ಸೋಂಕಿನಿಂದ ಗುಣಮುಖರಾದ ಕೋವಿಡ್ ವಾರಿಯರ್ಸ್ ಬಿಡುಗಡೆ

Team Udayavani, Jun 20, 2020, 4:53 PM IST

ಚಿತ್ರದುರ್ಗ: ಚಳ್ಳಕೆರೆ ಕೋವಿಡ್‌ ಹೆಲ್ತ್‌ ಕೇರ್‌ನಲ್ಲಿ ಕಾರ್ಯನಿರ್ವಹಿಸುವ ವೇಳೆ ಸೋಂಕು ತಗುಲಿದ್ದ ಆರೋಗ್ಯ ಸಹಾಯಕ ಮತ್ತು ಗ್ರೂಪ್‌ “ಡಿ’ ನೌಕರ ಕೋವಿಡ್‌ ಸೋಂಕು ಮುಕ್ತರಾಗಿ ಬಿಡುಗಡೆಯಾಗಿದ್ದಾರೆ.

ಚಳ್ಳಕೆರೆ ಬಿಸಿಎಂ ವಿದ್ಯಾರ್ಥಿ ನಿಲಯದಲ್ಲಿ ಉತ್ತರ ಪ್ರದೇಶ ಮೂಲದ ಕಾರ್ಮಿಕರಿಗೆ ಚಿಕಿತ್ಸೆ ನೀಡುವ ವೇಳೆ ಈ ಇಬ್ಬರಿಗೂ ಸೋಂಕು ತಗುಲಿತ್ತು. ಈ ಹಿನ್ನೆಲೆಯಲ್ಲಿ ಚಿತ್ರದುರ್ಗದ ಕೋವಿಡ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿದ್ದು, ಆನಂತರ ಪರೀಕ್ಷೆ ಮಾಡಿದ ವರದಿ ನೆಗೆಟಿವ್‌ ಬಂದ ಹಿನ್ನೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ಇಬ್ಬರಿಗೂ 7 ದಿನಗಳ ಹೋಂ ಕ್ವಾರಂಟೈನ್‌ ಹಾಗೂ ಮನೆಯಲ್ಲಿ ಇರುವಾಗ ಅನುಸರಿಸಬೇಕಾದ ನಿಯಮಗಳನ್ನು ತಿಳಿಸಿ ಬಿಡುಗಡೆ ಮಾಡಲಾಗಿದೆ ಎಂದು ಡಿಎಚ್‌ಒ ಡಾ| ಸಿ.ಎಲ್‌. ಪಾಲಾಕ್ಷ ತಿಳಿಸಿದ್ದಾರೆ.

ಈ ವೇಳೆ ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ| ಬಸವರಾಜ್‌, ಡಾ| ಬಿ. ಜಯಮ್ಮ, ಡಾ| ಬಿ.ವಿ. ಗಿರೀಶ್‌, ಸಹಾಯಕ ಆಡಳಿತಾಧಿಕಾರಿ ಅಸ್ಲಾಂ, ಆರೋಗ್ಯ ಶಿಕ್ಷಣಾಧಿಕಾರಿ ಮಂಜುನಾಥ್‌, ಮೂಗಪ್ಪ, ಎಚ್‌.ಬಿ. ಪೂಜಾರ್‌, ಆರೋಗ್ಯ ಸಹಾಯಕರಾದ ರಂಗಾರೆಡ್ಡಿ, ಹನುಮಂತಪ್ಪ, ಪ್ರಸನ್ನ ಇದ್ದರು.