ದೊಡ್ಡಹಟ್ಟಿ ಬೋರೇಗೌಡ ಚಿತ್ರ ವಿಮರ್ಶೆ: ಬೋರೇಗೌಡನ ಸೂರು ಕನಸು
Team Udayavani, Feb 18, 2023, 2:21 PM IST
ಕನ್ನಡ ಚಿತ್ರರಂಗದಲ್ಲಿ ಈಗ ಹಳ್ಳಿ ಸೊಗಡಿನ, ನೈಜತೆಗೆ ಹೆಚ್ಚು ಒತ್ತುಕೊಡುವ ಚಿತ್ರಗಳು ಬರುತ್ತವೆ. ಆ ತರಹದ ಸಿನಿಮಾಗಳನ್ನು ಜನ ಕೂಡಾ ಇಷ್ಟಪಡುತ್ತಾರೆ. ಈಗ ಆ ಸಾಲಿಗೆ ಸೇರುವ ಸಿನಿಮಾ “ದೊಡ್ಡಹಟ್ಟಿ ಬೋರೇಗೌಡ’.
ಇದು ಪಕ್ಕಾ ಹಳ್ಳಿಯಲ್ಲಿ, ನೈಜತೆಯೊಂದಿಗೆ ಮೂಡಿಬಂದ ಸಿನಿಮಾ. ಅದೇ ಕಾರಣ ದಿಂದ ಇಡೀ ಸಿನಿಮಾದಲ್ಲಿ ದೇಸಿ ಸೊಗಡು ಎದ್ದು ಕಾಣುತ್ತದೆ. ವ್ಯಕ್ತಿಯೊಬ್ಬರು ಮನೆ ಕಟ್ಟಿಕೊಳ್ಳಲು ಹೇಗೆ ಪರದಾಡುತ್ತಾರೆ, ಈ ಹಾದಿಯಲ್ಲಿ ಅವರು ಅನುಭವಿಸುವ ಕಷ್ಟಗಳೇನು ಎಂಬ ಅಂಶದೊಂದಿಗೆ ಸಿನಿಮಾ ಸಾಗುತ್ತದೆ.
ಚಿತ್ರ ಕೇವಲ ಇಷ್ಟಕ್ಕೆ ಸೀಮಿತವಾಗಿಲ್ಲ. ಇಲ್ಲಿ ಸರ್ಕಾರದ ಯೋಜನೆಗಳು ಸಾಮಾನ್ಯ ಜನರ ಕೈ ಸೇರುವಲ್ಲಿ ಏನೆಲ್ಲಾ ಆಗುತ್ತದೆ, ಯಾವ ರೀತಿ ಹಾದಿ ತಪ್ಪುತ್ತದೆ, ಅನಿವಾರ್ಯವಾಗಿ ಲಂಚ ಕೊಡುವ ಸ್ಥಿತಿ ಹೇಗೆ ಬರುತ್ತದೆ ಎಂಬ ಅಂಶವೂ ಈ ಸಿನಿಮಾದ ಹೈಲೈಟ್.
ಇಡೀ ಸಿನಿಮಾ ಬೋರೇಗೌಡ ಎಂಬ ವ್ಯಕ್ತಿಯ ಸುತ್ತ ಸಾಗುತ್ತದೆ. ಮೊದಲೇ ಹೇಳಿದಂತೆ ನಿರ್ದೇಶಕ ರಘು ಕಥೆಯ ಆಶಯಕ್ಕೆ ತಕ್ಕ ಪರಿಸರವನ್ನು ಸೃಷ್ಟಿ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಪರಿಸರಕ್ಕೆ ಹೊಂದಿಕೊಳ್ಳುವಂತಹ ಕಲಾವಿದರು ಕೂಡಾ ಈ ಸಿನಿಮಾದ ಪ್ಲಸ್ ಪಾಯಿಂಟ್.
ಚಿತ್ರದ ಬೋರೇಗೌಡ ಪಾತ್ರದಲ್ಲಿ ನಟಿಸಿರುವ ಶಿವಣ್ಣ ಬೀರಿಹುಂಡಿ, ಗೀತಾ ಸೇರಿದಂಥೆ ಇತರ ಕಲಾವಿದರು ಕಥೆಯ ಆಶಯಕ್ಕೆ ತಕ್ಕಂತೆ ನಟಿಸಿದ್ದಾರೆ. ಚಿತ್ರದ ಹಿನ್ನೆಲೆ ಸಂಗೀತ ಕಥೆಗೆ ಪೂರಕವಾಗಿದೆ.
ರವಿ ರೈ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Lok Sabha Election: ಮಹಿಳೆ ಅಡುಗೆ ಮನೆಗಷ್ಟೇ ಸೀಮಿತವಲ್ಲ: ಗಾಯತ್ರಿ ಸಿದ್ದೇಶ್ವರ
Kannada Cinema; ಚಿತ್ರೀಕರಣ ಮುಗಿಸಿದ ‘ವಿದ್ಯಾರ್ಥಿ ವಿದ್ಯಾರ್ಥಿನಿಯರೇ’
ಲೋಕಸಭಾ ಚುನಾವಣೆ: ಪಕ್ಷೇತರ ಅಭ್ಯರ್ಥಿಯಾಗಿ ಕಣಕ್ಕಿಳಿಯಲಿದ್ದಾರ ಸೂರಜ ನಾಯ್ಕ ಸೋನಿ ?
JDS; ಮೂವರು ಅಭ್ಯರ್ಥಿಗಳ ಪಟ್ಟಿ ಪ್ರಕಟ: ಕೋಲಾರಕ್ಕೆ ಮಲ್ಲೇಶ್ ಬಾಬು
Rameshwaram Cafe ಪ್ರಕರಣ: ಇಬ್ಬರು ಶಂಕಿತರ ಮಾಹಿತಿ ನೀಡಿದವರಿಗೆ ಬಹುಮಾನ ಘೋಷಣೆ ಮಾಡಿದ NIA