ಗಣನೀಯ ಮಳೆ; ಪುಟಿದೆದ್ದ ಅಂತರ್ಜಲ


Team Udayavani, Nov 7, 2020, 7:23 PM IST

ಗಣನೀಯ ಮಳೆ; ಪುಟಿದೆದ್ದ  ಅಂತರ್ಜಲ

ದಾವಣಗೆರೆ: ಸಮರ್ಪಕ ಮಳೆ ಬೀಳದೆ ಕೆಲವು ವರ್ಷ ಪಾತಾಳ ಕಂಡಿದ್ದ ಜಿಲ್ಲೆಯ ಅಂತರ್ಜಲ ಮಟ್ಟ, ಈ ವರ್ಷ ಉತ್ತಮ ಮಳೆಯಿಂದಾಗಿ ಗಣನೀಯ ಪ್ರಮಾಣದಲ್ಲಿ ಏರಿಕೆಯಾಗಿದೆ.ಹಾಗಾಗಿ ಜಿಲ್ಲೆಯಲ್ಲೀಗ ಜಲ ಸಮೃದ್ಧಿಯಾಗಿದೆ.

ಅಸಮರ್ಪಕ ಮಳೆ ಕಾರಣದಿಂದಾಗಿ ಮೂರು ವರ್ಷಗಳ ಹಿಂದೆ ಅಂದರೆ 2017ರಲ್ಲಿ ಭೂಮಿಯ ಮೇಲಿನ ಬಹುತೇಕ ಜಲಮೂಲಗಳೆಲ್ಲ ಬತ್ತಿ ಜನ-ಜಾನುವಾರುಗಳ ಕುಡಿಯುವ ನೀರಿಗಾಗಿ ಹಾಹಾಕಾರ ಏಳುವಂತಾಗಿತ್ತು. ಕುಡಿಯುವ ನೀರು, ಕೃಷಿಗಾಗಿ ಕೆಲವು ಕಡೆಗಳಲ್ಲಿ ಕೊಳವೆಬಾವಿಗಳನ್ನು ಸಾವಿರ ಅಡಿವರೆಗೂ ಕೊರೆಯುವ ಸ್ಥಿತಿ ನಿರ್ಮಾಣವಾಗಿತ್ತು. ಕಳೆದ ಎರಡು ವರ್ಷ ಉತ್ತಮ ಮಳೆಯಾಗುವ ಜತೆಗೆ ಪ್ರಸಕ್ತ ವರ್ಷ ಸಮೃದ್ಧ ಮಳೆಯಾಗಿದ್ದರಿಂದ ಜಲಮೂಲಗಳೆಲ್ಲ ಭರ್ತಿಯಾಗಿ ಅಂತರ್ಜಲ ಮಟ್ಟವೂ ಏರಿಕೆಯಾಗಿದೆ. ಸಂಪೂರ್ಣ ಬತ್ತಿ ಬೆಂಕಿಯಾಗಿದ್ದ ಭೂಮಿ ತಾಯಿಯ ಒಡಲು ತಂಪಾಗಿದ್ದು, ಭೂಮಿತಾಯಿ ಮಕ್ಕಳಾದ ಅನ್ನದಾತರ ಮುಖದಲ್ಲೂ ಮಂದಹಾಸ ಮೂಡಿಸಿದೆ.

ಜಗಳೂರು ತಾಲೂಕಿನಲ್ಲಿ ಈ ಬಾರಿ ಸ್ಥಿರ ಅಂತರ್ಜಲ ಮಟ್ಟ ದೊಡ್ಡ ಪ್ರಮಾಣದಲ್ಲಿ ಏರಿಕೆಯಾಗಿದೆ.2017ರಲ್ಲಿ ಜಗಳೂರು ತಾಲೂಕಿನಲ್ಲಿಸ್ಥಿರ ಅಂತರ್ಜಲ ಮಟ್ಟ 27.44 ಮೀ ಇತ್ತು. ಪ್ರಸಕ್ತ ವರ್ಷ ಸ್ಥಿರ ಅಂತರ್ಜಲ ಮಟ್ಟ 20.5 ಮೀಗೆ ಏರಿದ್ದು ಅಂತರ್ಜಲ ಮಟ್ಟ ಸರಾಸರಿ ಏಳು ಮೀನಷ್ಟು ಮೇಲಕ್ಕೆ ಬಂದಿದೆ. ದಾವಣಗೆರೆ ತಾಲೂಕಿನಲ್ಲಿ 2017ರಲ್ಲಿ ಸ್ಥಿರ ಅಂತರ್ಜಲ ಮಟ್ಟ 16.59ಇತ್ತು. ಈ ವರ್ಷ ಅದು 13.59 ಮೀ ಗೆ ಏರಿಕೆಯಾಗಿದ್ದು, ಅಂತರ್ಜಲಮಟ್ಟ ಸರಾಸರಿ ಮೂರು ಮೀನಷ್ಟು ಏರಿಕೆಯಾಗಿದೆ.

ಅದೇ ರೀತಿ ಹರಿಹರ ತಾಲೂಕಿನಲ್ಲಿ 2017ರಲ್ಲಿ ಸ್ಥಿರ ಅಂತರ್ಜಲ ಮಟ್ಟ 7.02 ಮೀ ಇತ್ತು. ಪ್ರಸಕ್ತ ವರ್ಷ 2020ರಲ್ಲಿ ಇದು 5.84 ಮೀಗೆ ಏರಿಕೆಯಾಗಿದ್ದು ಅಂತರ್ಜಲ ಮಟ್ಟ ಸರಾಸರಿ 2.5 ಮೀನಷ್ಟು ಮೇಲಕ್ಕೇರಿದೆ. ಚನ್ನಗಿರಿ ತಾಲೂಕಿನಲ್ಲಿ 2017ರಲ್ಲಿ ಸ್ಥಿರ ಅಂತರ್ಜಲ ಮಟ್ಟ 9.70 ಮೀ ಇತ್ತು. ಪ್ರಸಕ್ತ ವರ್ಷ 7.15 ಮೀನಷ್ಟು ಅಂತರ್ಜಲ ಮಟ್ಟ ತಲುಪಿದ್ದು, ಅಂತರ್ಜಲ ಮಟ್ಟ ಸರಾಸರಿ 2.5 ಮೀ ಹೆಚ್ಚಾಗಿದೆ. ಹೊನ್ನಾಳಿ ತಾಲೂಕಿನಲ್ಲಿ 2017ರಲ್ಲಿ ಸ್ಥಿರ ಅಂತರ್ಜಲ ಮಟ್ಟ 8.47 ಮೀ ಇತ್ತು. ಈ ವರ್ಷ 4.33 ಮೀ ತಲುಪಿದ್ದು ಅಂತರ್ಜಲ ಮಟ್ಟ ಸರಾಸರಿ 4.50 ಏರಿಕೆಯಾಗಿದೆ.

ಕಳೆದ ಏಳು ವರ್ಷಗಳಲ್ಲಿ ಜಿಲ್ಲೆಯಲ್ಲಿದ್ದ ಸ್ಥಿರ ಅಂತರ್ಜಲ ಮಟ್ಟವನ್ನು ಗಮನಿಸಿದರೆ 2013ರಲ್ಲಿ ಅಂತರ್ಜಲ ಮಟ್ಟ ಸಾಕಷ್ಟುಮೇಲೆಯೇ ಇತ್ತು. ನಂತರದ ವರ್ಷಗಳಲ್ಲಿ ಮಳೆ ಸರಿಯಾಗಿ ಬೀಳದೆ ಕಡಿಮೆಯಾಗುತ್ತ ಬಂದಿತ್ತು. 2017ರಲ್ಲಂತೂ ತೀರಾ ಕೆಳಗೆ ಇಳಿದಿತ್ತು. ಆಗ ಇಳಿದಿದ್ದ ಅಂತರ್ಜಲ ಮಟ್ಟ ಈ ವರ್ಷ ಏರಿಕೆ ಕಂಡಿದೆ.

ವರ್ಷವಾರು ಸ್ಥಿರ ಅಂತರ್ಜಲ ಮಟ್ಟ: ದಾವಣಗೆರೆ ತಾಲೂಕಿನಲ್ಲಿ ಸ್ಥಿರ ಅಂತರ್ಜಲ ಮಟ್ಟ 2013ರಲ್ಲಿ 11.99 ಮೀ, 2014ರಲ್ಲಿ 11.53 ಮೀ,2015ರಲ್ಲಿ 11.32 ಮೀ, 2016 ರಲ್ಲಿ 13.02 ಮೀ, 2017ರಲ್ಲಿ 16.59 ಮೀ, 2018ರಲ್ಲಿ 15.60 ಮೀ, 2019ರಲ್ಲಿ 17.13 ಮೀ ಇತ್ತು. 2020ರಲ್ಲಿ 13.59 ಮೀ ಆಗಿದೆ. ಹರಿಹರ ತಾಲೂಕಿನಲ್ಲಿ ಸ್ಥಿರ ಅಂತರ್ಜಲ ಮಟ್ಟ 2013 ರಲ್ಲಿ6.59 ಮೀ, 2014 ರಲ್ಲಿ 4.15 ಮೀ, 2015 ರಲ್ಲಿ 3.11 ಮೀ, 2016ರಲ್ಲಿ 4.59 ಮೀ, 2017ರಲ್ಲಿ 7.02 ಮೀ, 2018ರಲ್ಲಿ 5.17 ಮೀ, 2019ರಲ್ಲಿ

5.60 ಮೀ ಇತ್ತು. ಈ ಬಾರಿ 5.84

ಮೀಗೆ ಅಂತರ್ಜಲ ಮಟ್ಟ ಏರಿದೆ. ಚನ್ನಗಿರಿ ತಾಲೂಕಿನಲ್ಲಿ ಸ್ಥಿರ ಅಂತರ್ಜಲ ಮಟ್ಟ 2013ರಲ್ಲಿ 9.23 ಮೀ, 2014ರಲ್ಲಿ 7.56 ಮೀ, 2015ರಲ್ಲಿ 6.65 ಮೀ, 2016ರಲ್ಲಿ 7.74 ಮೀ, 2018ರಲ್ಲಿ 8.87 ಮೀ, 2019ರಲ್ಲಿ 8.87ಮೀ ಇತ್ತು. ಪ್ರಸಕ್ತ ವರ್ಷ ಅಂತರ್ಜಲ ಮಟ್ಟ 7.15 ಮೀ ಆಗಿದೆ. ಹೊನ್ನಾಳಿ ತಾಲೂಕಿನಲ್ಲಿ ಸ್ಥಿರ ಅಂತರ್ಜಲ ಮಟ್ಟ 2013ರಲ್ಲಿ9.46 ಮೀ, 2014ರಲ್ಲಿ 8.70 ಮೀ, 2015 ರಲ್ಲಿ 6.56 ಮೀ, 2016 ರಲ್ಲಿ 8.37 ಮೀ, 2017ರಲ್ಲಿ 8.47 ಮೀ, 2018ರಲ್ಲಿ 4.91 ಮೀ, 2019 ರಲ್ಲಿ 5.02 ಮೀ ಆಗಿತ್ತು. ಈ ಸಲಅಂತರ್ಜಲ ಮಟ್ಟ 4.33 ಮೀಮೇಲೇರಿದೆ. ಜಗಳೂರು ತಾಲೂಕಿನಲ್ಲಿ ಸ್ಥಿರ ಅಂತರ್ಜಲ ಮಟ್ಟ 2013ರಲ್ಲಿ 21.89 ಮೀ, 2014 ರಲ್ಲಿ 21.65 ಮೀ, 2015ರಲ್ಲಿ 22.44 ಮೀ, 2016 ರಲ್ಲಿ 25.09 ಮೀ, 2017ರಲ್ಲಿ 27.44 ಮೀ, 2018 ರಲ್ಲಿ 21.99ಮೀ, 2019ರಲ್ಲಿ 25.23 ಮೀ ಇತ್ತು. ಈ ವರ್ಷ 20.05 ಮೀ ಬಂದಿದ್ದು ಅಪಾರ ಏರಿಕೆ ಕಂಡಿದೆ. ಒಟ್ಟಾರೆ ಈ ಬಾರಿಯ ಉತ್ತಮ ಮಳೆಯಿಂದಾಗಿ ಜಿಲ್ಲೆಯ ಸ್ಥಿರ ಅಂತರ್ಜಲಮಟ್ಟ ಹೆಚ್ಚಾಗಿದೆ. ಹಾಗಾಗಿ ಜಲ ಸಂಚಕಾರದಿಂದ ಮುಕ್ತಿ ಸಿಕ್ಕಂತಾಗಿದೆ.

‌ಸರಾಸರಿ 211ಮಿಮೀ ಅಧಿಕ ಮಳೆ :  ಜಿಲ್ಲೆಯಲ್ಲಿ 2013ರಲ್ಲಿ ಸರಾಸರಿ  651ಮಿಮೀ, 2014 ರಲ್ಲಿ 921 ಮಿಮೀ, 2015ರಲ್ಲಿ 688 ಮಿಮೀ, 2016ರಲ್ಲಿ 466 ಮಿಮೀ, 2017ರಲ್ಲಿ 746 ಮಿಮೀ, 2018ರಲ್ಲಿ 633 ಮಿಮೀ, 2019ರಲ್ಲಿ 681ಮಿಮೀ ಮಳೆಯಾಗಿತ್ತು. ಪ್ರಸಕ್ತ ವರ್ಷ ಜನವರಿಯಿಂದ ಇಲ್ಲಿಯವರೆಗೆ 813 ಮಿಮೀ ಮಳೆಯಾಗಿದೆ. ಈವರೆಗಿನ ವಾಡಿಕೆ ಮಳೆ ಪ್ರಮಾಣ 602 ಮಿಮೀ ಆಗಿದ್ದು, ಸರಾಸರಿ 211ಮಿಮೀ ಹೆಚ್ಚಿನ ಮಳೆಯಾಗಿದೆ.

ಪ್ರಸಕ್ತ ವರ್ಷ ಹೆಚ್ಚುಮಳೆಯಾಗಿದ್ದರಿಂದಜಿಲ್ಲೆಯ ಸ್ಥಿರ ಅಂತರ್ಜಲ ಮಟ್ಟದಲ್ಲಿ ಗಣನೀಯ ಪ್ರಮಾಣದಲ್ಲಿ ಏರಿಕೆ ಕಂಡಿದೆ. 2017ರಲ್ಲಿ ಜಲಮೂಲಗಳೆಲ್ಲ ಬತ್ತಿ ಅಂತರ್ಜಲ ಮಟ್ಟ ಹೆಚ್ಚು ಕೆಳಗೆ ಹೋಗಿತ್ತು. ಜಿಲ್ಲೆಯಲ್ಲಿ 46ಅಧ್ಯಯನ ಬಾವಿಗಳಿದ್ದು ಪ್ರತಿ ತಿಂಗಳು ಸ್ಥಿರ ಅಂತರ್ಜಲಮಟ್ಟವನ್ನು ಪರೀಕ್ಷಿಸಲಾಗುತ್ತದೆ. ಈ ಅಧ್ಯಯನದ ಆಧಾರದಲ್ಲಿ ಜಿಲ್ಲೆಯ ಸ್ಥಿರ ಅಂತರ್ಜಲ ಮಟ್ಟ ಈ ವರ್ಷ ಸುಧಾರಿಸಿದೆ.-ಬಸವರಾಜ್‌ ಆರ್‌., ಹಿರಿಯ ಭೂ ವಿಜ್ಞಾನಿ.

 

-ಎಚ್‌.ಕೆ. ನಟರಾಜ

ಟಾಪ್ ನ್ಯೂಸ್

1death

7 ವರ್ಷ ಆಸ್ಪತ್ರೆಯಲ್ಲಿದ್ದು, ಚಿಕಿತ್ಸೆ ಪಡೆದಿದ್ದ ಮಹಿಳೆ ಸಾವು

ದಾವೋಸ್ ಪ್ರವಾಸದಿಂದ ಹಿಂತಿರುಗಿದ ಸಿಎಂ ಬಸವರಾಜ ಬೊಮ್ಮಾಯಿ

ದಾವೋಸ್ ಪ್ರವಾಸದಿಂದ ಹಿಂತಿರುಗಿದ ಸಿಎಂ ಬಸವರಾಜ ಬೊಮ್ಮಾಯಿ

ಮಹಿಳಾ ಟಿ20 ಚಾಲೆಂಜ್: ಪಂದ್ಯ ಗೆದ್ದರೂ ಕೂಟದಿಂದ ಹೊರಬಿದ್ದ ಮಂಧನಾ ಪಡೆ; ವೆಲಾಸಿಟಿ ಫೈನಲ್ ಗೆ

ಮಹಿಳಾ ಟಿ20 ಚಾಲೆಂಜ್: ಪಂದ್ಯ ಗೆದ್ದರೂ ಕೂಟದಿಂದ ಹೊರಬಿದ್ದ ಮಂಧನಾ ಪಡೆ; ವೆಲಾಸಿಟಿ ಫೈನಲ್ ಗೆ

ಜೂನ್‌ 1ರಿಂದ ಕಾರು, ಬೈಕ್‌ ದುಬಾರಿ

ಜೂನ್‌ 1ರಿಂದ ಕಾರು, ಬೈಕ್‌ ದುಬಾರಿ

ಶಿಕ್ಷಕರು, ಪದವೀಧರ ಕ್ಷೇತ್ರ: ಕೋಟ್ಯಧಿಪತಿ ಅಭ್ಯರ್ಥಿಗಳು

ಶಿಕ್ಷಕರು, ಪದವೀಧರ ಕ್ಷೇತ್ರ: ಕೋಟ್ಯಧಿಪತಿ ಅಭ್ಯರ್ಥಿಗಳು

sandalwood

ಸಿನಿ ಟ್ರಾಫಿಕ್‌ ಜೋರು; ಈ ವಾರ ತೆರೆಗೆ 9 ಚಿತ್ರಗಳು

thumb 3

ವೇಶ್ಯಾವಾಟಿಕೆಯೂ ಒಂದು ಕಾನೂನು ಬದ್ಧ ವೃತ್ತಿ  



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

child-rights

ಮಕ್ಕಳ ಸುರಕ್ಷತೆ ಎಲ್ಲರ ಜವಾಬ್ದಾರಿ

building

ಸಕಾಲಕ್ಕೆ ನಿರ್ಮಿಸದ ಸಾವಿರಾರು ಮನೆಗಳು ಬ್ಲಾಕ್‌!

ಕಳ್ಳತನದ ವೇಳೆ ಎಚ್ಚರಗೊಂಡ ಮಾಲೀಕ : ಓಡುವ ಭರದಲ್ಲಿ ಮನೆಯ ಮೇಲಿಂದ ಬಿದ್ದು ಸಾವನ್ನಪ್ಪಿದ ಕಳ್ಳ

ಕಳ್ಳತನದ ವೇಳೆ ಎಚ್ಚರಗೊಂಡ ಮಾಲೀಕ : ಓಡುವ ಭರದಲ್ಲಿ ಮನೆಯ ಮೇಲಿಂದ ಬಿದ್ದು ಸಾವನ್ನಪ್ಪಿದ ಕಳ್ಳ

jagaluru

ಪಠ್ಯದಿಂದ ಭಗತ್‌ ಸಿಂಗ್‌ ಪಾಠ ಕೈಬಿಟ್ಟಿದಕ್ಕೆ ಆಕ್ರೋಶ

drown

ಶಾಶ್ವತ ಸ್ಥಳಾಂತರವೆಂಬ ಕನ್ನಡಿಯೊಳಗಿನ ಗಂಟು!

MUST WATCH

udayavani youtube

ಉಸಿರಾಟದ ಸಮಸ್ಯೆ: ಕೇದಾರನಾಥದಲ್ಲಿ ಮತ್ತೆ ನಾಲ್ವರು ಯಾತ್ರಾರ್ಥಿಗಳ ಸಾವು

udayavani youtube

ಮಳಲಿ ಮಸೀದಿಯ ಸರ್ವೇ ನಡೆಯಲಿ ಜನರು ಸತ್ಯ ತಿಳಿಯಲಿ : ಡಾ ಸುರೇಂದ್ರ ಕುಮಾರ್ ಜೈನ್

udayavani youtube

ಒಂದು ಲಕ್ಷದ ಎಂಟು ವಡೆಗಳಿಂದ ಅಲಂಕೃತಗೊಂಡ ಮೈಸೂರಿನ ಶ್ರೀ ಅಂಜನೇಯ ಸ್ವಾಮಿ

udayavani youtube

ಮಣಿಪಾಲ : ಡಿವೈಡರ್ ಗೆ ಬೈಕ್ ಢಿಕ್ಕಿ, ವಿದ್ಯಾರ್ಥಿ ಸಾವು… ಇನ್ನೋರ್ವ ಗಂಭೀರ

udayavani youtube

IPL ಬೆಟ್ಟಿಂಗ್ ಗಾಗಿ ಠೇವಣಿದಾರರ ಹಣವನ್ನೇ ಬಳಸಿಕೊಂಡ ಪೋಸ್ಟ್ ಮಾಸ್ಟರ್

ಹೊಸ ಸೇರ್ಪಡೆ

cashew-nut

ಗೇರು ಪ್ರಪಂಚದ ಸಮಗ್ರತೆ ತೆರೆದಿಡುವ ಮ್ಯೂಸಿಯಂ

1death

7 ವರ್ಷ ಆಸ್ಪತ್ರೆಯಲ್ಲಿದ್ದು, ಚಿಕಿತ್ಸೆ ಪಡೆದಿದ್ದ ಮಹಿಳೆ ಸಾವು

ದಾವೋಸ್ ಪ್ರವಾಸದಿಂದ ಹಿಂತಿರುಗಿದ ಸಿಎಂ ಬಸವರಾಜ ಬೊಮ್ಮಾಯಿ

ದಾವೋಸ್ ಪ್ರವಾಸದಿಂದ ಹಿಂತಿರುಗಿದ ಸಿಎಂ ಬಸವರಾಜ ಬೊಮ್ಮಾಯಿ

1

ಚಿಕನ್‌ ಅಂಗಡಿ ತ್ಯಾಜ್ಯಕ್ಕೆ ಸಾಕುಪ್ರಾಣಿ ಆಹಾರ ರೂಪ

asadde

ಸರಕಾರಿ ಆಸ್ಪತ್ರೆ ಸಿಬಂದಿ ಅಸಡ್ಡೆ ವರ್ತನೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.