Kasturba Hospital: ಕಸ್ತೂರ್ಬಾ ಆಸ್ಪತ್ರೆಗೆ ಎರಡು ಪ್ರತಿಷ್ಠಿತ ಪ್ರಶಸ್ತಿ
Team Udayavani, Nov 2, 2023, 6:15 PM IST
ಮಣಿಪಾಲ: ಇಲ್ಲಿನ ಕಸ್ತೂರ್ಬಾ ಆಸ್ಪತ್ರೆಗೆ ಎಕನಾಮಿಕ್ ಟೈಮ್ಸ್ ಹೆಲ್ತ್ ಕೇರ್ ಅವಾರ್ಡ್ಸ್ 2023 ಅವರಿಂದ ಆಂಕೊಲಾಜಿ ಕೇರ್ನಲ್ಲಿ ವರ್ಷದ ಆಸ್ಪತ್ರೆ (ದಕ್ಷಿಣ) ಪ್ರಶಸ್ತಿ ಮತ್ತು ಬ್ರ್ಯಾಂಡ್ಸ್ ಇಂಪ್ಯಾಕ್ಟ್ನಿಂದ 2023ನೇ ವರ್ಷದ ಅತ್ಯುತ್ತಮ ಮಲ್ಟಿ ಸ್ಪೆಷಾಲಿಟಿ ಬೋಧನ ಆಸ್ಪತ್ರೆ ಎಂದು ಶ್ರೇಷ್ಠತೆಯ ಪ್ರಮಾಣಪತ್ರ ಲಭಿಸಿದೆ.
ಮಾಹೆ ಸಹಕುಲಾಧಿಪತಿ ಡಾ| ಎಚ್.ಎಸ್. ಬಲ್ಲಾಳ್, ಕುಲಪತಿ ಡಾ| ಲೆ| ಜ| ಎಂ.ಡಿ. ವೆಂಕಟೇಶ್ ಅವರು ಪ್ರಶಸ್ತಿಗಳನ್ನು ವಿತರಿಸಿದರು.
ವೈದ್ಯಕೀಯ ಅಧೀಕ್ಷಕ ಡಾ| ಅವಿನಾಶ್ ಶೆಟ್ಟಿ, ಬೋಧನ ಆಸ್ಪತ್ರೆಗಳ ಮುಖ್ಯ ನಿರ್ವಹಣಾಧಿಕಾರಿ ಡಾ| ಆನಂದ್ ವೇಣುಗೋಪಾಲ್, ಅಸೋಸಿಯೇಟ್ ಡೀನ್ ಹಾಗೂ ಮಣಿಪಾಲ ಸಮಗ್ರ ಕ್ಯಾನ್ಸರ್ ಆರೈಕೆ ಕೇಂದ್ರದ ಸಂಯೋಜಕ ಡಾ| ನವೀನ್ ಎಸ್. ಸಾಲಿನ್ಸ್ ಅವರು ಪುರಸ್ಕಾರಗಳನ್ನು ಸ್ವೀಕರಿಸಿದರು.
ಮಾಹೆ ವಿಶ್ವವಿದ್ಯಾನಿಲಯದ ಸಹ ಕುಲಪತಿ ಡಾ| ಶರತ್ ಕುಮಾರ್ ರಾವ್, ಡಾ| ಪಿಎಲ್ಎನ್ಜಿ ರಾವ್, ಕೆಎಂಸಿ ಡೀನ್ ಡಾ| ಪದ್ಮರಾಜ್ ಹೆಗ್ಡೆ, ಕಸ್ತೂರ್ಬಾ ಆಸ್ಪತ್ರೆ ಮಣಿಪಾಲದ ಗುಣಮಟ್ಟ ಅನುಷ್ಠಾನದ ಸಲಹೆಗಾರ ಡಾ| ಸುನೀಲ್ ಸಿ. ಮುಂಡ್ಕೂರು ಸೇರಿದಂತೆ ಆಸ್ಪತ್ರೆಯ ಆಂಕೊಲಜಿ ವೈದ್ಯರು ಹಾಗೂ ಹಿರಿಯ ಅಧಿಕಾರಿಗಳು ಸಮಾರಂಭದಲ್ಲಿ ಉಪಸ್ಥಿತರಿದ್ದರು.