ಮಂಡ್ಯ ಯುವತಿ ಪರ ಪಾರೂಲ್‌ ಯಾದವ್ ಬ್ಯಾಟಿಂಗ್‌

Team Udayavani, Mar 11, 2021, 11:25 AM IST

ಇತ್ತೀಚೆಗಷ್ಟೇ ಮಂಡ್ಯದಲ್ಲಿ ಮಹಿಳಾ ಪಿಎಸ್‌ಐ ಒಬ್ಬರು ವಾಹನ ತಪಾಸಣೆ ವೇಳೆ ಯುವತಿಯೊಬ್ಬಳ ಕಪಾಳಕ್ಕೆ ಬಾರಿಸಿದ್ದು, ಈ ದೃಶ್ಯಗಳು ಮೊಬೈಲ್‌ ಫೋನ್‌ನಲ್ಲಿ ಸೆರೆಯಾಗಿ ಎಲ್ಲೆಡೆ ವೈರಲ್‌ ಆಗಿತ್ತು.

ಮಂಡ್ಯ ಯುವತಿ ಮೇಲೆ ಸಾರ್ವಜನಿಕವಾಗಿ ಹಲ್ಲೆ ಮಾಡಿದ್ದ ಮಹಿಳಾ ಅಧಿಕಾರಿಯ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವಿರೋಧ ವ್ಯಕ್ತವಾಗಿತ್ತು. ಇದೀಗ ಈ ಘಟನೆಯನ್ನು ನಟಿ ಪಾರೂಲ್‌ ಯಾದವ್‌ ಕೂಡ ಖಂಡಿಸಿದ್ದಾರೆ.

ಇದನ್ನೂ ಓದಿ: ಆ್ಯಕ್ಷನ್‌ ಪ್ಯಾಕ್‌ ಅರ್ಜುನ್‌ ಗೌಡ: ಅಖಾಡಕ್ಕೆ ಸಿದ್ದ

ಈ ಬಗ್ಗೆ ಟ್ವಿಟ್ಟರ್‌ನಲ್ಲಿ ಬರೆದುಕೊಂಡಿರುವ ಪಾರೂಲ್‌, “ಇದು ತಪ್ಪು. ಜನರನ್ನು ರಕ್ಷಿಸಲು ಪೋಲೀಸರು ಇರುವುದೇ ಹೊರತು, ಈ ರೀತಿ ಹಲ್ಲೆ ಮಾಡಿ ಅಧಿಕಾರ ಚಲಾಯಿಸಲು ಅಲ್ಲ. ಇದನ್ನು ನಾವೆಲ್ಲರೂ ಖಂಡಿಸೋಣ’ ಎಂದು ಮಂಡ್ಯ ಯುವತಿಯ ಪರ ಬ್ಯಾಟಿಂಗ್‌ ಮಾಡಿದ್ದಾರೆ.

ಇದನ್ನೂ ಓದಿ:ಗಾಳಿಪಟ-2 ಫೋಟೋ ಹಂಚಿಕೊಂಡ ಗಣಿ ಟೀಮ್‌

ಅಲ್ಲದೆ ಈ ಘಟನೆಯ ತಪ್ಪಿತಸ್ಥ ಅಧಿಕಾರಿಯ ವಿರುದ್ದ ಕ್ರಮ ಕೈಗೊಳ್ಳುವಂತೆಯೂ ಪಾರೂಲ್‌ ಒತ್ತಾಯಿಸಿದ್ದಾರೆ.

ಇದು ತಪ್ಪು. ಜನರನ್ನ ರಕ್ಷಿಸಲು ಪೋಲೀಸರು ಇರುವುದೇ ಹೊರತು, ಈ ರೀತಿ ಹಲ್ಲೆ ಮಾಡಿ ಅಧಿಕಾರ ಚಲಾಯಿಸಲು ಅಲ್ಲ. ಇದನ್ನು ನಾವೆಲ್ಲರೂ ಖಂಡಿಸೋಣ

Absolutely unacceptable..#India is a welfare state and the police are to protect & serve not rule the people. @DgpKarnataka please take immediate action. https://t.co/OaN1lthNmb

— Parul Yadav (@TheParulYadav) March 10, 2021