ಸಲಗ ಹಿಂದೆ ಕೆ.ಪಿ.ಶ್ರೀಕಾಂತ್‌

ದುನಿಯಾ ವಿಜಿ ಚಿತ್ರಕ್ಕೆ ಟಗರು ತಂಡ ಕೆಲಸ

Team Udayavani, May 7, 2019, 3:02 AM IST

ದುನಿಯಾ ವಿಜಯ್‌ ಅವರು “ಸಲಗ’ ಚಿತ್ರ ಮಾಡುವುದಾಗಿ ಹೇಳಿಕೊಂಡಿದ್ದು ನೆನಪಿರಬಹುದು. “ಕುಸ್ತಿ’ ಚಿತ್ರ ಮಾಡುವುದಾಗಿ ಅನೌನ್ಸ್‌ ಮಾಡಿದ್ದ ದುನಿಯಾ ವಿಜಯ್‌, ಕೆಲ ಕಾರಣಗಳಿಂದ ಆ ಚಿತ್ರವನ್ನು ಕೈ ಬಿಟ್ಟು, ಬೇರೆ ಸಿನಿಮಾ ಮಾಡುವುದಾಗಿ ಹೇಳಿದ್ದರು. ಕೆಲ ದಿನಗಳ ಬಳಿಕ “ಸಲಗ’ ಎಂಬ ಚಿತ್ರದಲ್ಲಿ ಹೀರೋ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿಯಾಯಿತು.

“ಸಲಗ’ ಚಿತ್ರವನ್ನು ದುನಿಯಾ ವಿಜಯ್‌ ಅವರೇ ನಿರ್ಮಾಣ ಮಾಡುವುದಾಗಿಯೂ ಹೇಳಿಕೊಂಡಿದ್ದರು. ಅದೊಂದು ಬೇರೆ ರೀತಿಯ ಆ್ಯಕ್ಷನ್‌ ಸಿನಿಮಾ ಎಂದು ಹೇಳಿದ್ದ ವಿಜಯ್‌, ಆಗ ಸಿಕ್ಕ ಕಥೆಗೆ ನಿರ್ದೇಶಕರು ಯಾರು ಎಂಬುದನ್ನು ಹೇಳಿರಲಿಲ್ಲ. ಆಗಿನ್ನೂ ಸ್ಕ್ರಿಪ್ಟ್ ಹಂತದಲ್ಲಿದ್ದ “ಸಲಗ’ ಚಿತ್ರ ಈಗ ಶುರುವಾಗುವ ಲಕ್ಷಣ ಕಾಣುತ್ತಿದೆ.

ಹೊಸ ವಿಷಯವೆಂದರೆ, “ಸಲಗ’ ಚಿತ್ರದಲ್ಲೊಂದು ಹೊಸ ಬದಲಾವಣೆಯಾಗಿದೆ. ಚಿತ್ರವನ್ನು ಕೆ.ಪಿ.ಶ್ರೀಕಾಂತ್‌ ಅವರು ನಿರ್ಮಾಣ ಮಾಡುತ್ತಿದ್ದಾರೆ ಎಂಬುದೇ ಆ ಹೊಸ ಬದಲಾವಣೆ. ಹೌದು, “ಟಗರು’ ಸಿನಿಮಾ ನಂತರ ಕೆ.ಪಿ.ಶ್ರೀಕಾಂತ್‌ ಅವರು, “ಪಾಪ್‌ಕಾರ್ನ್ ಮಂಕಿ ಟೈಗರ್‌’ ಚಿತ್ರವನ್ನು ನಿರ್ಮಿಸುವುದಾಗಿ ಹೇಳಿದ್ದರು.

ಚಿತ್ರೀಕರಣ ಶುರುವಾದ ಬಳಿಕ ಆ ಸಿನಿಮಾದಿಂದ ಹೊರಬಂದ ಕೆ.ಪಿ.ಶ್ರೀಕಾಂತ್‌, ಸುದೀಪ್‌ ಅವರಿಗೊಂದು ಸಿನಿಮಾ ಮಾಡುವುದಾಗಿ ಘೋಷಿಸಿದರು. ಆ ಚಿತ್ರಕ್ಕೆ ದುನಿಯಾ ಸೂರಿ ನಿರ್ದೇಶಕ ಎಂಬುದನ್ನೂ ಹೇಳಿಕೊಂಡರು. ಆ ಸಿನಿಮಾಗೂ ಮುನ್ನ, ದುನಿಯಾ ವಿಜಯ್‌ ಅಭಿನಯದ “ಸಲಗ’ ಚಿತ್ರ ಸೆಟ್ಟೇರಲಿದೆ ಎಂಬ ಮಾಹಿತಿ ಇದೆ. ವೀನಸ್‌ ಎಂಟರ್‌ಟೈನರ್‌ ಬ್ಯಾನರ್‌ನಲ್ಲಿ ಚಿತ್ರ ತಯಾರಾಗುತ್ತಿದೆ.

ಇನ್ನು, ಈ ಚಿತ್ರಕ್ಕಿನ್ನೂ ನಿರ್ದೇಶಕರು ಯಾರು ಎಂಬುದು ಪಕ್ಕಾ ಆಗಿಲ್ಲ. ಉಳಿದಂತೆ ಚರಣ್‌ರಾಜ್‌ ಸಂಗೀತ ನೀಡಲಿದ್ದಾರೆ. ಬಹುತೇಕ “ಟಗರು’ ಚಿತ್ರಕ್ಕೆ ಕೆಲಸ ಮಾಡಿದ್ದ ತಂಡವೇ ಇಲ್ಲೂ ಕೆಲಸ ಮಾಡಲಿದೆ. ಕೆ.ಪಿ.ಶ್ರೀಕಾಂತ್‌ ನಿರ್ಮಾಣದ ಅದ್ಧೂರಿ ಬಜೆಟ್‌ ಚಿತ್ರಗಳಲ್ಲಿ ‘ಸಲಗ’ವೂ ಒಂದಾಗಲಿದೆ ಎಂಬುದು ಚಿತ್ರತಂಡದ ಮಾತು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ