ಭಾರತದೆದುರಿನ ಪಂದ್ಯದ ತನಕ ಪತ್ನಿಯರಿಂದ ದೂರವಿರಿ: ಪಿಸಿಬಿ

Team Udayavani, May 27, 2019, 6:00 AM IST

ಲಂಡನ್‌: ವಿಶ್ವಕಪ್‌ಗೆ ಸಿದ್ಧವಾಗುತ್ತಿರುವ ಪಾಕಿಸ್ಥಾನ ತಂಡ ಆಂಗ್ಲರ ನೆಲದಲ್ಲಿ ಕಳಪೆ ಪ್ರದರ್ಶನ ನೀಡಿ ವ್ಯಾಪಕ ಟೀಕೆಗೆ ಗುರಿಯಾಗಿದೆ.

ಇಂಗ್ಲೆಂಡ್‌ ವಿರುದ್ಧ ಸರಣಿಯನ್ನು ಹೀನಾಯವಾಗಿ ಸೋತಿರುವ ಪಾಕ್‌ ತೀವ್ರ ಒತ್ತಡದಲ್ಲಿದೆ. ಈ ತಂಡಕ್ಕೆ ಪಾಕಿಸ್ಥಾನ ಕ್ರಿಕೆಟ್‌ ಮಂಡಳಿ (ಪಿಸಿಬಿ) ಕೂಡ ಈಗ ಬಿಗ್‌ ಶಾಕ್‌ ನೀಡಿದೆ. “ಜೂ.16ರಂದು ಭಾರತ ವಿರುದ್ಧ ಪಂದ್ಯದ ಬಳಿಕವಷ್ಟೇ ಪತ್ನಿ, ಕುಟುಂಬಕ್ಕೆ ಆಟಗಾರರೊಂದಿಗೆ ಇರಲು ಅವಕಾಶ. ಅಲ್ಲಿ ತನಕ ಇದಕ್ಕೆ ಅವಕಾಶ ನೀಡಲಾಗುವುದಿಲ್ಲ’ ಎಂದು ಸ್ಪಷ್ಟವಾಗಿ ತಿಳಿಸಿದೆ.

ಭಾರತ ವಿರುದ್ಧದ ಪಂದ್ಯವನ್ನು ಪಾಕಿಸ್ಥಾನ ಗಂಭೀರವಾಗಿ ಪರಿಗ ಣಿಸಿದೆ. ಇದುವರೆಗೆ ಪಾಕ್‌ ವಿಶ್ವಕಪ್‌ನಲ್ಲಿ ಭಾರತದ ವಿರುದ್ಧ ಆಡಿದ ಎಲ್ಲ ಪಂದ್ಯಗಳನ್ನೂ ಕಳೆದು ಕೊಂಡಿದೆ. ಇದೊಂದು ಪ್ರತಿಷ್ಠೆಯ ಪಂದ್ಯವಾಗಿದ್ದು, ಈ ಸಲವಾದರೂ ಭಾರತವನ್ನು ಮಣಿಸ ಬೇಕೆಂಬುದು ಪಾಕ್‌ ಯೋಜನೆ. ಇದಕ್ಕಾಗಿ ಇಂಥ ದೊಂದು ಕಟ್ಟಪ್ಪಣೆ.

ಇತ್ತೀಚಿಗೆ ಇಂಗ್ಲೆಂಡ್‌ ಸರಣಿ ಹಾಗೂ ಅಫ್ಘಾನಿಸ್ಥಾನ ವಿರುದ್ಧದ ಅಭ್ಯಾಸ ಪಂದ್ಯದಲ್ಲಿ ಪಾಕ್‌ ಸೋಲ ನು ಭವಿಸಿದ್ದು, ತಂಡದ ಆತಂಕ ಹೆಚ್ಚಿದೆ. ಇಂಗ್ಲೆಂಡ್‌ ಸರಣಿಗೆ ಮೊದಲೇ ಪತ್ನಿ, ಕುಟುಂಬದ ಸದಸ್ಯರು ತಂಡದ ಆಟಗಾರರೊಂದಿಗೆ ತೆರಳುವಂತಿಲ್ಲ ಎಂದು ಪಿಸಿಬಿ ಆದೇಶಿಸಿತ್ತು. ನಿಯಮ ಸಡಿಲಿಸಬೇಕು ಎಂದು ಪಾಕ್‌ ತಂಡದ ನಾಯಕ ಸಫ‌ìರಾಜ್‌ ಅಹ್ಮದ್‌ ಮನವಿ ಮಾಡಿಕೊಂಡಿದ್ದರು.