ವಿಜಯಪುರ ದ್ವಿಸದಸ್ಯತ್ವ ಕ್ಷೇತ್ರ: ಕಾಂಗ್ರೆಸ್‌ ನ ಸುನಿಲ ಗೌಡ ಆಯ್ಕೆ

Team Udayavani, Dec 14, 2021, 4:24 PM IST

ವಿಜಯಪುರ: ಬಾಗಲಕೋಟೆ ಜಿಲ್ಲೆಯ ವ್ಯಾಪ್ತಿಯನ್ನೂ ಹೊಂದಿರುವ ಸ್ಥಳೀಯ ಸಂಸ್ಥೆಗಳ ಮೇಲ್ಮನೆ ವಿಜಯಪುರ ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಸುನಿಲ ಗೌಡ ವಿಜಯ ಸಾಧಿಸಿದ್ದಾರೆ.

ಎರಡು ಸ್ಥಾನಗಳ ವಿಜಯಪುರ ಕ್ಷೇತ್ರದಲ್ಲಿ ರಕ್ಷಣಾತ್ಮಕ ಸ್ಪರ್ಧೆಗಾಗಿ ಕಾಂಗ್ರೆಸ್ ಪಕ್ಷ ಹಾಲಿ ಸದಸ್ಯ ಸುನಿಲಗೌಡ ಪಾಟೀಲ ಒಬ್ಬರನ್ನೇ ಕಣಕ್ಕಿಳಿಸಿದೆ. ಮತ ಎಣಿಕೆಯಲ್ಲಿ ಸುನಿಲಗೌಡ ಪಾಟೀಲ 2835 ಮತಗಳನ್ನು ಪಡೆದು, 1012 ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದಾರೆ.

ಇನ್ನು ದ್ವಿಸದಸ್ಯತ್ವದ ಈ ಕ್ಷೇತ್ರದಲ್ಲಿ ಬಿಜೆಪಿ ಕೂಡ ರಕ್ಷಣಾತ್ಮಕ ಸ್ಪರ್ಧೆಗಾಗಿ ಮಾಜಿ ಶಾಸಕ ಪಿ.ಎಚ್.ಪೂಜಾರ ಒಬ್ಬರನ್ನೇ ಕಣಕ್ಕಿಳಿಸಿದ್ದರೂ, ಪ್ರಥಮ‌ ಪ್ರಾಶಸ್ತ್ಯದಲ್ಲಿ ಗೆಲುವಿಗೆ ಬೇಕಿರುವುದಕ್ಕಿಂತ ಕಡಿಮೆ ಮತ ಬಂದಿವೆ.

ಇದನ್ನೂ ಓದಿ:ಬಹುಮತ ಬಂದಿದೆಯೆಂದು ಜೆಡಿಎಸ್ ನಿರ್ಲಕ್ಷ್ಯ ‌ಮಾಡಲ್ಲ: ಯಡಿಯೂರಪ್ಪ

ಬಿಜೆಪಿ ಅಭ್ಯರ್ಥಿ ಪೂಜಾರ ಮೊದಲ ಸುತ್ತಿನಲ್ಲಿ ಪ್ರಥಮ‌ ಪ್ರಾಶಸ್ತ್ಯದ 2219 ಮತಗಳನ್ನು ಪಡೆದಿದ್ದರೆ, ಐವರು ಪಕ್ಷೇತರರಲ್ಲಿ ಗೆಲ್ಲುವ ವಿಶ್ವಾಸದಲ್ಲಿರುವ ಮಲ್ಲಿಕಾರ್ಜುನ ಲೋಣಿ 1466 ಮತ ಪಡೆದು ಪೈಪೋಟಿ ನೀಡಿದ್ದಾರೆ. ಹೀಗಾಗಿ ಎರಡನೇ ಸ್ಥಾನಕ್ಕೆ ಅಭ್ಯರ್ಥಿ ಆಯ್ಕೆಗೆ ಮತ ಎಣಿಕೆ ಮುಂದುವರೆದಿದೆ.