ರಾಯರ ಮಠದ ಮುಖ್ಯದ್ವಾರಕ್ಕೆ200 ಕೆಜಿ ರಜತ ಹೊದಿಕ

Team Udayavani, Aug 17, 2018, 10:59 AM IST

ರಾಯಚೂರು: ಮಂತ್ರಾಲಯದ ಶ್ರೀ ರಾಘವೇಂದ್ರ ಸ್ವಾಮಿಗಳ ಆರಾಧನೆಗೆ ಪ್ರತಿ ವರ್ಷ ಒಂದಲ್ಲ ಒಂದು ವಿಶೇಷತೆ ಇದ್ದೇ ಇರುತ್ತದೆ. ಈ ಬಾರಿಯೂ ರಾಯರ ಮಠದ ಮುಖ್ಯದ್ವಾರಕ್ಕೆ ಅಂದಾಜು ಒಂದು ಕೋಟಿ ರೂ. ವೆಚ್ಚದಲ್ಲಿ ರಜತದ ಹೊದಿಕೆ ನಿರ್ಮಿಸಲಾಗುತ್ತಿದೆ.

ರಾಜ್ಯದ ಉದ್ಯಮಿಯೊಬ್ಬರು ದೇಣಿಗೆ ನೀಡಿದ್ದು, ಸುಮಾರು 200 ಕೆಜಿ ತೂಕದ ಬೆಳ್ಳಿಯ ಹೊದಿಕೆ ಇದಾಗಿದೆ. ಕಲ್ಲಿನ ಚೌಕಟ್ಟು ಹಾಗೂ ಎರಡು ದ್ವಾರ ಬಾಗಿಲುಗಳಿಗೆ ಸಂಪೂರ್ಣ ಬೆಳ್ಳಿ ಹೊದಿಕೆ ಮಾಡಲಾಗುತ್ತಿದೆ. ಕಳೆದ ಎರಡು ತಿಂಗಳಿನಿಂದಲೇ ಈ ಕಾರ್ಯ ಆರಂಭಗೊಂಡಿದ್ದು, ಬಾಗಿಲುಗಳಿಗೆ ಬೆಳ್ಳಿ ಲೇಪನ ಕಾರ್ಯ ನಡೆದಿದೆ.

ಹಿಂದಿನ ಎರಡೂಮೂರು ವರ್ಷಗಳಲ್ಲಿ ದೊಡ್ಡಮಟ್ಟದ ಕಾರ್ಯಕ್ರಮಗಳು ಹೆಚ್ಚಾಗುತ್ತಿವೆ. ಹಿಂದೆ ರಾಯರಿಗೆ ಚಿನ್ನದ
ಹರಿಯಾಣ, ಚಿನ್ನದ ಗೋಪುರ, ಬೃಂದಾವನ ಸುತ್ತಲೂ ಶಿಲಾಮಂಟಪ, ರತ್ನಖಚಿತ ಹಾರ ಸೇರಿ ವಿವಿಧ ರೀತಿಯ ಸೇವೆಗಳನ್ನು ಭಕ್ತರು ಸಲ್ಲಿಸುತ್ತಿದ್ದಾರೆ. ಈ ಬಾರಿಯೂ ಭಕ್ತರೊಬ್ಬರು ಇಂಥ ಕಾರ್ಯಕ್ಕೆ ಮುಂದಾಗಿದ್ದಾರೆ.

ಹೀಗಿರಲಿದೆ ಹೊದಿಕೆ: ರಾಯರ ಮಠ ಪ್ರವೇಶಿಸುತ್ತಿದ್ದಂತೆ ದೊಡ್ಡ ದ್ವಾರ ಬಾಗಿಲಿದೆ. ಎರಡು ಕಲ್ಲಿನ ಬೃಹತ್‌ ಚೌಕಟ್ಟು, ಅದಕ್ಕೆ ಎರಡು ಬೃಹದಾಕಾರದ ಬಾಗಿಲುಗಳಿವೆ. ಅವುಗಳಿಗೆ ಸಂಪೂರ್ಣ ಬೆಳ್ಳಿ ಹೊದಿಕೆ ಮಾಡಲಾಗುತ್ತಿದೆ. ಎರಡು ಬಾಗಿಲುಗಳಿಗೆ ವಿಷ್ಣುವಿನ ದಶಾವತಾರದ ಚಿತ್ರಗಳನ್ನು ಕೆತ್ತಲಾಗುತ್ತಿದೆ. ಉಳಿದಂತೆ ಹೂ, ಬಳ್ಳಿ, ಸುಂದರ ಕಲಾಕೃತಿಗಳನ್ನು ಕೆತ್ತಲಾಗುತ್ತಿದೆ.

ಹಗಲಿರುಳು ಕೆಲಸ: ಈ ಕಾರ್ಯವನ್ನು ಬೆಂಗಳೂರು ಮೂಲದ ಗುರುದತ್‌ ಹ್ಯಾಂಡ್‌ಕ್ರಾಫ್ಟ್‌ ಸಂಸ್ಥೆಗೆ ವಹಿಸಲಾಗಿದೆ. ಒಂಭತ್ತು ಜನ ಕಲಾವಿದರು ಸತತ ಎರಡು ತಿಂಗಳಿನಿಂದ ಈ ಕಾರ್ಯ ಮಾಡುತ್ತಿದ್ದಾರೆ. ಶ್ರೀಮಠದಲ್ಲೇ ಬೀಡು ಬಿಟ್ಟಿರುವ ಅವರು, ಹಗಲಿರುಳು ಶ್ರಮಿಸುತ್ತಿದ್ದಾರೆ. ಬಹುತೇಕ ಅಂತಿಮ ಸ್ಪರ್ಶ ನೀಡುತ್ತಿದ್ದು, ಈ ಆರಾಧನೆಗೆ ಮುಕ್ತಗೊಳಿಸುವ ಸಾಧ್ಯತೆಗಳಿವೆ.

ರಾಯರ ಮಠದ ಮುಖ್ಯದ್ವಾರಕ್ಕೆ ಬೆಳ್ಳಿಯ ಸುಂದರ ಹೊದಿಕೆ ನಿರ್ಮಿಸಲಾಗುತ್ತಿದೆ. ಭಕ್ತರೊಬ್ಬರು ಸಂಪೂರ್ಣ ಖರ್ಚು ನೀಡಿದ್ದು, ಆರಾಧನೆ ವೇಳೆಗೆ ಲೋಕಾರ್ಪಣೆ ಮಾಡುವ ಉದ್ದೇಶವಿದೆ. ಅಂದಾಜು 200 ಕೆಜಿ ಬೆಳ್ಳಿಯಿಂದ ತಯಾರಾಗುತ್ತಿದೆ. 
 ಎಸ್‌.ಕೆ. ಶ್ರೀನಿವಾಸ, ವ್ಯವಸ್ಥಾಪಕ, ಮಂತ್ರಾಲಯ ಮಠ

„ಸಿದ್ಧಯ್ಯಸ್ವಾಮಿ ಕುಕನೂರು


ಈ ವಿಭಾಗದಿಂದ ಇನ್ನಷ್ಟು

  • ದೇವದುರ್ಗ: ದೇವದುರ್ಗ ಪಟ್ಟಣ ಸೇರಿ ತಾಲೂಕಿನಾದ್ಯಂತ ಕಾನೂನು ಬಾಹಿರ ಚಟುವಟಿಕೆಗಳು ಹೆಚ್ಚುತ್ತಿವೆ. ಅಕ್ರಮ ಮರಳು ಸಾಗಾಟ, ಜೂಜಾಟ, ಮಟ್ಕಾ, ಅಕ್ರಮ ಮದ್ಯ ಮಾರಾಟ,...

  • ದೇವದುರ್ಗ: ತಾಲೂಕಿನ ಬಾಗೂರು, ನಿಲವಂಜಿ, ಕರಿಗುಡ್ಡ, ಅಂಜಳ ಗ್ರಾಮದಲ್ಲಿ ಕುಡಿಯುವ ನೀರಿನ ಸಮಸ್ಯೆ ಉಂಟಾಗಿದೆ. ಹಲವು ಬಾರಿ ಅಧಿಕಾರಿಗಳ ಗಮನಕ್ಕೆ ತಂದರು ಇಲ್ಲಿವರೆಗೆ...

  • ರಾಯಚೂರು: ದೇಶದಲ್ಲಿ ಎದ್ದ ಮೋದಿ ಅಲೆಯಲ್ಲಿ ಗೆದ್ದ ಸ್ಥಾನಗಳಲ್ಲಿ ರಾಯಚೂರು ಕೂಡ ಒಂದು. ಹಾಲಿ ಸಂಸದ ಬಿ.ವಿ. ನಾಯಕ ಅವರನ್ನು 1,17,716 ಮತಗಳ ಅಂತರದಿಂದ ಹೀನಾಯವಾಗಿ ಸೋಲಿಸುವ...

  • ದೇವದುರ್ಗ: ಹೈದರಾಬಾದ್‌ ಕರ್ನಾಟಕ ಪ್ರದೇಶದಲ್ಲಿ ಬೇಸಿಗೆ ಬಿಸಿಲು ಹೆಚ್ಚಾಗುವುದರಿಂದ ರಾಜ್ಯ ಸರಕಾರ ಸರ್ಕಾರಿ ಕಚೇರಿ ಸಮಯ ಬದಲಾವಣೆ ಮಾಡಿದೆ. ಬೆಳಗ್ಗೆ 8:30ರಿಂದ...

  • ರಾಯಚೂರು: ಲೋಕಸಭೆ ಚುನಾವಣೆ ದೇಶದ ವಿಚಾರಗಳ ಮೇಲೆ ನಡೆಯುವುದು ಸಾಮಾನ್ಯ. ಅದರ ಜತೆಗೆ ಆಯಾ ಕ್ಷೇತ್ರಗಳ ಶಾಸಕರ ಪ್ರಾಬಲ್ಯ ಪ್ರದರ್ಶನಕ್ಕೂ ಇದು ವೇದಿಕೆಯಾಗಿರುತ್ತದೆ....

ಹೊಸ ಸೇರ್ಪಡೆ