Rakshit shetty; ಸಾಗರದಾಳದಲ್ಲಿ ನೆನಪುಗಳ ಮೌನ ಕಿರುಚಾಟ: ಸಪ್ತಸಾಗರದಾಚೆ 2 ಟ್ರೈಲರ್ ಬಂತು
Team Udayavani, Nov 4, 2023, 6:34 PM IST
ಜೈಲಿನಿಂದ ಹೊರಬಂದ ಮನು, ಮುಖದ ಮೇಲೆ ಹೊಡೆದಾಟದ ಕಲೆಗಳು, ನೋವಿನ ಛಾಯೆ, ಎದೆಯ ಮೇಲೆ ನೆನಪಿನ ಭಾರ, ಪ್ರಿಯಾ ಧ್ವನಿ, ಮತ್ತೆ ಮತ್ತೆ ಕೇಳುವ ಟೇಪ್, ಹೊಸ ಪ್ರೀತಿ, ಬೇಕು ಬೇಕಂತಲೆ ಹಿಂಬಾಲಿಸಿಕೊಂಡು ಹೋಗುವ ಹಳೆಯ ನೆನಪು, ಮತ್ತೆ ಹೊಡೆದಾಟ… ಇದು ‘ಸಪ್ತ ಸಾಗರದಾಚೆ ಎಲ್ಲೋ ಸೈಡ್ ಬಿ’ ಚಿತ್ರದ ಕೆಲ ತುಣುಕುಗಳು.
ಹೌದು, ನವೆಂಬರ್ 17ರಂದು ಬಿಡುಗಡೆಯಾಗಲಿರುವ ‘ಸಪ್ತ ಸಾಗರದಾಚೆ ಎಲ್ಲೋ ಸೈಡ್ ಬಿ’ ಚಿತ್ರದ ಟ್ರೇಲರ್ ಇಂದು ಬಿಡುಗಡೆಯಾಗಿದೆ. ರಕ್ಷಿತ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಚಿತ್ರವು ತನ್ನ ಮೊದಲ ಭಾಗಕ್ಕಿಂತಲೂ ಇನ್ನಷ್ಟು ತೀವ್ರವಾಗಿ ಕಾಡುವ ಸೂಚನೆ ನೀಡಿದೆ ಈ ಟ್ರೇಲರ್.
ಚಿತ್ರದಲ್ಲಿ ಮನು ಆಗಿ ನಟಿಸಿರುವ ರಕ್ಷಿತ್ ಶೆಟ್ಟಿ ಈ ಭಾಗದಲ್ಲಿ ದೇಹತೂಕ ಹೆಚ್ಚಿಸಿಕೊಂಡಿದ್ದಾರೆ. ಮೊದಲ ಭಾಗದಲ್ಲಿ ಜೈಲಿನೊಳಗೆ ಸಿಕ್ಕಿಹಾಕಿಕೊಂಡಿದ್ದ ಮನು ಅಲ್ಲಿಂದ ಹೊರಬಂದ ಬಳಿಕ ಏನು ಮಾಡುತ್ತಾನೆ ಎನ್ನುವುದನ್ನು ಈ ಭಾಗದಲ್ಲಿ ಕಾಣಬಹುದು.
ರಕ್ಷಿತ್ ಜತೆ ರುಕ್ಮಿಣಿ ವಸಂತ್, ಚೈತ್ರಾ ಜೆ ಆಚಾರ್, ಅಚ್ಯುತ್ ಕುಮಾರ್, ಗೋಪಾಲ ದೇಶಪಾಂಡೆ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮೊದಲ ಭಾಗದಲ್ಲಿ ಜೈಲಿನ ಖೈದಿಯಾಗಿ ನಟಿಸಿದ್ದ ರಮೇಶ್ ಇಂದಿರಾ ಅವರ ಪಾತ್ರವು ಇಲ್ಲಿಯೂ ಮುಂದುವರಿದಿದೆ
ಚಿತ್ರವನ್ನು ಹೇಮಂತ್ ರಾವ್ ನಿರ್ದೇಶನ ಮಾಡಿದ್ದು, ನಟ ರಕ್ಷಿತ್ ಶೆಟ್ಟಿ ಅವರೇ ತಮ್ಮ ಪರಂವಾ ಬ್ಯಾನರ್ ನಲ್ಲಿ ನಿರ್ಮಾಣ ಮಾಡಿದ್ದಾರೆ. ಚರಣ್ ರಾಜ್ ಸಂಗೀತ ನೀಡಿರುವ ಚಿತ್ರದಲ್ಲಿ ಅದ್ವೈತ್ ಗುರುಮೂರ್ತಿ ಕ್ಯಾಮರಾ ಕೈಚಳಕವಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Horoscope: ಯಾವುದೇ ಪರಿಸ್ಥಿತಿಯನ್ನು ಎದುರಿಸಿ ಕೆಲಸ ಮಾಡುವ ಧೈರ್ಯ ನಿಮ್ಮದಾಗಿರಲಿದೆ
ಕರಾವಳಿ ಜಿಲ್ಲೆಗಳಲ್ಲಿ ಗಗನಕ್ಕೇರಿದ ಹೂವಿನ ಧಾರಣೆ; ಖರೀದಿ ಪ್ರಮಾಣ ಇಳಿಕೆ
Manipal ಕಸ್ತೂರ್ಬಾ ಆಸ್ಪತ್ರೆ ; ಡಾ| ರಾಮದಾಸ್ ಎಂ. ಪೈ ಬ್ಲಾಕ್ ಇಂದು ಲೋಕಾರ್ಪಣೆ
Gurpatwant ಪನ್ನು ಹತ್ಯೆಗೆ ರಾ ಅಧಿಕಾರಿ ಸಂಚು; ವಾಷಿಂಗ್ಟನ್ ಪೋಸ್ಟ್ ವರದಿ
Kerala; ಒಂದೇ ವೇದಿಕೆಯಲ್ಲಿ 150 ಅವಳಿಗಳ ಸಂಭ್ರಮ