ರಕ್ತದಾನ ಮಾಡಿ ಮತ್ತೊಂದು ನಾಯಿಯ ಜೀವ ಉಳಿಸಿದ ಜರ್ಮನ್ ಶಫರ್ಡ್
Team Udayavani, Oct 7, 2021, 9:39 PM IST
ಧಾರವಾಡ: ರಕ್ತದಾನ ಮಹಾದಾನ ಎಂಬ ಘೋಷ ವಾಕ್ಯ ಎಲ್ಲರಿಗೂ ಗೊತ್ತು. ಮನುಷ್ಯ ಮನುಷ್ಯರ ಜೀವ ಉಳಿಸಲು ರಕ್ತ ದಾನ ಮಾಡುವುದು ಸಾಮಾನ್ಯ. ಆದರೆ, ನಾಯಿಯೊಂದರ ಜೀವ ಉಳಿಸಲು ಇನ್ನೊಂದು ನಾಯಿ ರಕ್ತ ದಾನ ಮಾಡಿ ಗಮನ ಸೆಳೆದಿದೆ.
ಈ ಅಪರೂಪದ ಘಟನೆಗೆ ಸಾಕ್ಷಿಯಾಗಿದ್ದು ಧಾರವಾಡ. ಧಾರವಾಡದ ಜರ್ಮನ್ ಶಫರ್ಡ್ ನಾಯಿಯೊಂದು ರಕ್ತದಾನ ಮಾಡಿ ವಿಜಯಪುರದ ನಾಯಿಯ ಜೀವ ಉಳಿಸಿದೆ.
ವಿಜಯಪುರದ RAT ವಿಲ್ಲರ್ ನಾಯಿ ಅನಾರೋಗ್ಯದಿಂದ ಬಳಲುತ್ತಿತ್ತು. ಅದರ ಜೀವ ಉಳಿಸುವ ಉದ್ದೇಶದಿಂದ ಧಾರವಾಡದ ಕೃಷಿ ವಿಶ್ವವಿದ್ಯಾಲಯದ ಡಾ.ಅನಿಲ ಪಾಟೀಲ ಅವರನ್ನು ನಾಯಿಯ ಮಾಲೀಕರು ಸಂಪರ್ಕ ಮಾಡಿದ್ದರು. ಅದರಂತೆ ಡಾ.ಅನಿಲ ಅವರು, ಶ್ವಾನ ಪ್ರಿಯ ಸೋಮಶೇಖರ ಅವರನ್ನು ಸಂಪರ್ಕಿಸಿ ಒಂದು ನಾಯಿಯಿಂದ ರಕ್ತದಾನ ಮಾಡಿಸುವಂತೆ ವಿನಂತಿಸಿದ್ದರು. ವೈದ್ಯರ ಕೋರಿಕೆ ಮೇರೆಗೆ ಸೋಮಶೇಖರ ಅವರು ತಮ್ಮ ಜರ್ಮನ್ ಶಫರ್ಡ್ ನಾಯಿ ಮೂಲಕ RAT ವಿಲ್ಲರ್ ಶ್ವಾನಕ್ಕೆ ರಕ್ತದಾನ ಮಾಡಿಸಿದ್ದಾರೆ. ಇದರಿಂದ ಆತಂಕದಲ್ಲಿದ್ದ ವಿಜಯಪುರದ ಶ್ವಾನದ ಮಾಲೀಕರು ನಿರಾಳಾಗಿದ್ದು, ನಾಯಿ ಚೇತರಿಕೆ ಕಂಡಿದೆ.