ಕೊರೊನಾ ನಂತರ ಮಾನಸಿಕ ಸಮಸ್ಯೆ ಹೆಚ್ಚಳ

Team Udayavani, Oct 17, 2021, 10:20 AM IST

ಬೆಂಗಳೂರು: ಕೊರೊನಾ ನಂತರ ಜನರಲ್ಲಿ ದುಗುಡತೆ, ಭಯ, ಹತಾಶೆ ಸೇರಿದಂತೆ ಹಲವಾರು ಮಾನಸಿಕ ಸಮಸ್ಯೆಗಳು ಕಾಣಿಸಿ ಕೊಂಡಿದ್ದು ಕಳೆದ ಒಂದೂವರೆ ವರ್ಷದಲ್ಲಿ 2400ಕ್ಕೂ ಅಧಿಕ ಜನರಿಗೆ ಉಚಿತ ಕೌನ್ಸೆಲಿಂಗ್‌ ನೀಡಲಾಗಿದೆ ಎಂದು ಖ್ಯಾತ ಮನೋಶಾಸ್ತ್ರಜ್ಞೆ ಡಾ.ರೂಪ ರಾವ್‌ ಹೇಳಿದರು.

ಕೋವಿಡ್‌ ನಂತರದ ಬದುಕು ಹಲ ವಾರು ಆಯಾಮ ಪಡೆದಿದ್ದು ಮಾನಸಿಕ ಸಮಸ್ಯೆ ಕೂಡ ಇದರಲ್ಲಿ ಒಂದಾಗಿದೆ. ಜನರು ಹಲವಾರು ಒತ್ತಡಗಳ ನಡುವೆ ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಶೇ.40ರಷ್ಟು ಮಂದಿ ನಿದ್ರಾಹೀನತೆ ಹಾಗೂ ಶೇ.34 ರಷ್ಟು ಜನರು ದುಗುಡತೆ ಅನುಭವಿ ಸಿದರೆ ಶೇ.34 ರಷ್ಟು ಇತರ ಮಾನಸಿಕ ಸಮ ಸ್ಯೆಯಿಂದ ಬಳಲುತ್ತಿದ್ದಾರೆ ಎಂದು ಇಂಡಿ ಯನ್‌ ಜರ್ನಲ್‌ ಆಫ್ ಸೈಕ್ರಿಯಾಟ್ರಿ ತನ್ನ ವರದಿಯಲ್ಲಿ ತಿಳಿಸಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ;- ಪೂಂಚ್ ನಲ್ಲಿ ಕೂಂಬಿಂಗ್: ಉಗ್ರರ ಹತ್ಯೆ, 48 ಗಂಟೆಗಳ ಬಳಿಕ ಇಬ್ಬರು ಯೋಧರ ಮೃತದೇಹ ಪತ್ತೆ!

ವಿವಿಧ ವಯೋಮಾನದವರು ಒಂದೊಂದು ರೀತಿಯ ಸಮಸ್ಯೆ ಅನುಭವಿ ಸುತ್ತಿದ್ದು ಪರಿಹಾರ ಕಂಡುಕೊಳ್ಳದಿದ್ದರೆ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ ಆದ್ದರಿಂದ ಪ್ರತಿಯೊಬ್ಬರೂ ಧನಾತ್ಮಕ ಚಿಂತನೆ ನಡೆಸುವುದು ಉತ್ತಮ. ಹೀಗಾಗಿಯೇ ಜನರಲ್ಲಿ ಮಾನಸಿಕ ಸ್ವಾಸ್ಥ್ಯದ ಕುರಿತು ಅರಿವು ಮೂಡಿಸಲಾಗುತ್ತಿದೆ ಎಂದು ತಿಳಿಸಿದ್ದಾರೆ.