Airport Runway ನಲ್ಲೆ ನಾಗರ ಹಾವು ಮತ್ತು ಮುಂಗುಸಿಗಳ ಕಾಳಗ: ವಿಡಿಯೋ ವೈರಲ್

Team Udayavani, Aug 12, 2024, 5:19 PM IST

ಪಾಟ್ನಾ: ಪಾಟ್ನಾ ವಿಮಾನ ನಿಲ್ದಾಣದ ರನ್ ವೇ ನಲ್ಲಿ ನಾಗರ ಹಾವು ಮತ್ತು ಮೂರು ಮುಂಗುಸಿಗಳ ನಡುವಿನ ಜಿದ್ದಾ ಜಿದ್ದಿನ ಕಾಳಗದ ವಿಡಿಯೋದಲ್ಲಿ ಸೆರೆಯಾಗಿದ್ದು, ನೋಡುಗರನ್ನು ಬೆರಗುಗೊಳಿಸುವಂತಿದೆ.

ಮೊದಲಿಗೆ ಒಂದು ಮುಂಗುಸಿ ಮತ್ತು ಹಾವಿನ ನಡುವಿನ ಮುಖಾಮುಖಿಯಾಗಿ ಕಂಡುಬರುತ್ತದೆ. ಆ ಬಳಿಕ ಇನ್ನೂ ಎರಡು ಮುಂಗುಸಿಗಳು ಹೋರಾಟಕ್ಕೆ ಸೇರುತ್ತವೆ.  ಒಂದು ಹಾವಿನ ಮೇಲೆ ಮೂರು ಮುಂಗುಸಿಗಳು ಮುಗಿ ಬಿದ್ದಿವೆ. ಹಾವು ತನ್ನ ಹೆಡೆಯನ್ನು ಹೊಡೆದು ತನ್ನನ್ನು ರಕ್ಷಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದರೂ ಮುಂಗುಸಿಗಳು ದಾಳಿಯಲ್ಲಿ ಮುಂದುವರಿಸಿವೆ.

#viralvideo | Three mongooses fighting with a snake on the runway at Patna Airport.

नेवला और सांप की दुश्मनी के आज तक किसी ही सुने थे, आज देख भी लिया। pic.twitter.com/U8j5BqbBGz

— Neetu Khandelwal (@T_Investor_) August 12, 2024

ಹಾವುಗಳು ಮತ್ತು ಮುಂಗುಸಿಗಳು ವಿಕಾಸ ಕಾಲದಿಂದಲೇ ಬದ್ದ ನೈಸರ್ಗಿಕ ಶತ್ರುಗಳಾಗಿವೆ. ಅವುಗಳ ಪೈಪೋಟಿಗೆ ಮುಖ್ಯ ಕಾರಣವೆಂದರೆ ಪರಭಕ್ಷಕ. ಹಾವುಗಳು ಮುಂಗುಸಿಗಳು ಮತ್ತು ಅವುಗಳ ಮರಿಗಳನ್ನು ಬೇಟೆಯಾಡುತ್ತವೆ, ಮುಂಗುಸಿಗಳು ಹಾವುಗಳನ್ನು ಬೇಟೆಯಾಡಿ ತಿನ್ನುತ್ತವೆ. ಈ ಪರಭಕ್ಷಕ-ಬೇಟೆಯ ಸಂಬಂಧವು ಆಕ್ರಮಣ ಮತ್ತು ಹೋರಾಟಕ್ಕೆ ದಾರಿ ಮಾಡಿಕೊಟ್ಟಿದೆ. ಮುಂಗುಸಿಗಳು ಮತ್ತು ಹಾವುಗಳೆರಡೂ ಆಹಾರ, ಆಶ್ರಯ ಮತ್ತು ಪ್ರದೇಶಕ್ಕಾಗಿ ಪೈಪೋಟಿ ನಡೆಸುತ್ತವೆ.