ಬೊಮ್ಮನಳ್ಳಿ ಡ್ಯಾಂ ಸನಿಹ ರಸ್ತೆ ದಾಟಿದ ಬೃಹತ್ ಗಾತ್ರದ ಆನೆ

Team Udayavani, Jun 8, 2023, 10:13 PM IST

ದಾಂಡೇಲಿ : ದಾಂಡೇಲಿ ತಾಲ್ಲೂಕಿನ ಅಂಬಿಕಾನಗರ ಗ್ರಾಮ ಪಂಚಾಯ್ತು ವ್ಯಾಪ್ತಿಯಲ್ಲಿ ಬರುವ ಬೊಮ್ಮನಳ್ಳಿ ಡ್ಯಾಂ ಹತ್ತಿರದಲ್ಲಿ ಬೃಹತ್ ಗಾತ್ರದ ಆನೆ ರಸ್ತೆ ದಾಟುತ್ತಿರುವ ಸೊಗಸಾದ ದೃಶ್ಯ ಗುರುವಾರ ಬೈಕ್ ಸವಾರರಿಗೆ ಕಂಡು ಬಂದಿದೆ.

ಆನೆಯ ಗಾತ್ರ ನೋಡಿದರೆ ಕಾಳಿ ಹುಲಿ ಸಂರಕ್ಷಿತ ಪ್ರದೇಶದಲ್ಲೇ ಅತಿ ದೊಡ್ಡ ಆನೆ ಎಂಬ ಮಾತು ಕೇಳಿ‌ ಬಂದಿದೆ. ಈಚೆಗೆ ಭಗವತಿ ಹತ್ತಿರ 12 ಆನೆಗಳ ಗುಂಪು ರಸ್ತೆ ದಾಟಿತ್ತು. ಬೇಸಿಗೆಯಲ್ಲಿ ಬೊಮ್ಮನಹಳ್ಳಿ ಪಿಕ್ ಅಪ್ ಡ್ಯಾಂ ಹಿನ್ನೀರಲ್ಲಿ ನೀರು ಕುಡಿಯಲು ಆನೆಗಳು ಬರುವುದು ಸಾಮಾನ್ಯವಾಗಿದೆ.

ಇತ್ತೀಚಿನ ದಿನಗಳಲ್ಲಿ ಕಾಳಿ ಟೈಗರ್ ಸಂರಕ್ಷಿತ ಅರಣ್ಯ ಪ್ರದೇಶದ ವ್ಯಾಪ್ತಿಯಲ್ಲಿ ಆನೆಗಳು ನಾಗರಿಕರಿಗೆ ಕಾಣಿಸುತ್ತಿವೆ‌‌‌ . ಜನರು ಸಹ ಆನೆಗಳ ತಂಟೆಗೆ ಹೋಗದ ಕಾರಣ , ಆನೆಗಳು ಯಾವುದೇ ರೀತಿಯ ತೊಂದರೆ ಕೊಟ್ಟ ಬಗ್ಗೆ ವರದಿಯಾಗಿಲ್ಲ . ರೀತಿಯಲ್ಲಿ ವರ್ತಿಸಿರುವುದು ಎಲ್ಲಿಯೂ ಕಂಡು ಬಂದಿಲ್ಲ. ಬೊಮ್ಮನಳ್ಳಿ ಡ್ಯಾಂ ಹತ್ತಿರ ಅರಣ್ಯ ಪ್ರದೇಶದಲ್ಲಿ ಕಾಡು ಮತ್ತು ಆನೆಗೆ ಬೇಕಾದ ಆಹಾರ ಸಾಕಷ್ಟಿರುವ ಕಾರಣ, ಆನೆಗಳು ಈ ಭಾಗದಲ್ಲಿ ವ್ಯಾಪಕವಾಗಿ ಬೀಡು ಬಿಟ್ಟಿವೆ ಎಂಬುದು ಅರಣ್ಯಾಧಿಕಾರಿಗಳು ಅಭಿಪ್ರಾಯಪಡುತ್ತಾರೆ.