165 ಬಾಲ್ ಗಳಲ್ಲಿ 407 ರನ್ ಗಳಿಸಿದ ಸಾಗರದ ತನ್ಮಯ್

Team Udayavani, Nov 13, 2022, 9:46 AM IST

ಶಿವಮೊಗ್ಗ: 50 ಓವರುಗಳ ಕ್ರಿಕೆಟ್ ಪಂದ್ಯದಲ್ಲಿ ಸಾಗರದ ಬಾಲಕನೋರ್ವ ದಾಖಲೆಯ ಅಜೇಯ 407 ರನ್ ಬಾರಿಸಿದ್ದಾನೆ.

ಶಿವಮೊಗ್ಗ ನಗರ ಪೆಸಿಟ್ ಕಾಲೇಜಿನ ಅಟಲ್ ಬಿಹಾರಿ ವಾಜಪೇಯಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸಾಗರದ ತನ್ಮಯ್ ಮಂಜುನಾಥ್ 165 ಬಾಲ್ ಗಳಲ್ಲಿ 407 ರನ್ ಗಳಿಸಿ ಸ್ಟೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದಾನೆ.

ಹದಿನಾರು ವರ್ಷದೊಳಗಿನ ವಲಯ ಪಂದ್ಯದಲ್ಲಿ ಭದ್ರಾವತಿ ತಂಡದ ಎದುರು ತನ್ಮಯ್ ಔಟಾಗದೆ 407 ರನ್ ಗಳಿಸಿದ್ದಾನೆ. ಈ ಸ್ಫೋಟಕ ಇನ್ನಿಂಗ್ ನಲ್ಲಿ 48 ಬೌಂಡರಿ 24 ಸಿಕ್ಸರ್ ಸಿಡಿಸಿದ್ದಾನೆ. ಅಂಶು (16) ಜೊತೆಗೂಡಿ ತನ್ಮಯ್ ಜೊತೆಗೂಡಿ 120 ರನ್ ಗಳಿಸಿದರು.

ಇದನ್ನೂ ಓದಿ:ಲೋಕ ಅದಾಲತ್ ಬಗ್ಗೆ ಕಕ್ಷಿದಾರರಲ್ಲಿ ತಿಳುವಳಿಕೆ ಅಗತ್ಯ: ಸಿವಿಲ್ ನ್ಯಾಯಾಧೀಶ ಕಿರಣ ಕುಮಾರ

ಈ ದಾಖಲೆ ಕ್ರಿಕೆಟ್ ಇತಿಹಾಸದಲ್ಲಿ ಸರ್ವಕಾಲಿಕ ದಾಖಲೆಯಾಗಿದೆ ಎಂದು ತನ್ಮಯ್ ತರಬೇತುದಾರ ನಾಗೇಂದ್ರ ಪಂಡಿತ್ ತಿಳಿಸಿದರು.

ಕ್ರಿಕೆಟ್ ಕ್ಲಬ್ ಆಫ್ ಸಾಗರ ಮತ್ತು ಎ.ಟಿ.ಸಿ.ಸಿ ಭದ್ರಾವತಿ ನಡುವೆ ನಡೆದ ಪಂದ್ಯದಲ್ಲಿ ತಂಡವು ಒಟ್ಟು 50 ಓವರ್ ಗಳಲ್ಲಿ 583 ರನ್ ಗಳ ಗಳಿಸಿದೆ.