ಕರ್ನಾಟಕದ ವಿಜ್ಞಾನಿಯಿಂದ ಮಾಸ್ಕ್ ಸ್ಯಾನಿಟೈಸ್ ತಂತ್ರಜ್ಞಾನ
Team Udayavani, May 5, 2020, 5:34 PM IST
ವಾಷಿಂಗ್ಟನ್: ಆರೋಗ್ಯ ಸಿಬ್ಬಂದಿ ಹೆಚ್ಚು ಬಳಸುವ ಎನ್- 95 ಮಾಸ್ಕ್ ಅನ್ನು ಸ್ಯಾನಿಟೈಸ್ ಮಾಡುವುದು ನಿಜಕ್ಕೂ ಸವಾಲು.
ಎನ್- 95 ಮಾಸ್ಕ್ ಗಳ ಕೊರತೆ ಇರುವ ಹಿನ್ನೆಲೆಯಲ್ಲಿ ಇದರ ಮರು ಬಳಕೆಯ ಸರಳವಿಧಾನವೊಂದನ್ನು ಬೆಂಗಳೂರು ಮೂಲದ, ಹಾರ್ವರ್ಡ್ ವಿವಿಯ ಸಂಶೋಧನಾ ವಿದ್ಯಾರ್ಥಿ ತನುಷ್ ಜಗದೀಶ್ ಕಂಡುಹಿಡಿದಿದ್ದಾರೆ.
ತನುಷ್ ನಡೆಸಿದ ಪ್ರಯೋಗದಲ್ಲಿ, ಕೋವಿಡ್ ವೈರಸ್ ನ ಸಮೀಪವರ್ತಿ ಎನಿಸಿಕೊಂಡ ‘ಎಂಎಸ್ 2’ ವೈರಸ್ ಅನ್ನು ಬಳಸಲಾಗಿತ್ತು. ಈ ವೈರಾಣುಗಳನ್ನು ಮಾಸ್ಕ್ ಮೇಲೆ ಹಬ್ಬಿಸಲಾಯಿತು. ನಂತರ ನೀರು ತುಂಬಿದ ಬೌಲ್ಗೆ, ಬಲೆಯನ್ನು ಮುಚ್ಚಿ, ಅದರ ಮೇಲ್ಭಾಗದಲ್ಲಿ ವೈರಾಣುಯುಕ್ತ ಮಾಸ್ಕ್ ಇಟ್ಟು, 3 ನಿಮಿಷ ಅದನ್ನು ಮೈಕ್ರೋವೇವ್ ಮಾಡಲಾಯಿತು.
ಬಳಿಕ ಮಾಸ್ಕ್ ನ ಮೇಲೆ ಇ- ಕೊಲಿ ಎನ್ನುವ ವಿಜ್ಞಾನಿಗಳ ಪ್ರಯೋಗ ಸ್ನೇಹಿ ಬ್ಯಾಕ್ಟೀರಿಯಾಗಳನ್ನು ಸಿಂಪಡಿಸಲಾಯಿತು. ವೈರಾಣುಗಳು ಜೀವಂತವಿದ್ದರೆ, ಇ- ಕೊಲಿ ಬ್ಯಾಕ್ಟೀರಿಯಾ ಸಂಪರ್ಕ ಬೆಸೆದಾಗ, ಅವು ಸಣ್ಣ ರಂಧ್ರ ರೂಪದ ರಚನೆಗಳನ್ನು ಸೃಷ್ಟಿಸುತ್ತವೆ.
ಅಂಥ ರಚನೆಗಳು ಕಾಣಿಸದೆ ಇದ್ದರೆ, ಮಾಸ್ಕ್ ವೈರಸ್ರಹಿತವಾಗಿದೆ ಎಂದರ್ಥ. ‘3 ನಿಮಿಷದ ಹಬೆಗೆ ಬಹುತೇಕ ವೈರಾಣುಗಳು ಸತ್ತುಹೋಗಿರುತ್ತವೆ. ಭಾರತದಂಥ ದೇಶಗಳಲ್ಲಿ ಎನ್-95 ಮಾಸ್ಕ್ ಗಳು ಕೊರತೆ ಇರುವುದರಿಂದ ಈ ವಿಧಾನ ಹೆಚ್ಚು ಪ್ರಯೋಜನ ನೀಡಲಿದೆ’ ಎನ್ನುತ್ತಾರೆ, ತನುಷ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Report; 2023ರಲ್ಲಿ 28.2 ಕೋಟಿ ಜನರಿಗೆ ತೀವ್ರ ಆಹಾರ ಬಿಕ್ಕಟ್ಟು
India VISA ನೀತಿ ಬಗ್ಗೆ ಅಲ್ಲಿನ ಸರಕಾರ ಮಾತನಾಡಲಿ: ಅಮೆರಿಕ
Anti Israel ಪ್ರತಿಭಟನೆ-ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ