Road Mishap: ಬೈಕ್ ಗಳ ಮುಖಾಮುಖಿ… ತಂದೆ, ಮಗಳಿಗೆ ಗಾಯ

Team Udayavani, Sep 5, 2023, 11:47 AM IST

ದಾಂಡೇಲಿ : ನಗರದ ಕನ್ಯಾ ವಿದ್ಯಾಲಯದ ಹತ್ತಿರ ಬರ್ಚಿ ರಸ್ತೆಯಲ್ಲಿ ಬೈಕ್ ಗಳೆರಡು ಮುಖಾಮುಖಿ ಡಿಕ್ಕಿಯಾಗಿ ತಂದೆ, ಮಗಳಿಗೆ ಗಾಯವಾದ ಘಟನೆ ನಡೆದಿದೆ.

ರಾಮನಗರದಿಂದ ಜೋಯಿಡಾ ತಾಲ್ಲೂಕಿನ ಮಾನಾಯಿಗೆ ಜನ್ನು ನವಲು ಗಾರೆ ಹಾಗೂ ಅವರ 5 ವರ್ಷದ ಮಗಳು ಮತ್ತು ಕೊಂಡು ವಿಠ್ಠು ಕೊಕರೆಯವರು ಹೋಗುತ್ತಿದ್ದ ದ್ವಿಚಕ್ರ ವಾಹನಕ್ಕೆ ಬರ್ಚಿ ಕಡೆಯಿಂದ ಬರುತ್ತಿದ್ದ ಜಗಲ್ಬೇಟ್ ನಿವಾಸಿ ಗಜಾನನ ಅವರ ದ್ವಿಚಕ್ರ ವಾಹನ ಮುಖಾಮುಖಿ ಡಿಕ್ಕಿಯಾಗಿದೆ. ಈ ಸಂದರ್ಭದಲ್ಲಿ ಜನ್ನು ನವಲು ಗಾರೆ ಯವರ ಕಾಲಿಗೆ ಗಂಭೀರ ಗಾಯವಾಗಿದ್ದು, ಅವರ 5 ವರ್ಷದ ಮಗಳಿಗೂ ಗಾಯವಾಗಿದೆ. ಉಳಿದಂತೆ ಅವರದ್ದೇ ಬೈಕಿನಲ್ಲಿದ್ದ ವಿಠ್ಠು ಕೊಕರೆಯವರಿಗೆ ಸಣ್ಣ ಪುಟ್ಟ ಗಾಯವಾಗಿದೆ. ಇನ್ನೊಂದು ಬೈಕಿನ ಸವಾರ ಗಜಾನನ ಅವರಿಗೆ ಸಣ್ಣಪುಟ್ಟ ಗಾಯವಾಗಿದೆ.

ಗಾಯಗೊಂಡ ಈ ಮೂವರನ್ನು ನಗರದ ಸಾರ್ವಜನಿಕ ಆಸ್ಪತ್ರೆಗೆ ಕರೆದುಕೊಂಡು ಬರಲಾಗಿದ್ದು, ಜನ್ನು ನವಲು ಗಾರೆ ಮತ್ತು ಅವರ ಮಗಳನ್ನು ಹೆಚ್ಚಿನ ಚಿಕಿತ್ಸೆಗೆ ಧಾರವಾಡಕ್ಕೆ ರವಾನಿಸಲಾಗಿದೆ. ಘಟನಾ ಸ್ಥಳಕ್ಕೆ ಮತ್ತು ಸಾರ್ವಜನಿಕ ಆಸ್ಪತ್ರೆಗೆ ದಾಂಡೇಲಿ ನಗರ ಠಾಣೆಯ ಪೊಲೀಸರು ಭೇಟಿ ನೀಡಿ ಮುಂದಿನ ಕ್ರಮವನ್ನು ಕೈಗೊಂಡಿದ್ದಾರೆ.

ಇದನ್ನೂ ಓದಿ: Asia Cup 2023; ಮಳೆಯ ಕಾರಣದಿಂದ ಸೂಪರ್ 4, ಫೈನಲ್ ಪಂದ್ಯಗಳು ಸ್ಥಳಾಂತರ