ಪ್ರೇಮಲೋಕದ ದೊರೆ ರವಿ ಚಂದ್ರನ್ ‘ಕನ್ನಡಿಗ’ ಚಿತ್ರಕ್ಕೆ ಶಿವಣ್ಣ ಸಾಥ್
Team Udayavani, Jun 29, 2021, 12:46 PM IST
ಬೆಂಗಳೂರು : ಪ್ರೇಮ ಲೋಕದ ದೊರೆ ರವಿಚಂದ್ರನ್ ಅವರ ಕನ್ನಡಿಗ ಚಿತ್ರಕ್ಕೆ ಶಿವಣ್ಣ ಸಾಥ್ ನೀಡಿದ್ದಾರೆ. ಈ ಸಿನಿಮಾದ ಟೈಟಲ್ ಟ್ರ್ಯಾಕ್ ಗೆ ಕರುನಾಡ ಚಕ್ರವರ್ತಿ ಧ್ವನಿಯಾಗಿದ್ದಾರೆ.
ಹಾಗೆ ನೋಡಿದರೆ ಶಿವಣ್ಣ ಹಾಗೂ ರವಿಮಾಮ ಒಟ್ಟಿಗೆ ಚಿತ್ರರಂಗ ಪ್ರವೇಶಿಸಿದವರು. ಸೋಲು-ಗೆಲುವು ಸಮನಾಗಿ ಎದುರಿಸಿದವರು. ಅಂದಿನಿಂದ ಇಂದಿನ ವರೆಗೆ ಚಂದನವನದಲ್ಲಿ ಈ ತಾರೆಯವರು ಒಳ್ಳೆಯ ಸ್ನೇಹಿತರೆಂದೆ ಗುರುತಿಸಿಕೊಂಡಿದ್ದಾರೆ. ಇವರ ಗಟ್ಟಿಯಾದ ಗೆಳೆತನಕ್ಕೆ ಸಾಕ್ಷಿಯಾಗಿದ್ದು ‘ಕೊದಂಡರಾಮ’ ಸಿನಿಮಾ. ಈ ಚಿತ್ರದಲ್ಲಿ ರವಿಚಂದ್ರನ್ ಹಾಗೂ ಶಿವರಾಜ್ ಕುಮಾರ್ ಜೊತೆಯಾಗಿ ತೆರೆ ಹಂಚಿಕೊಂಡಿದ್ದರು. ಈ ಬಿಗ್ ಸ್ಟಾರ್ ಗಳ ಕಾಂಬಿನೇಶನ್ ಕನ್ನಡ ಸಿನಿ ರಸಿಕರಿಗೆ ಭರ್ಜರಿ ರಸದೌತನ ನೀಡಿತು.
ಇನ್ನು ಶಿವರಾಜ್ ಅವರ ವಜ್ರಕಾಯ ಚಿತ್ರದಲ್ಲಿ ರವಿಚಂದ್ರನ್ ಅತಿಥಿ ನಟನಾಗಿ ಕಾಣಿಸಿಕೊಂಡಿದ್ದರು. ಆ ಪ್ರೀತಿ ಮತ್ತು ಸ್ನೇಹ ಇದೀಗ ಮತ್ತೊಂದು ಹೆಜ್ಜೆ ಮುಂದಕ್ಕೆ ಹೋಗಿದೆ.
ರವಿಚಂದ್ರನ್ ನಟಿಸುತ್ತಿರುವ ಕನ್ನಡಿಗ ಚಿತ್ರಕ್ಕೆ ಶಿವಣ್ಣ ಹಾಡಿದ್ದಾರೆ. ಜನಪದ ಶೈಲಿಯ ಟೈಟಲ್ ಟ್ರ್ಯಾಕ್`ಗೆ ಶಿವಣ್ಣ ಧ್ವನಿ ನೀಡಿದ್ದಾರೆ. ಎ ಹರ್ಷ ನಿರ್ದೇಶನದಲ್ಲಿ ಹಾಡಿನ ಚಿತ್ರೀಕರಣವೂ ಆಗಿದೆ. ಜಟ್ಟ ಗುರುರಾಜ್ ನಿರ್ದೇಶನದ ಚಿತ್ರದಲ್ಲಿ ರವಿಚಂದ್ರನ್, ಹಿಂದೆಂದೂ ಕಾಣಿಸಿಕೊಂಡಿರದ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.