ಪುರಸಭೆಗೆ 12 ಲಕ್ಷ ರೂ. ಕರ ಪಾವತಿ

ಸ್ಪರ್ಧಾ ಆಕಾಂಕ್ಷಿಗಳಿಂದ ಬೊಕ್ಕಸ ಭರ್ತಿ•ಒಟ್ಟಾರೆ 30 ಲಕ್ಷ ರೂ. ಬಾಕಿ ಕರ ಜಮೆಯಾಗುವ ನಿರೀಕ್ಷೆ

Team Udayavani, May 13, 2019, 11:34 AM IST

ತಾಳಿಕೋಟೆ ಪುರಸಭೆ ಹೊರನೋಟ.

ತಾಳಿಕೋಟೆ: ಪಟ್ಟಣದ ಪುರಸಭೆ ಚುನಾವಣೆ ಘೋಷಣೆಯಾದ ಬಳಿಕ ಉಮೇದುವಾರಿಕೆ ಸಲ್ಲಿಸಲು ಅಗತ್ಯ ಬೇ ಬಾಕಿ ಪ್ರಮಾಣ ಪತ್ರ ಪಡೆಯಲು ತಮ್ಮ ಆಸ್ತಿಕರದ ಜೊತೆಗೆ ಸೂಚಕರ ಆಸ್ತಿ ಕರ ಪಾವತಿಯಿಂದ ಪುರಸಭೆ ಬೊಕ್ಕಸಕ್ಕೆ 12 ಲಕ್ಷ ರೂ.ಗಿಂತ ಅಧಿಕ ಕರ ಬಾಕಿ ಪಾವತಿಯಾಗಿದೆ.

ಪುರಸಭೆಯಿಂದ ಪ್ರತಿ ವರ್ಷ ಕರ ಬಾಕಿ ತುಂಬಲು ಏಷ್ಟೇ ಪ್ರಯತ್ನಿಸಿದರೂ ತಾತ್ಸಾರ ತೋರುತ್ತಿದ್ದ ಕೆಲವರು ಚುನಾವಣೆ ಉಮೇದುವಾರಿಕೆ ಸಲ್ಲಿಸಲು ಮುಂದಾಗಿದ್ದಾರೆ. ತಮ್ಮ ಆಸ್ತಿ ಮತ್ತು ನೀರಿನ ಕರ ಅಲ್ಲದೇ ಇನ್ನಿತರವಾಗಿ ಪುರಸಭೆಗೆ ಕಟ್ಟಬೇಕಾದ ಕರ ಬಾಟಕಿಯ ಜೊತೆಗೆ ನಾಲ್ವರು ಸೂಚಕರ ಕರ ಬಾಕಿಯನ್ನು ಪಾವತಿಸುವ ಹೊಣೆ ಹೊತ್ತುಕೊಳ್ಳುವುದು ಅನಿವಾರ್ಯವಾಗಿದೆ. ಇದರಿಂದ ಸೂಚಕರಾಗುವ ಪ್ರತಿಯೊಬ್ಬರಿಗೂ ಲಕ್ಕಿ ಆಫರ್‌ ಸಿಕ್ಕಂತಾಗಿದೆ.

ಪುರಸಭೆಗೆ ಆಸ್ತಿ ಕರ, ನೀರಿನ ಕರ ಒಳಗೊಂಡಂತೆ ಇನ್ನಿತರಾಗಿ ಪುರಸಭೆಗೆ ಕಟ್ಟಬೇಕಾದ ಕರವನ್ನು ಪ್ರತಿ ವರ್ಷ ತುಂಬವವರಿಗಿಂತ ಬಾಕಿ ಉಳಿಸಿಕೊಂಡವರೇ ಹೆಚ್ಚಾಗಿದ್ದಾರೆ. ಪುರಸಭೆಯ 23 ವಾರ್ಡ್‌ಗಳ ಪೈಕಿ ಪ್ರತಿ ವಾರ್ಡ್‌ಗೆ 8ರಿಂದ 10 ಸ್ಪರ್ಧಾಕಾಂಕ್ಷಿಗಳು ಹುಟ್ಟಿrಕೊಂಡಿದ್ದಾರೆ. ಕೆಲವರು ರಾಜಕೀಯ ಪಕ್ಷಗಳ ಮೇಲೆ ಸ್ಪರ್ಧೆಗೆ ಇಚ್ಚೆ ಪಟ್ಟರೇ ಇನ್ನೂ ಕೆಲವರು ಪಕ್ಷೇತರವಾಗಿ ಸ್ಪರ್ಧೆಗೆ ಇಚ್ಚೆ ಪಟ್ಟಿದ್ದಾರೆ.

ಪಕ್ಷದಿಂದ ಸ್ಪರ್ಧಿಸುವವರು ಕೇವಲ ಒಬ್ಬ ಸೂಚಕನನ್ನು ಕೊಟ್ಟರೆ ಸಾಕು. ಆದರೆ ಪಕ್ಷೇತರವಾಗಿ ಸ್ಪರ್ಧಿಸುವವರಿಗೆ ನಾಲ್ವರು ಸೂಚಕರ ಅಗತ್ಯವಿದೆ. ಈ ಎಲ್ಲ ಸೂಚಕರ ಕರ ಬಾಕಿ ಸಂಪೂರ್ಣ ತುಂಬಿ ಬೇ ಬಾಕಿ ಪ್ರಮಾಣ ಪತ್ರ ಸಲ್ಲಿಸಿದ್ದರೆ ಸ್ಪರ್ಧಾ ಆಕಾಂಕ್ಷಿ ಸಲ್ಲಿಸಿದ ಉಮೇದುವಾರಿಕೆಗೆ ತೊಂದರೆಯಾಗುವದಿಲ್ಲ. ಚುನಾವಣಾ ಆಯೋಗ ಅಗತ್ಯ ದಾಖಲೆ ಸೂಚಿಸಿದ್ದರಲ್ಲಿ ಬೇ ಬಾಕಿ ಪ್ರಮಾಣ ಪತ್ರ ಕಡ್ಡಾಯಗೊಳಿಸಿದೆ. ಈ ಪ್ರಮಾಣ ಪತ್ರ ಇಲ್ಲದಿದ್ದರೆ ಉಮೇದುವಾರಿಕೆ ತಿರಸ್ಕಾರಗೊಳ್ಳುವ ಸೂಚನೆಯನ್ನು ಚುನಾವಣಾಧಿಕಾರಿಗಳು ಪುರಸಭೆ ಮುಂದುಗಡೆ ಇಟ್ಟಿರುವ ಸೂಚನಾ ಫಲಕದಲ್ಲಿ ಅಳವಡಿಸಿದ್ದಾರೆ.

10 ವರ್ಷದ ಕರ ಬಾಕಿ: ಸಾಮಾನ್ಯವಾಗಿ ಪಟ್ಟಣದ ಬುಹುತೇಕರು ಆಸ್ತಿಕರ ಅಲ್ಲದೇ ನೀರಿನ ಮತ್ತು ಇನ್ನಿತರ ಕರವನ್ನು ಸುಮಾರು 10ಕ್ಕೂ ಹೆಚ್ಚು ವರ್ಷದಿಂದ ಬಾಕಿ ಉಳಿಸಿಕೊಂಡಿದ್ದಾರೆ. ಪುರಸಭೆಯಿಂದ ಸಾಕಷ್ಟು ಬಾರಿ ಕರ ಬಾಕಿಗೆ ರಿಯಾಯಿತಿ ಕೊಟ್ಟು ಭಿತ್ತಿ ಪತ್ರ ಅಲ್ಲದೇ ತಿಂಗಳಾನುಗಟ್ಟಲೇ ಡಂಗುರ ಮೊಳಗಿಸಿದರೂ ಯಾವುದೇ ಪ್ರಯೋಜನೆಗೆ ಬಂದಿದ್ದಿಲ್ಲ.

ಆದರೆ ಈ ಬಾರಿಯ ಪುರಸಭೆ ಚುನಾವಣೆ ಪ್ರತಿ ವಾರ್ಡ್‌ನಲ್ಲಿ ಸುಮಾರು 10ಕ್ಕೂ ಹೆಚ್ಚು ಜನರು ತಮ್ಮ ಪ್ರತಿಷ್ಠೆ ಹೆಚ್ಚಿಸಿಕೊಳ್ಳಲು ಸ್ಪರ್ಧಾ ಆಕಾಂಕ್ಷಿಗಳಾಗಿದ್ದಾರೆ. ಹೀಗಾಗಿ ಸುಮಾರು ವರ್ಷಗಳಿಂದ ಬಾಕಿ ಉಳಿದುಕೊಂಡಿದ್ದ ತಮ್ಮ ಆಸ್ತಿ ಕರದ ಜೊತೆಗೆ ಸೂಚಕರ ಕರ ಪಾವತಿಯನ್ನು ತಾವೇ ಮಾಡುತ್ತಿರುವದು ಮೇಲ್ನೋಟಕ್ಕೆ ಕಾಣತೊಡಗಿದೆ. ಇದರಿಂದ ಚುನಾವಣೆ ಅಧಿಸೂಚನೆ ಘೋಷಣೆಯಾದ ಎರಡೇ ದಿನದಲ್ಲಿ 12 ಲಕ್ಷಕ್ಕೂ ಅಧಿಕ ಕರ ಭಾಕಿ ಪುರಸಭೆ ಬೋಕ್ಕಸ ಸೇರಿದೆ.

15ಕ್ಕೆ ಬಿ ಫಾರ್ಮ್ ಘೋಷಣೆ ಸಾಧ್ಯತೆ: ಪಕ್ಷದ ಚಿಹ್ನೆಯಡಿ ಸ್ಪರ್ಧೆ ಬಯಿಸಿ ಈಗಾಗಲೇ ಕೆಲ ವಾರ್ಡ್‌ಗಳಿಂದ ಟಿಕೆಟ್ ಆಕಾಂಕ್ಷಿಗಳು ಆಯಾ ಪಕ್ಷದ ಅಧ್ಯಕ್ಷರ ಬಳಿ ಅರ್ಜಿ ಸಲ್ಲಿಸಿದ್ದಾರೆ. ಬಿಜೆಪಿಯಿಂದ ಸ್ಪರ್ಧೆ ಬಯಿಸಿ 15 ವಾರ್ಡ್‌ಗಳಿಂದ 32 ಜನರು ಅರ್ಜಿ ಸಲ್ಲಿಸಿದ್ದಾರೆ. ಕಾಂಗ್ರೆಸ್‌ ಪಕ್ಷದಿಂದ ಸ್ಪರ್ದೆ ಬಯಸಿ 8 ವಾರ್ಡ್‌ಗಳಿಂದ 14 ಜನರು ಟಿಕೆಟ್ ಬಯಿಸಿ ಅರ್ಜಿ ಸಲ್ಲಿಸಿದ್ದಾರೆ. ಇನ್ನೂ ಕೆಲವು ವಾರ್ಡ್‌ಗಳಲ್ಲಿ ಉಮೇದುವಾರಿಕೆ ಸಲ್ಲಿಸುವ ಎದುರಾಳಿ ಅಭ್ಯರ್ಥಿಗಳ ಸಂಖ್ಯೆಗನುಗುಣವಾಗಿ ತಮ್ಮ ಲಾಭ ನಷ್ಟ ಅನುಸರಿಸಿ ಪಕ್ಷವೋ ಅಥವಾ ಪಕ್ಷೇತರವೋ ಎಂಬ ನಿರ್ಧಾರಕ್ಕೆ ಕಾದು ನೋಡುತ್ತಿದ್ದಾರೆ. ಪಕ್ಷದ ಬಿ ಫಾರ್ಮ್ ಬಯಸಿ ಟಿಕೆಟ್ಗಾಗಿ ಅರ್ಜಿ ಸಲ್ಲಿಸಿದವರಲ್ಲಿ ಯಾರಿಗೆ ಟಿಕೆಟ್ ನೀಡಬೇಕೆಂಬುದು ಮೇ 15ರಂದು ಅಂತಿಮಗೊಳಿಸಲಾಗುವದು ಎಂದು ಎರಡೂ ಪಕ್ಷದ ಮುಖಂಡರು ಪತ್ರಿಕೆಗೆ ತಿಳಿಸಿದ್ದಾರೆ.

ಬೇ ಬಾಕಿ ಪ್ರಮಾಣ ಪತ್ರ ಬಯಸಿ ಎರಡು ದಿನದಲ್ಲಿ 95 ಜನರು ಅರ್ಜಿ ಸಲ್ಲಿಸಿದ್ದು 84 ಅರ್ಜಿಗಳನ್ನು ವಿಲೇವಾರಿ ಮಾಡಲಾಗಿದೆ. ಈಗಾಗಲೇ 12 ಲಕ್ಷಕ್ಕೂ ಅಧಿಕ ಕರ ಬಾಕಿ ಜಮೆಯಾಗಿದ್ದು ಚುನಾವಣೆ ವೇಳೆಗೆ ಸುಮಾರು 30 ಲಕ್ಷ ರೂ. ಜಮೆಯಾಗುವ ನಿರೀಕ್ಷೆ ಇದೆ.
•ಸುರೇಶ ನಾಯಕ, ಪುರಸಭೆ ಮುಖ್ಯಾಧಿಕಾರಿ

ಜಿ.ಟಿ. ಘೋರ್ಪಡೆ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಬೆಂಗಳೂರು: ನಗರದ ಜನನಿಬಿಡ ಪ್ರದೇಶ, ಪ್ಯಾಲೆಸ್‌ ಗುಟ್ಟಹಳ್ಳಿಯ ಸಾಮ್ರಾಟ್‌ ಜ್ಯುವೆಲ್ಲರಿ ಒಳಗೆ ನುಗ್ಗಿ, ದರೋಡೆಗೆ ಯತ್ನಿಸಿ, ವಿಫ‌ಲರಾಗಿ ಗುಂಡು ಹಾರಿಸಿ ಮರಳಲು...

  • ಬೆಂಗಳೂರು: ನಗರದ ವಿವಿಧ ಮಾರುಕಟ್ಟೆಗಳಲ್ಲಿ ಪ್ಲಾಸ್ಟರ್‌ ಆಫ್ ಪ್ಯಾರಿಸ್‌ (ಪಿಒಪಿ) ಗಣೇಶ ಮೂರ್ತಿಗಳ ಅಬ್ಬರ ನಡೆಯುತ್ತಿದೆ. ಕೆಲವು ಅಧಿಕಾರಿಗಳು ಸದ್ದಿಲ್ಲದೆ...

  • ಬೆಂಗಳೂರು: ಇತ್ತೀಚೆಗೆ ಅಪ್ರಾಪ್ತ ವಯಸ್ಸಿನ ಪುತ್ರಿಯೊಬ್ಬಳು ತನ್ನ ಪ್ರಿಯಕರನ ಜತೆ ಸೇರಿ ತಂದೆಯನ್ನು ಭೀಕರವಾಗಿ ಕೊಲೆಮಾಡಿದ ಘಟನೆಯ ನೆನಪು ಮಾಸುವ ಮುನ್ನವೇ,...

  • ಬೆಂಗಳೂರು: ಪ್ರತಿನಿತ್ಯ 40 ಲಕ್ಷ ಪ್ರಯಾಣಿಕರಿಗೆ ಸುರಕ್ಷಿತ ಸಂಚಾರ ಸೇವೆ ನೀಡುತ್ತಿರುವ ಬಿಎಂಟಿಸಿ ಸಿಬ್ಬಂದಿಯ ಜೀವನಕ್ಕೆ ಭದ್ರತೆ ಇಲ್ಲದಂತಾಗಿದ್ದು, ಒಂದು...

  • ಬೆಂಗಳೂರು: ಮೂತ್ರಪಿಂಡ ವೈಫ‌ಲ್ಯದಿಂದ ಬಳಲುತ್ತಿದ್ದ ತಾಯಿಗೆ ಮಗಳು ತನ್ನ ನಿಶ್ಚಿತಾರ್ಥ ರದ್ದು ಮಾಡಿಕೊಂಡು ಮೂತ್ರಪಿಂಡ ದಾನಮಾಡಿ ಜನ್ಮದಾತೆಯ ಜೀವ ಉಳಿಸಿದ್ದಾಳೆ....

ಹೊಸ ಸೇರ್ಪಡೆ