ಧೋನಿ ಪಾತ್ರ ನಿರ್ಣಾಯಕ

Team Udayavani, May 31, 2019, 6:00 AM IST

ಹೊಸದಿಲ್ಲಿ: ಭಾರತೀಯ ವಿಶ್ವಕಪ್‌ ತಂಡದಲ್ಲಿ ಎಂ. ಎಸ್‌. ಧೋನಿ ಪಾತ್ರ ನಿರ್ಣಾಯಕ ಎಂದು ಭಾರತ ತಂಡದ ಮಾಜಿ ನಾಯಕ ಸೌರವ್‌ ಗಂಗೂಲಿ ಹೇಳಿದ್ದಾರೆ. ಭಾರತದ ಮಧ್ಯಮ ಕ್ರಮಾಂಕ ಸುಧಾರಣೆ ಕಾಣಬೇಕಿದೆ. ಧೋನಿ ಈ ಸ್ಥಾನ ತುಂಬಬಲ್ಲ ಸಮರ್ಥ ಆಟಗಾರರಾಗಿದ್ದಾರೆ. ಆದ್ದರಿಂದ ಇವರ ಆಟ ನಿರ್ಣಾಯಕ ಎನ್ನಬಹುದು. ಭಾರತದ ಕೆಳ ಕ್ರಮಾಂಕದ ಆಟಗಾರರಾದ ಯಜುವೇಂದ್ರ ಚಾಹಲ್, ಕುಲದೀಪ್‌ ಯಾದವ್‌, ಮೊಹಮ್ಮದ್‌ ಶಮಿ, ಜಸ್‌ಪ್ರೀತ್‌ ಬುಮ್ರಾ ಇವರನ್ನು ಹೆಚ್ಚಾಗಿ ನಂಬುವಂತಿಲ್ಲ ಹಾಗಾಗಿ 6 ಅಥವಾ 7ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ನಡೆಸುವ ಧೋನಿ ಪಾತ್ರ ಮುಖ್ಯವಾಗಿದೆ ಎಂದು ಗಂಗೂಲಿ ಅಭಿಪ್ರಾಯಪಟ್ಟಿದ್ದಾರೆ.

ಬೌಲಿಂಗ್‌ ವಿಭಾಗ ಬಲಿಷ್ಠ
ಭಾರತ ತಂಡದ ಬೌಲಿಂಗ್‌ ಉಳಿದ ತಂಡಕ್ಕಿಂತ ಬಲಿಷ್ಠವಾಗಿದೆ. ಬುಮ್ರಾ, ಕುಲದೀಪ್‌ ಯಾದವ್‌, ಚಾಹಲ್, ಶಮಿ ಘಾತಕ ಸ್ಪೆಲ್ ಮಾಡುವಲ್ಲಿ ಸಮರ್ಥರಿದ್ದಾರೆ. ಸ್ಪಿನ್‌ ವಿಭಾಗವಂತೂ ತುಂಬಾನೆ ಬಲಿಷ್ಠವಾಗಿದೆ ಎಂದರು.