Thangalaan Movie: ನಟ ಯಶ್‌ ಅವರಿಗೆ ಸ್ಪೆಷೆಲ್‌ ಶೋ ಆಯೋಜಿಸಲಿದೆ ʼತಂಗಲಾನ್‌ʼ ಚಿತ್ರತಂಡ

Team Udayavani, Aug 5, 2024, 4:38 PM IST

ಚೆನ್ನೈ: ಚಿಯಾನ್‌ ವಿಕ್ರಮ್ (Actor Vikram) ವೃತ್ತಿ ಬದುಕಿನ ಬಹು ನಿರೀಕ್ಷಿತ ಸಿನಿಮಾ ʼತಂಗಲಾನ್ʼ(Thangalaan) ಚಿತ್ರದ ಟ್ರೇಲರ್‌ ಇತ್ತೀಚೆಗೆ ರಿಲೀಸ್‌ ಆಗಿ ಸಿನಿಮಾದ ಮೇಲಿನ ನಿರೀಕ್ಷೆ ಮತ್ತಷ್ಟು ಹೆಚ್ಚಿಸಿದೆ.

ʼಕೆಜಿಎಫ್‌ʼ(KGF) ಅಖಾಡದಲ್ಲಿದ್ದ ಪೂರ್ವಜರ ಕಥೆ ಇದು ಎನ್ನಲಾಗುತ್ತಿದ್ದು, ಬಿಟ್ರಿಷ್‌ ಅಧಿಕಾರಿಯೊಬ್ಬ ಸ್ಥಳೀಯ ಬುಡಕಟ್ಟು ಜನಾಂಗದೊಂದಿಗೆ ʼಕೆಜಿಎಫ್‌ʼ ಚಿನ್ನವನ್ನು ಹುಡುಕುವ  ದೃಶ್ಯವನ್ನು ಟ್ರೇಲರ್‌ ನಲ್ಲಿ ತೋರಿಸಲಾಗಿದೆ.

ಟ್ರೇಲರ್‌ ನೋಡಿದ ಬಳಿಕ ಪ್ರೇಕ್ಷಕರಿಗೆ ಈ ಸಿನಿಮಾದ ಮೇಲಿನ ನಿರೀಕ್ಷೆ ಹೆಚ್ಚಾಗಿದೆ. ಇದೇ ಆಗಸ್ಟ್‌ 15 ರಂದು ಸಿನಿಮಾ ಪ್ಯಾನ್‌ ಇಂಡಿಯಾ ಭಾಷೆಯಲ್ಲಿ ರಿಲೀಸ್‌ ಆಗಲಿದೆ. ಸಿನಿಮಾ ಪ್ರಚಾರದಲ್ಲಿರುವ ಚಿತ್ರತಂಡ ಕೊಚ್ಚಿ, ಬೆಂಗಳೂರು ಮತ್ತು ಮುಂಬೈ ಮುಂತಾದ ಪಯಣ ಬೆಳೆಸಿ ಪ್ರಚಾರವನ್ನು ಕೈಗೊಳ್ಳಲಿದೆ.

ಸೋಮವಾರ (ಆಗಸ್ಟ್ 5 ರಂದು) ಚಿತ್ರದ ಆಡಿಯೋ ಲಾಂಚ್ ಚೆನ್ನೈನ ಟ್ರೇಡ್ ಸೆಂಟರ್‌ನಲ್ಲಿ ಅದ್ಧೂರಿಯಾಗಿ ನಡೆಯಲಿದೆ.

ಪ್ರಶಾಂತ್‌ ನೀಲ್‌ – ಯಶ್‌ ಅವರ ʼಕೆಜಿಎಫ್ʼ ಸಿನಿಮಾ ವರ್ಲ್ಡ್‌ ವೈಡ್‌ ಮೋಡಿ ಮಾಡಿದ್ದು ಗೊತ್ತೇ ಇದೆ. ʼತಂಗಲಾನ್ʼ ನಲ್ಲಿ ʼಕೆಜಿಎಫ್ʼ ಸ್ಥಳದ ಹಿನ್ನೆಲೆಯ ಕಥೆ ಇರಲಿದೆ ಎನ್ನಲಾಗಿದ್ದು, ʼತಂಗಲಾನ್ʼ ಸಿನಿಮಾವನ್ನು ನೋಡಲು ಚಿತ್ರತಂಡ ನಟ ಯಶ್‌ ಅವರಿಗೆ ವಿಶೇಷ ಶೋ ಆಯೋಜಿಸಲಿದೆ ಎಂದು ವರದಿಯಾಗಿದೆ.

‘ಕೆಜಿಎಫ್’ ನಟ ಯಶ್ ಅವರಿಗೆ ಚಿತ್ರದ ವಿಶೇಷ ಪ್ರದರ್ಶನವನ್ನು ಆಯೋಜಿಸುವ ಬಗ್ಗೆ ಚಿತ್ರತಂಡ ಮಾತುಕತೆ ನಡೆಸಿದೆ ಎಂದು ವರದಿಯಾಗಿದೆ.

ಪ್ಯಾನ್‌ ಇಂಡಿಯಾ ಸಿನಿಮಾವನ್ನು ಖ್ಯಾತ ನಿರ್ದೇಶಕ ಪಾ ರಂಜಿತ್‌ (Pa Ranjith) ನಿರ್ದೇಶನ ಮಾಡಿದ್ದು, ವಿಕ್ರಮ್ ಜೊತೆ ಪಾರ್ವತಿ ತಿರುವೋತ್ತು, ಮಾಳವಿಕಾ ಮೋಹನನ್, ಪಶುಪತಿ ಮತ್ತು ಇತರರು ನಟಿಸಿದ್ದಾರೆ.