ಕಿರಾಣಿ ಅಂಗಡಿಯಾತ ನೀಡಿದ ಐಡಿಯಾಗೆ ಈಗ ಕೋಟಿ ಬೆಲೆ…: ಇದು ಮೀಶೋ ಕಥೆ

ದೊಡ್ಡ ದೊಡ್ಡ ಆ್ಯಪ್ ಗಳ ಭರಾಟೆಯಲ್ಲಿ ಲೋಕಲ್ ವಸ್ತುಗಳ ಈ ಫಶ್ ನಿಯರ್ ಕೆಲಸ ಮಾಡಲಿಲ್ಲ.

ಕೀರ್ತನ್ ಶೆಟ್ಟಿ ಬೋಳ, Aug 11, 2022, 5:50 PM IST

web exclusive thumb gtstjs

2015ರ ಡಿಸೆಂಬರ್ ತಿಂಗಳ ಅದೊಂದು ದಿನ ಬೆಂಗಳೂರಿನ ಕಂಪನಿಯೊಂದರ ತಂಪಗಿನ ಎಸಿ ಕೋಣೆಯಲ್ಲಿ ಬೆಚ್ಚಗೆ ಕುಳಿತಿದ್ದ ಆ ಇಬ್ಬರು ಯುವಕರ ತಲೆಯಲ್ಲಿ ಹೊಸ ಯೋಜನೆಯೊಂದು ರೂಪುಗೊಂಡಿತ್ತು. ಇನ್ನು ಈ ಕಂಪನಿಯಲ್ಲಿ ದುಡಿದಿದ್ದು ಸಾಕು ಎಂದು ನಿರ್ಧರಿಸಿದ್ದ ಇಬ್ಬರೂ, ರಾಜೀನಾಮೆ ಪತ್ರ ನೀಡಿ ಹೊರ ಬಂದಿದ್ದರು. ಹಾಗೆ ಬಂದವರ ಕಣ್ಣಲ್ಲಿ ಸಾವಿರ ಕನಸಿತ್ತು. ದೊಡ್ಡದೇನೋ ಸಾಧಿಸುವ ಛಲವಿತ್ತು. ಅಂದುಕೊಂಡದ್ದನ್ನು ಮಾಡುತ್ತೇವೆಂಬ ಹಠವಿತ್ತು. ಹಾಗೆ ಅಂದು ಉತ್ತಮ ಸಂಬಳದ ಕೆಲಸವನ್ನು ಬಿಟ್ಟು ಸಾಹಸಕ್ಕೆ ಕೈ ಹಾಕಲು ಬಂದವರು ವಿದಿತ್ ಆತ್ರೇಯ್ ಮತ್ತು ಸಂಜೀವ್ ಬರ್ನ್ವಾಲ್. ಹಾಗೆ ಬಂದ ಇವರು ಆರಂಭಿಸಿದ್ದೇ ಇಂದು ಪ್ರಸಿದ್ದ ಪಡೆದಿರುವ ಶಾಪಿಂಗ್ ಆ್ಯಪ್ ಮೀಶೋ.

ಅಂದ ಹಾಗೆ ವಿದಿತ್ ಮತ್ತು ಸಂಜೀವ್ ಅಂದು ಮೊದಲು ಆರಂಭಿಸಿದ್ದು ಮೀಶೋ ಅಲ್ಲ. ಅದು ಫಶ್ ನಿಯರ್ ಎಂಬ ಆ್ಯಪ್. ಸ್ವಿಗ್ಗಿ, ಗ್ರೋಫರ್ಸ್ ರೀತಿಯ ಆ್ಯಪ್ ಇದು. ಈ ಅಪ್ಲಿಕೇಶನ್‌ ನಲ್ಲಿ ವಿವಿಧ ಸ್ಥಳಗಳಿಂದ ವಿವಿಧ ಮಳಿಗೆಗಳಿಗೆ ಸೈನ್ ಅಪ್ ಮಾಡುವುದು ಅವರ ಯೋಜನೆಯಾಗಿತ್ತು. ಇದರಲ್ಲಿ ಗ್ರಾಹಕರು ಈ ಅಂಗಡಿಗಳಿಂದ ಮೂರು ವಸ್ತುಗಳನ್ನು ಆಯ್ಕೆ ಮಾಡಬಹುದು. ಡೆಲಿವರಿ ಬಾಯ್ ಅವುಗಳನ್ನು ಮನೆಗೆ ತೆಗೆದುಕೊಂಡು ಹೋಗುತ್ತಾರೆ. ಗ್ರಾಹಕರು ತಮಗೆ ಬೇಕಾದ ವಸ್ತುವನ್ನು ಆರಿಸಿಕೊಳ್ಳಬಹುದು, ಉಳಿದದ್ದನ್ನು ಹಿಂತಿರುಗಿಸಬಹುದು. ಇದು ಫಶ್ ನಿಯರ್ ನ ಯೋಜನೆ.

ಆರಂಭದಲ್ಲಿ ವಿದಿತ್ ಮತ್ತು ಸಂಜೀವ್ ಎಲ್ಲಾ ಕೆಲಸ ಮಾಡುತ್ತಿದ್ದರು. ಪಟ್ಟಿ ಮಾಡಿದ ಅಂಗಡಿಗಳಿಗೆ ಹೋಗಿ ಅಲ್ಲಿ ಸಾಮಾಗ್ರಿಗಳ ಫೋಟೊ ತೆಗೆದು ತಮ್ಮ ಆ್ಯಪ್ ನಲ್ಲಿ ಅಪ್ಲೋಡ್ ಮಾಡಬೇಕಿತ್ತು. ಅಲ್ಲದೆ ಆರಂಭಿಕ ದಿನಗಳಲ್ಲಿ ವಿದಿತ್ ಅವರೇ ಡೆಲಿವರಿ ಹುಡುಗನ ಕೆಲಸವನ್ನೂ ಮಾಡುತ್ತಿದ್ದರು.

ಆದರೆ ಇಷ್ಟೆಲ್ಲಾ ಮಾಡಿದರೂ ಈ ಹುಡುಗರಿಗೆ ವ್ಯವಹಾರ ಕೈ ಹಿಡಿಯಲಿಲ್ಲ. ಜನರಿಗೆ ಇವರ ಆ್ಯಪ್ ಹಿಡಿಸಲಿಲ್ಲ. ದೊಡ್ಡ ದೊಡ್ಡ ಆ್ಯಪ್ ಗಳ ಭರಾಟೆಯಲ್ಲಿ ಲೋಕಲ್ ವಸ್ತುಗಳ ಈ ಫಶ್ ನಿಯರ್ ಕೆಲಸ ಮಾಡಲಿಲ್ಲ.

ಬದುಕು ಬದಲಾಯಿಸಿದ ಐಡಿಯಾ

ಹೀಗೆ ಒಂದು ದಿನ ಕೋರಮಂಗಲದ ಅಂಗಡಿಯೊಂದಕ್ಕೆ ತೆರಳಿದ ವಿದಿತ್ ಮತ್ತು ಸಂಜೀವ್ ಗೆ ಆ ಕಿರಾಣಿ ಅಂಗಡಿಯಾತ ಬಿಲಿಯನ್ ಡಾಲರ್ ಐಡಿಯವೊಂದನ್ನು ಆತನಿಗೆ ಗೊತ್ತಿಲ್ಲದೇ ನೀಡಿದ್ದ.

ಆ ಅಂಗಡಿಯಾತ ಈಗಾಗಲೇ ತಮ್ಮ ಉತ್ಪನ್ನಗಳನ್ನು ಸಾಮಾಜಿಕ ಮಾಧ್ಯಮ ವೇದಿಕೆ‌ಗಳಾದ ಫೇಸ್‌ಬುಕ್ ಮತ್ತು ವಾಟ್ಸಾಪ್ ಗುಂಪುಗಳ ಮೂಲಕ ಆನ್‌ಲೈನ್‌ನಲ್ಲಿ ಮಾರಾಟ ಮಾಡುತ್ತಿದ್ದರು, ಆ ಗ್ರೂಪ್ ಗಳಲ್ಲಿ ಅವರು ನಿಯಮಿತವಾಗಿ ಫೋಟೋಗಳನ್ನು ಅಪ್‌ಲೋಡ್ ಮಾಡಿ ಜನರಿಗೆ ಮಾಹಿತಿ ನೀಡುತ್ತಿದ್ದರು. ಗ್ರಾಹಕರು ಅಲ್ಲಿಂದಲೇ ಆರ್ಡರ್ ಮಾಡುತ್ತಾರೆ. ಅವರ ಉದ್ಯೋಗಿಗಳಲ್ಲಿ ಒಬ್ಬರು ವಿತರಣೆಯನ್ನು ಮಾಡುತ್ತಾರೆ, ಬಳಿಕ ಹಣವನ್ನು ಸಂಗ್ರಹಿಸುತ್ತಾರೆ. ಈ ರೀತಿ ಮಾಡಿದ್ದ ಅಂಗಡಿಯಾತ ತನ್ನ ವ್ಯವಹಾರದಲ್ಲಿ ಯಶಸ್ಸು ಕಂಡಿದ್ದ.

ಕಿರಾಣಿ ಅಂಗಡಿಯವನಿಂದ ಹೊಸ ಬ್ಯುಸಿನೆಸ್ ಐಡಿಯಾ ಪಡೆದ ಐಐಟಿ ಡೆಲ್ಲಿಯ ಪದವೀಧರರಾದ ವಿದಿತ್ ಮತ್ತು ಸಂಜೀವ್ ಹೊಸ ಸಾಫ್ಟೇವರ್ ತಯಾರಿಯಲ್ಲಿ ತೊಡಗಿದರು. ಹೀಗೆ ಫಶ್ ನಿಯರ್ ಎಂಬ ಆ್ಯಪ್ ಮೀಶೋ ಆಗಿ ಬದಲಾಯಿತು. ಮಾರಾಟಗಾರರಿಗೆ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ವಾಟ್ಸಾಪ್‌ ನಂತಹ ಸಾಮಾಜಿಕ ವೇದಿಕೆಗಳ ಮೂಲಕ ಸ್ವಂತ ಆನ್‌ಲೈನ್ ಸ್ಟೋರ್ ಅನ್ನು ರಚಿಸಲು ಇದು ಅವಕಾಶ ನೀಡಿತು. ಇವರಿಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತ್ತಾದರೂ ಆದಾಯ ಬರುತ್ತಿರಲಿಲ್ಲ. ಅವರು ಮೀಶೋಗೆ ಲಾಗ್ ಇನ್ ಮಾಡಲು ಯಾವುದೇ ಅಂಗಡಿಯವರು ತಮ್ಮ ಫೇಸ್‌ಬುಕ್ ಲಾಗ್-ಇನ್ ವಿವರಗಳನ್ನು ಬಳಸಬಹುದಾದ ವೇದಿಕೆಯನ್ನು ರಚಿಸಿದರು. ಕೆಲವು ಅಂಗಡಿಯವರು ಬಳಸುತ್ತಿದ್ದ ವಾಟ್ಸಾಪ್ ಮಾದರಿ ವ್ಯವಹಾರಕ್ಕಿಂತ ಭಿನ್ನವಾಗಿ, ಆಟೋ ಸ್ಟಾಕಿಂಗ್ ಮತ್ತು ದಾಸ್ತಾನು ನಿರ್ವಹಣೆಗೆ ಮೀಶೋ ಸಹಾಯ ಮಾಡಿತು. ಹೀಗಾಗಿ ಆರು ತಿಂಗಳ ಅವಧಿಯಲ್ಲಿ ಅವರು ಹತ್ತು ಸಾವಿರಕ್ಕೂ ಹೆಚ್ಚು ಅಂಗಡಿಗಳನ್ನು ನೋಂದಾಯಿಸಿ ಕೊಂಡಿದ್ದಾರೆ.

ತಮ್ಮ ಆ್ಯಪ್ ನಲ್ಲಿ ನೋಂದಾಯಿಸಿಕೊಂಡ ಹೆಚ್ಚಿನ ಅಂಗಡಿಗಳನ್ನು ಮಹಿಳೆಯರು ನಡೆಸುತ್ತಿದ್ದಾರೆಂದು ಅರಿತ ಮೀಶೋ ಸಂಸ್ಥಾಪಕರು, ಈ ಮಹಿಳೆಯರು ಮನೆಯಲ್ಲೇ ಕುಳಿತು ಮರು ಮಾರಾಟ (ರಿಸೆಲ್ಲರ್) ನಡೆಸುತ್ತಿರುವುದನ್ನೂ ಗಮನಿಸಿದರು. ಅದಲ್ಲದೆ ಅಂಗಡಿಯವರು ತಮ್ಮ ಸಾಮಾಗ್ರಿಗಳ ಬಗ್ಗೆ ಮೂರು ತಿಂಗಳಿಗೊಮ್ಮೆ ಅಪ್ಡೇಟ್ ಮಾಡಿದರೆ, ಈ ರಿಸೆಲ್ಲರ್ಸ್ ಪ್ರತಿದಿನ ತಮ್ಮ ಕ್ಯಾಟಲಾಗ್ ಬದಲಾಯಿಸುತ್ತಿದ್ದರು. ಹಲವು ಈ ಮರು ಮಾರಾಟಗಾರರು ತಮ್ಮಲ್ಲಿ ಗೋಡೌನ್ ಹೊಂದಿರಲಿಲ್ಲ. ಹೀಗಾಗಿ ಮೀಶೋ ಮೂಲಕ ಆನ್ ಲೈನ್ ಗೋಡೌನ್ ಮಾಡಿಕೊಂಡು ಯಶಸ್ವಿಯಾಗಿದ್ದರು. ಸಣ್ಣ ಉದ್ಯಮಗಳ ಕ್ಷೇತ್ರದಲ್ಲಿ ಮೀಶೋ ಪ್ರಸಿದ್ದಿ ಪಡೆಯಲು ಇದೂ ಒಂದು ಕಾರಣವಾಯಿತು.

ಟೈಯರ್ 2 ನಗರಗಳಲ್ಲಿ ಉತ್ತಮ ಪ್ರಸಿದ್ದಿ ಪಡೆದ ಮೀಶೋ 2021ರಲ್ಲಿ ಯುನಿಕಾರ್ನ್ ಕ್ಲಬ್ ಸೇರಿತು. (ಯುನಿಕಾರ್ನ್ ಕ್ಲಬ್ ಅಂದರೆ ಒಂದು ಬಿಲಿಯನ್ ಡಾಲರ್ ಗಿಂತ ಹೆಚ್ಚಿನ ಮೌಲ್ಯ ಹೊಂದಿದ ಸ್ಟಾರ್ಟಪ್ ಗಳು) ಸದ್ಯ ತನ್ನೊಳಗೆ ನೂರು ಮಿಲಿಯನ್ ಸಣ್ಣ ವ್ಯವಹಾರಗಳಿಗೆ ಜಾಗ ನೀಡಲು ಯೋಚಿಸುತ್ತಿರುವ ಮೀಶೋ ಕೋಟ್ಯಾಂತ ರೂಪಾಯಿ ವ್ಯವಹಾರ ನಡೆಸುತ್ತಿದೆ. 2015ರ ಅದೊಂದು ದಿನ ಹುಟ್ಟಿದ ಆಕಾಂಕ್ಷೆಯಿಂದ ಫಶ್ ನಿಯರ್ ಆರಂಭವಾಯ್ತು. ಅಲ್ಲಿಂದ ಅಂಗಡಿಯಾತನ ಮಾತು ಕೇಳಿ ಅದರ ದಿಕ್ಕೇ ಬದಲಾಯಿತು. ಒಂದು ಐಡಿಯಾ ಇಂದು ಕೋಟ್ಯಾಂತರ ರೂಪಾಯಿ ಬೆಲೆಬಾಳುತ್ತಿದೆ.

ಕೀರ್ತನ್ ಶೆಟ್ಟಿ ಬೋಳ

ಟಾಪ್ ನ್ಯೂಸ್

ತುಳುನಾಡಿನ ಸಾಂಸ್ಕೃತಿಕ ವೈಭವಕ್ಕೆ ಸಾಕ್ಷಿಯಾದ “ಕುಡ್ಲದ ಪಿಲಿ ಪರ್ಬ’

ತುಳುನಾಡಿನ ಸಾಂಸ್ಕೃತಿಕ ವೈಭವಕ್ಕೆ ಸಾಕ್ಷಿಯಾದ “ಕುಡ್ಲದ ಪಿಲಿ ಪರ್ಬ’

ದುರ್ಗಾ ದೌಡ್‌-ಹಿಂದೂ ಶಕ್ತಿ ಸಂಚಲನ; ಪಿಎಫ್ಐ ಭಾರತಕ್ಕೆ ವಿಷ: ಕಾಜಲ್‌ ಹಿಂದೂಸ್ಥಾನಿ

ದುರ್ಗಾ ದೌಡ್‌-ಹಿಂದೂ ಶಕ್ತಿ ಸಂಚಲನ; ಪಿಎಫ್ಐ ಭಾರತಕ್ಕೆ ವಿಷ: ಕಾಜಲ್‌ ಹಿಂದೂಸ್ಥಾನಿ

ಉಳ್ಳಾಲ: ಪೊಲೀಸ್‌ ಸಿಬಂದಿಗೆೆ ಕಾರು ಢಿಕ್ಕಿ

ಉಳ್ಳಾಲ: ಪೊಲೀಸ್‌ ಸಿಬಂದಿಗೆೆ ಕಾರು ಢಿಕ್ಕಿ

ದನದ ಕೊಟ್ಟಿಗೆಗೆ ಬೆಂಕಿ: ಜಾನುವಾರುಗಳಿಗೆ ಗಾಯ

ದನದ ಕೊಟ್ಟಿಗೆಗೆ ಬೆಂಕಿ: ಜಾನುವಾರುಗಳಿಗೆ ಗಾಯ

ಮಹಾತ್ಮಾ ಗಾಂಧಿ ಸೇವಾ ಪ್ರಶಸ್ತಿ ಪ್ರದಾನ: ವರ್ಷದೊಳಗೆ ಗಾಂಧಿ ಭವನ ಪೂರ್ಣ: ಸಿಎಂ

ಮಹಾತ್ಮಾ ಗಾಂಧಿ ಸೇವಾ ಪ್ರಶಸ್ತಿ ಪ್ರದಾನ: ವರ್ಷದೊಳಗೆ ಗಾಂಧಿ ಭವನ ಪೂರ್ಣ: ಸಿಎಂ

ಆರು ತಿಂಗಳ ಬಳಿಕ ಬದನವಾಳು ಅಭಿವೃದ್ಧಿ: ರಾಹುಲ್‌ ಗಾಂಧಿ

ಆರು ತಿಂಗಳ ಬಳಿಕ ಬದನವಾಳು ಅಭಿವೃದ್ಧಿ: ರಾಹುಲ್‌ ಗಾಂಧಿ

indಗುವಾಹಟಿಯಲ್ಲಿ ಗೆಲುವು; ಟೀಮ್‌ ಇಂಡಿಯಾಕ್ಕೆ ಸರಣಿ

ಗುವಾಹಟಿಯಲ್ಲಿ ಗೆಲುವು; ಟೀಮ್‌ ಇಂಡಿಯಾಕ್ಕೆ ಸರಣಿ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

WEB EXCLUSIVE BOOK DD enstine dinesh copy

ಅಲ್ಬರ್ಟ್ ಐನ್ ಸ್ಟೈನ್ “ದಡ್ಡ” ಎಂದು ಅಧ್ಯಾಪಕರು ತಾಯಿಗೆ ಪತ್ರ ಬರೆದಿದ್ರು…ಆದರೆ

INSPIRATIONAL STORY OF A VILLAGE TEACHER

ಈ ಶಿಕ್ಷಕಿಯದ್ದು ಅವಿರತ ಸೇವೆ…25 ಕಿ.ಮೀ ನಡಿಗೆ…ಮನೆ, ಮನೆಗೆ ತೆರಳಿ ಪಾಠ ಹೇಳ್ತಾರೆ!

thumbnail web exclusive food

ರುಚಿ, ರುಚಿಯಾದ ಸೋಯಾ ಚಿಲ್ಲಿ…ಸರಳ ವಿಧಾನದ ರೆಸಿಪಿ ನಿಮಗಾಗಿ…

web exclusive – cricket story

ಡಿಪ್ರೆಶನ್ ನಲ್ಲಿದ್ದ ದಿನೇಶ್ ಕಾರ್ತಿಕ್ ‘ಮಿಸ್ಟರ್ ಫಿನಿಶರ್’ ಆದ ಕಥೆ; ಇದು ಲವ್ ಸ್ಟೋರಿಯಲ್ಲ

1-sdsdddad

ಬಣ್ಣದ ವೈಭವ-4 : ಮರೆತು ಹೋದ ರಾಕ್ಷಸ ಪಾತ್ರಗಳ ಮೇಕಪ್ ಕಲೆಗಾರಿಕೆ

MUST WATCH

udayavani youtube

ದಿನ7 | ಕಾಳರಾತ್ರಿ ದೇವಿ

udayavani youtube

ಮೂಳೂರಿನಲ್ಲಿ ತೊರಕೆ ಮೀನಿನ ಸುಗ್ಗಿ, ಮೀನುಗಾರರು ಫುಲ್ ಖುಷಿ ಮಾರ್ರೆ

udayavani youtube

ಉಚ್ಚಿಲದಲ್ಲಿ ಹೊಸ ಇತಿಹಾಸ ಸೃಷ್ಟಿಸಿದ ಶತವೀಣಾವಲ್ಲರಿ ಕಾರ್ಯಕ್ರಮ

udayavani youtube

ಭಾಷಣ ಮಾಡದೆ… ಜನರ ಬಳಿ ಕ್ಷಮೆ ಕೇಳಿದ ಪ್ರಧಾನಿ ಮೋದಿ… ಕಾರಣ ಇಲ್ಲಿದೆ…

udayavani youtube

ದಿನ6| ಕಾತ್ಯಾಯಿನಿ ದೇವಿ|ಕಾತ್ಯಾಯಿನಿ ದೇವಿ ಪೂಜೆಯ ಪ್ರಯೋಜನವೇನು ಗೊತ್ತೇ. | Udayavani

ಹೊಸ ಸೇರ್ಪಡೆ

ತುಳುನಾಡಿನ ಸಾಂಸ್ಕೃತಿಕ ವೈಭವಕ್ಕೆ ಸಾಕ್ಷಿಯಾದ “ಕುಡ್ಲದ ಪಿಲಿ ಪರ್ಬ’

ತುಳುನಾಡಿನ ಸಾಂಸ್ಕೃತಿಕ ವೈಭವಕ್ಕೆ ಸಾಕ್ಷಿಯಾದ “ಕುಡ್ಲದ ಪಿಲಿ ಪರ್ಬ’

ದುರ್ಗಾ ದೌಡ್‌-ಹಿಂದೂ ಶಕ್ತಿ ಸಂಚಲನ; ಪಿಎಫ್ಐ ಭಾರತಕ್ಕೆ ವಿಷ: ಕಾಜಲ್‌ ಹಿಂದೂಸ್ಥಾನಿ

ದುರ್ಗಾ ದೌಡ್‌-ಹಿಂದೂ ಶಕ್ತಿ ಸಂಚಲನ; ಪಿಎಫ್ಐ ಭಾರತಕ್ಕೆ ವಿಷ: ಕಾಜಲ್‌ ಹಿಂದೂಸ್ಥಾನಿ

ಉಳ್ಳಾಲ: ಪೊಲೀಸ್‌ ಸಿಬಂದಿಗೆೆ ಕಾರು ಢಿಕ್ಕಿ

ಉಳ್ಳಾಲ: ಪೊಲೀಸ್‌ ಸಿಬಂದಿಗೆೆ ಕಾರು ಢಿಕ್ಕಿ

ದನದ ಕೊಟ್ಟಿಗೆಗೆ ಬೆಂಕಿ: ಜಾನುವಾರುಗಳಿಗೆ ಗಾಯ

ದನದ ಕೊಟ್ಟಿಗೆಗೆ ಬೆಂಕಿ: ಜಾನುವಾರುಗಳಿಗೆ ಗಾಯ

ಮಹಾತ್ಮಾ ಗಾಂಧಿ ಸೇವಾ ಪ್ರಶಸ್ತಿ ಪ್ರದಾನ: ವರ್ಷದೊಳಗೆ ಗಾಂಧಿ ಭವನ ಪೂರ್ಣ: ಸಿಎಂ

ಮಹಾತ್ಮಾ ಗಾಂಧಿ ಸೇವಾ ಪ್ರಶಸ್ತಿ ಪ್ರದಾನ: ವರ್ಷದೊಳಗೆ ಗಾಂಧಿ ಭವನ ಪೂರ್ಣ: ಸಿಎಂ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.