Pavagada: ವಿದ್ಯುತ್ ತಗುಲಿ 19 ಕುರಿ ಸಾವು
Team Udayavani, Jul 18, 2023, 12:11 PM IST
ಪಾವಗಡ: ವಿದ್ಯುತ್ ತಂತಿ ತಗುಲಿ 19 ಕುರಿಗಳು ಸಾವನಪ್ಪಿದ ಘಟನೆ ತಾಲೂಕಿನ ನಾಗಲಮಡಿಕೆ ಹೋಬಳಿಯ ಶ್ರೀರಂಗಪುರದಲ್ಲಿ ಜು.17ರ ಸೋಮವಾರ ತಡರಾತ್ರಿ ನಡೆದಿದೆ.
ತಾಲೂಕಿನ ಮಂಜುನಾಥ್ ಎಂಬವರಿಗೆ ಸೇರಿದ ಕುರಿಗಳು ಎಂದು ತಿಳಿದು ಬಂದಿದೆ.
ವಿದ್ಯುತ್ ಕಂಬದ ಸಮೀಪದಲ್ಲಿಯೇ ಕುರಿ ಶೇಡ್ ಇದ್ದು, ಸೋಮವಾರ ಮಳೆ ಹೆಚ್ಚಾಗಿದ್ದ ಕಾರಣ ಕುರಿ ಮಂದೆಗೆ ವಿದ್ಯುತ್ ತಗುಲಿದೆ. ಮಂದೆಯಲ್ಲಿದ್ದ ಎಲ್ಲ ಕುರಿಗಳು ಸತ್ತು, ಸುಮಾರು 2 ಲಕ್ಷ ರೂ. ನಷ್ಟವಾಗಿದೆ ಎಂದು ಅಂದಾಜಿಸಲಾಗಿದೆ. ಸರ್ಕಾರದದಿಂದ ಅ ಕುಟುಂಬಕ್ಕೆ ಸಹಾಯ ಮಾಡಬೇಕೆಂದು ಗ್ರಾಮಸ್ಥರು ಮನವಿ ಮಾಡಿದ್ದಾರೆ.