ ಸೆರೆಯಾಗಿದೆ. ನವದಂಪತಿ ಚೈನೋ ವಾಲ್ಫೋರ್‌, ಕ್ಯಾಟ್‌ ಬೌತಿಸ್ಟ ಈ ಕುರಿತು ಹೀಗೆ ಹೇಳುತ್ತಾರೆ:
“ಮದುವೆ ದಿನಾಂಕವನ್ನು ಮೊದಲೇ ನಿರ್ಧರಿಸಿಯಾಗಿತ್ತು. ಜ್ವಾಲಾಮುಖಿ ಸಂಭವಿಸುವ ಮುನ್ಸೂಚನೆ ಇದ್ದ ಕಾರಣ ಆ ಪ್ರದೇಶದಿಂದ ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಕಳುಹಿಸಿಯಾಗಿತ್ತು. ಆದರೆ ನಾವು ಮದುವೆಯಾಗಲಿದ್ದ ಸ್ಥಳ ಜ್ವಾಲಾಮುಖಿಯಿಂದ 10 ಕಿ.ಮೀ. ದೂರದಲ್ಲಿದ್ದರಿಂದ, ನಾವು ಅಲ್ಲಿಯೇ ಮದುವೆಯಾಗಲು ನಿರ್ಧರಿಸಿದೆವು. ನಮ್ಮ ಅದೃಷ್ಟಕ್ಕೆ ನಾವು ಮದುವೆಯಾಗುವ ಸಮಯದಲ್ಲೇ ಜ್ವಾಲಾಮುಖಿ ಸಂಭವಿಸಿ, ನಮ್ಮ ಮದುವೆಯನ್ನು ಮತ್ತಷ್ಟು ಚಂದಗಾಣಿಸಿತು’ ಎಂದು ಹೇಳಿದ್ದಾರೆ.