Yellapur; ಒಂಟಿ ಮಹಿಳೆಯರನ್ನು ಟಾರ್ಗೆಟ್ ಮಾಡುತ್ತಿದ್ದ ಸರಗಳ್ಳರಿಬ್ಬರ ಬಂಧನ

Team Udayavani, Sep 30, 2023, 9:25 PM IST

ಯಲ್ಲಾಪುರ: ಒಂಟಿ ಮಹಿಳೆಯರನ್ನು ಟಾರ್ಗೆಟ್ ಮಾಡಿ ಸರಗಳ್ಳತನದಲ್ಲಿ ಭಾಗಿಯಾದ ಇಬ್ಬರನ್ನು ಯಲ್ಲಾಪುರ ಪೋಲಿಸರು ಬಂಧಿಸಿ ಚಿನ್ನವನ್ನು ವಶಪಡಿಸಿಕೊಂಡಿದ್ದಾರೆ.

ಹಾವೇರಿಯ ಸವಣೂರಿನ ಲಿಂಬು ವ್ಯಾಪಾರಿ ಅಜಪರ್ ಖಾದರಗೌಸ್ ಗವಾರಿ,ಹಾಗೂ ಶಿರಸಿಯ ರಾಮನಬೈಲ್ ವೆಲ್ಡಿಂಗ್ ಕೆಲಸಗಾರ ಪೈಜಾನ್ ಅಬ್ದುಲ್ ಸಮದ್ ಮುಲ್ಲಾ ಎಂಬರನ್ನು ಬಂಧಿಸಿದ್ದಾರೆ. ಭಟ್ಕಳ, ಹೊನ್ನಾವರ, ಯಲ್ಲಾಪುರ,ಶಿವಮೊಗ್ಗ, ಸಾಗರ,ಆನಂದಪುರಗಳಲ್ಲಿ ಇವರುಗಳು ಮಾಂಗಲ್ಯ,ಸರಗಳನ್ನು ಸುಲಿಗೆ ಮಾಡಿದ್ದಾರೆ.ಈ ಆರೋಪಿತರಿಂದ ಕೃತ್ಯಕ್ಕೆ ಬಳಸಿದ 1.20 ಲಕ್ಷ ರೂ. ಮೌಲ್ಯದ ಬಜಾಜ್ ಪಲ್ಸರ್,ಒಟ್ಟು 55 ಗ್ರಾಂ
ಚಿನ್ನ,ಸೇರಿದಂತೆ ಒಟು4.70 ಲಕ್ಷ ರೂ. ಮೌಲ್ಯದ ಸ್ವತ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

ಸಿಪಿಐ ರಂಗನಾಥ ನೀಲಮ್ಮನವರ್,ಪಿಎಸೈ ರವಿ ಗುಡ್ಡಿ ನಿರಂಜನ ಹೆಗಡೆ,ಗಣಪತಿ ಬೆನಕಟ್ಟಿ,ಸಿಬ್ಬಂದಿಗಳಾದ ಮಹಮ್ಮದ ಶಫಿ,ಬಸವರಾಜ ಹಗರಿ,ಗಿರೀಶ ಲಮಾಣಿ,ಶೊಭ ನಾಯ್ಕ ಮತ್ತಿತರ ಸಿಬ್ಬಂದಿಗಳು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.