ಐತಿಹಾಸಿಕ ಗ್ರಾಮಗಳನ್ನೊಳಗೊಂಡ ಸುಂದರ ನಗರ ರೇವಾ
ನರ್ಮದಾ ನದಿಯ ಇನ್ನೊಂದು ಹೆಸರು ಎನ್ನುವುದು ಪುರಾಣಗಳಲ್ಲಿ ಉಲ್ಲೇಖಗೊಂಡಿದೆ.
Team Udayavani, Feb 4, 2021, 10:50 AM IST
ಜಗತ್ವಿಖ್ಯಾತ ಮ್ಯೂಸಿಯಂ, ಕೋಟೆಗಳು, ಜಲಪಾತಗಳು ಮತ್ತು ಐತಿಹಾಸಿಕ ಗ್ರಾಮಗಳನ್ನೊಳಗೊಂಡ ಮಧ್ಯಪ್ರದೇಶದ ರೇವಾನಗರ ಜಿಲ್ಲಾ ಕೇಂದ್ರವೂ ಹೌದು. ಇಲ್ಲಿ ಪ್ರಕೃತಿ ದತ್ತ ಮತ್ತು ಮಾನವ ನಿರ್ಮಿಸ ಸೌಂದರ್ಯಗಳ ಸಮ್ಮಿಲನವಾಗಿದೆ.
ಇಲ್ಲಿರುವ ಬಿಳಿ ಹುಲಿಗಳು ಪ್ರಮುಖ ಆಕರ್ಷಣೆಯೂ ಹೌದು. ಬಿಂಜ್ ಪಹಾರ್, ಲೋವರ್ ನಾದರ್ನ್ ಪ್ಲೆ„ನ್, ಕೈರ್ಮೋ ಮತ್ತು ರೇವಾ ತಪ್ಪಲೆಂದು ನಾಲ್ಕು ಭಾಗಗಳಾಗಿ ವಿಂಗಡಿಸಿರುವ ರೇವಾ ನಗರದಲ್ಲಿ ನೋಡಲು ಬೇಕಾದಷ್ಟು ಸ್ಥಳಗಳಿವೆ. ಈ ನಗರವು ಬಿಳಿ ಹುಲಿಗಳ ತಾಣವೆಂದೇ ಗುರುತಿಸಲ್ಪಟ್ಟಿದೆ. ಇದರೊಂದಿಗೆ ಬಾಗೇಲ್ ಮ್ಯೂಸಿಯಂ, ರೇವಾ ಕೋಟೆ, ಪಿಲಿಕೋತಿ, ಗೋವಿಂದಗಡ್ ಕೋಟೆ, ಅರಮನೆ, ವೆಂಕಟ್ ಭವನ್, ರಾಣಿ ತಲಾಬ್, ಎಪಿಎಸ್ ವಿಶ್ವವಿದ್ಯಾಲಯದ ಮೈದಾನ, ಬೈರೂಮ್ ಬಾಬಾ ಪುತ್ಥಳಿ, ರಾಣಿಪುರ ಕಾರ್ಚುಯುಲಿಯಾನ್, ಕಿಯೋಂತಿ ಜಲಪಾತ, ಪೂರ್ವ ಜಲಪಾತ, ಚಾಚಾಯ್ ಜಲಪಾತವನ್ನು ಇಲ್ಲಿ ಕಾಣಬಹುದು.
ಜಿಲ್ಲೆಯ ಹೆಸರಿನಿಂದಲೇ ಕರೆಯಲ್ಪಡುವ ರೇವಾ ನಗರ ಕ್ರಿ.ಶ. ಮೂರನೇ ಶತಮಾನದಲ್ಲಿ ಮೌರ್ಯರಿಂದ ಆಳಲ್ಪಟ್ಟಿತ್ತು ಎನ್ನುವ ಇತಿಹಾಸವೂ ಇದೆ. ರೇವಾ ಎನ್ನುವುದು ನರ್ಮದಾ ನದಿಯ ಇನ್ನೊಂದು ಹೆಸರು ಎನ್ನುವುದು ಪುರಾಣಗಳಲ್ಲಿ ಉಲ್ಲೇಖಗೊಂಡಿದೆ.ಅಲ್ಲದೇ ಮೊದಲ ಬಿಳಿ ಹುಲಿಯನ್ನು ರೇವಾದಲ್ಲಿಯೇ ಕಂಡುಹಿಡಿಯಲಾಯಿತು ಎನ್ನುವ ಪ್ರತೀತಿಯೂ ಇದೆ.
ರೇವಾ ನಗರವನ್ನು ರಸ್ತೆ, ವಾಯು, ರೈಲ್ವೇ ಮೂಲಕ ತಲುಪಬಹುದು. ಹತ್ತಿರವೇ ವಿಮಾನ ನಿಲ್ದಾಣವಾದ ಖುಜರಾಹೋ ಇಲ್ಲಿಂದ ಪ್ರಮುಖ ನಗರಗಳಿಗೆ ಸಂಪರ್ಕ ಕಲ್ಪಿಸುತ್ತದೆ. ರೈಲಿನಲ್ಲಿ ಪ್ರಯಾಣಿಸುವುದಾದರೆ ರೇವಾ ರೈಲು ನಿಲ್ದಾಣಕ್ಕೆ ತಲುಪಬಹುದು. ಜುಲೈ-ಸೆಪ್ಟಂಬರ್ ಅವಧಿಯಲ್ಲಿ ರೇವಾಗೆ ಭೇಟಿ ನೀಡುವುದು ಅತ್ಯಂತ ಸೂಕ್ತ ಸಮಯ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Inheritance Tax: ಸ್ಯಾಮ್ ಪಿತ್ರೋಡಾ ಹೇಳಿದ್ದೇನು-ಏನಿದು ಪಿತ್ರಾರ್ಜಿತ ತೆರಿಗೆ ಜಟಾಪಟಿ!
Food: ಯಾವತ್ತಾದ್ರೂ ಮಾವಿನ ಕಾಯಿ ಬಜ್ಜಿ ಮಾಡಿದ್ದೀರಾ..? ಇಲ್ಲ ಅಂದ್ರೆ ಟ್ರೈ ಮಾಡಿ ನೋಡಿ
Ayodhya: ಸೂರ್ಯ ತಿಲಕ ಸಾಧ್ಯವಾಗಿಸಿದ ವಿಜ್ಞಾನಿಗಳಿಗೆ ತಲೆ ಬಾಗುತ್ತೇನೆ: ಅರುಣ್ ಯೋಗಿರಾಜ್
Dwarakish:ಸೋಲು, ಗೆಲುವಿನ ಪಯಣ; ವ್ಯಾಪಾರ ಬಿಟ್ಟು ಖ್ಯಾತ ನಟನಾದ ಪ್ರಚಂಡ ಕುಳ್ಳ ದ್ವಾರಕೀಶ್!
ಪೊಲೀಸ್ ಪೇದೆಯ ಮಗ, ಕಾನೂನು ಪದವೀಧರ ʼಲಾರೆನ್ಸ್ʼ ಕುಖ್ಯಾತ ಗ್ಯಾಂಗ್ ಸ್ಟರ್ ಆದದ್ದೇಗೆ?