ಸಿನಿಲೋಕಕ್ಕೆ ಎಂಟ್ರಿಕೊಟ್ಟ ಪ್ರೇಮ್ ಪುತ್ರಿ: ‘ಟಗರು ಪಲ್ಯ’ಕ್ಕೆ ನಾಯಕಿಯಾದ ಅಮೃತಾ
Team Udayavani, Nov 28, 2022, 3:07 PM IST
“ನೆನಪಿರಲಿ’ ಪ್ರೇಮ್ ಪುತ್ರಿ ಅಮೃತಾ ಚಿತ್ರರಂಗಕ್ಕೆ ನಾಯಕಿಯಾಗಿ ಎಂಟ್ರಿಕೊಡಲಿದ್ದಾರೆ ಎಂಬ ಸುದ್ದಿ ಹಲವು ದಿನಗಳಿಂದ ಓಡಾಡುತ್ತಿತ್ತು. ಆದರೆ, ಈಗ ಸುದ್ದಿ ಅಧಿಕೃತವಾಗಿದೆ. ಅದು “ಟಗರು ಪಲ್ಯ’ ಮೂಲಕ.
ಹೀಗೊಂದು ಟೈಟಲ್ನಡಿ ಸಿನಿಮಾವೊಂದು ತಯಾರಾಗು ತ್ತಿದ್ದು, ಈ ಚಿತ್ರಕ್ಕೆ ಅಮೃತಾ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಇದು ಅವರ ಲಾಂಚ್ ಸಿನಿಮಾವೂ ಹೌದು. ಈ ಚಿತ್ರವನ್ನು “ಡಾಲಿ ಪಿಕ್ಚರ್’ ಬ್ಯಾನರ್ ಮೂಲಕ ಧನಂಜಯ್ ನಿರ್ಮಿಸುತ್ತಿದ್ದಾರೆ.
ಇನ್ನು “ಟಗರು ಪಲ್ಯ’ ಸಿನಿಮಾದಲ್ಲಿ ನಾಗಭೂಷಣ್ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಟಗರು ಪಲ್ಯ’ ಸಿನಿಮಾಕ್ಕೆ ನವ ನಿರ್ದೇಶಕ ಉಮೇಶ್ ಕೆ. ಕೃಪ ನಿರ್ದೇಶನ ಮಾಡುತ್ತಿದ್ದಾರೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ನೆನಪಿರಲಿ ಪ್ರೇಮ್, “ನನ್ನ ಮಗುವನ್ನು ನಿಮ್ಮ ಮಡಿಲಿಗೆ ಹಾಕುತ್ತಿದ್ದೇನೆ, ನಿಮ್ಮ ಆಶೀರ್ವಾದ, ಪ್ರೀತಿ, ಪ್ರೋತ್ಸಾಹ, ಅಭಿಮಾನವಿರಲಿ” ಎಂದಿದ್ದಾರೆ.