Ankylosing Spondylitis: ಹಾಗೆಂದರೇನು ? ಕಾರಣವೇನು ? ಚಿಕಿತ್ಸೆ ಹೇಗೆ


Team Udayavani, Apr 21, 2024, 1:30 PM IST

12-health

ಆ್ಯಂಕಿಲೋಸಿಂಗ್‌ ಸ್ಪಾಂಡಿಲೈಟಿಸ್‌ ಎಂದರೇನು?

ಇದು ಆರ್ಥೈಟಿಸ್‌ನ ಒಂದು ವಿಧವಾಗಿದ್ದು, ಪ್ರಮುಖವಾಗಿ ಬೆನ್ನೆಲುಬನ್ನು (ಕುತ್ತಿಗೆ ಮತ್ತು ಬೆನ್ನು) ಬಾಧಿಸುತ್ತದೆ. ಆ್ಯಂಕಿಲೋಸ್‌ ಎಂದರೆ ಸಂಧಿ ಬಿಗಿತ; ಸ್ಪಾಂಡಿಲೊ ಎಂದರೆ ಕಶೇರುಕ.

ಆ್ಯಂಕಿಲೋಸ್‌ ಸ್ಪಾಂಡಿಲೈಟಿಸ್‌ ಉಂಟಾಗಲು ಕಾರಣವೇನು?

ಇದಕ್ಕೆ ನಿರ್ದಿಷ್ಟವಾದ ಕಾರಣ ಇನ್ನೂ ತಿಳಿದುಬಂದಿಲ್ಲ. ಬಹುತೇಕ ಆರ್ಥೈಟಿಸ್‌ಗಳಿಗೆ ವಂಶವಾಹಿ ಕಾರಣಗಳು ಮತ್ತು ಅಸಹಜ ರೋಗ ಪ್ರತಿರೋಧಕ ಪ್ರತಿಕ್ರಿಯೆಯನ್ನು ಉಂಟು ಮಾಡುವ ಪಾರಿಸರಿಕ ಪ್ರಚೋದಕಗಳು ಇರುತ್ತವೆ. ರೋಗ ಪ್ರತಿರೋಧಕ ಶಕ್ತಿಯು ಸಂಧಿಗಳು ಮತ್ತು ಇತರ ದೇಹ ಸಂರಚನೆಗಳ ಮೇಲೆ ತಪ್ಪಾಗಿ ಆಕ್ರಮಣ ನಡೆಸುತ್ತದೆ. ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ನಲ್ಲಿ ಸಂಧಿಗಳು ಮತ್ತು ಬೆನ್ನಿನ ಜತೆಗೆ ಕಣ್ಣುಗಳು, ಕರುಳು ಮತ್ತು ಹೃದಯವನ್ನೂ ಇದು ಬಾಧಿಸಬಹುದಾಗಿದೆ.

ಯಾರಿಗೆ ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ ಉಂಟಾಗಬಹುದು?

ಸಾಮಾನ್ಯವಾಗಿ ಈ ಕಾಯಿಲೆಯು ಹದಿಹರಯದವರು/ ಯುವಕರಲ್ಲಿ ಪ್ರಾರಂಭವಾಗುತ್ತದೆ. ಸಾಮಾನ್ಯವಾಗಿ ಇದು 45 ವರ್ಷ ವಯಸ್ಸಿಗೆ ಮುನ್ನ ಕಾಣಿಸಿಕೊಳ್ಳುತ್ತದೆ. ಮಹಿಳೆಯರಿಗಿಂತ ಪುರುಷರಲ್ಲಿ ಇದು ಉಂಟಾಗುವ ಸಾಧ್ಯತೆಯು 2-3 ಪಟ್ಟು ಹೆಚ್ಚಾಗಿರುತ್ತದೆ. ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ ಕಾಯಿಲೆ ಹೊಂದಿರುವವರ ಕುಟುಂಬ ಸದಸ್ಯರು ಕೂಡ ಇದೇ ಕಾಯಿಲೆಗೆ ತುತ್ತಾಗುವ ಅಪಾಯವನ್ನು ಹೊಂದಿರುತ್ತಾರೆ. ಹೀಗಾಗಿ ದೀರ್ಘ‌ಕಾಲದಿಂದ ಬೆನ್ನುನೋವು ಹೊಂದಿದ್ದು, ಔಷಧೋಪಚಾರದಿಂದ ಗುಣ ಕಾಣದ ಹದಿಹರಯದವರು, ಯುವಕರು ಬೆನ್ನುನೋವಿಗೆ ಕಾರಣವನ್ನು ಪತ್ತೆ ಮಾಡಲು ತಪಾಸಣೆಗೆ ಒಳಪಡುವುದು ಉತ್ತಮ.

ವೈದ್ಯಕೀಯ ಲಕ್ಷಣಗಳು

ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ ಕುತ್ತಿಗೆ ಭಾಗ ಮತ್ತು ಕೆಳ ಬೆನ್ನುಭಾಗದಲ್ಲಿ ನೋವು ಮತ್ತು ಬಿಗಿತದ ಲಕ್ಷಣಗಳನ್ನು ಉಂಟುಮಾಡುತ್ತದೆ. ನೋವು ಮಧ್ಯರಾತ್ರಿ ಹಾಗೂ ಹಾಸಿಗೆಯಿಂದ ಎದ್ದ ಬಳಿಕ ಬೆಳಗಿನ ವೇಳೆಯಲ್ಲಿ ಅಧಿಕವಾಗಿದ್ದು, ಆ ಬಳಿಕ ಒಂದೆರಡು ತಾಸುಗಳಲ್ಲಿ ಕಡಿಮೆಯಾಗುತ್ತದೆ. ವ್ಯಾಯಾಮಗಳು ಮತ್ತು ನೋವು ನಿವಾರಕಗಳಿಂದ ಸಾಮಾನ್ಯವಾಗಿ ನೋವು ಉಪಶಮನ ಹೊಂದುತ್ತದೆ. ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ ವಯಸ್ಸಾಗುವುದರಿಂದ ಉಂಟಾಗುವ ಬೆನ್ನುನೋವಿನಿಂದ ಭಿನ್ನವಾಗಿದೆ; ವಯೋಸಂಬಂಧಿ ಬೆನ್ನುನೋವು ಬೆಳಗಿನ ವೇಳೆ ಕಡಿಮೆ ಇದ್ದು, ಕೆಲಸ ಮತ್ತು ಚಟುವಟಿಕೆಗಳನ್ನು ನಡೆಸಿದ ಬಳಿಕ ಹೆಚ್ಚುತ್ತದೆ. ಕುತ್ತಿಗೆ ಮತ್ತು ಬೆನ್ನಿನ ಜತೆಗೆ ಭುಜ, ಮೊಣಕೈ, ಮೊಣಕಾಲು ಕೂಡ ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ನಿಂದ ಬಾಧಿತವಾಗಬಹುದು. ಕೆಲವು ರೋಗಿಗಳಲ್ಲಿ ಕಣ್ಣು ಕೆಂಪಗಾಗುವುದು (ಉವೈಟಿಸ್‌), ಸೋರಿಯಾಸಿಸ್‌ ನಂತಹ ಚರ್ಮದ ಅನಾರೋಗ್ಯಗಳು, ಬೇಧಿ (ಇನ್‌ಫ್ಲಮೇಟರಿ ಬವೆಲ್‌ ಡಿಸೀಸ್‌)ಯಂತಹ ಲಕ್ಷಣಗಳು ಕೂಡ ತಲೆದೋರಬಹುದಾಗಿದೆ. ಕ್ಲಪ್ತ ಕಾಲದಲ್ಲಿ ಈ ಕಾಯಿಲೆಯನ್ನು ಗುರುತಿಸಿ ಚಿಕಿತ್ಸೆ ಒದಗಿಸದೆ ಹೋದರೆ ಬೆನ್ನು ಬಾಗುವಿಕೆ, ಕುತ್ತಿಗೆ ಚಲನೆಗೆ ತೊಂದರೆಯಂತಹ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.

ರೋಗಪತ್ತೆ

ರುಮಟಾಲಜಿ ತಜ್ಞರು ರೋಗಿಯನ್ನು ವಿವರವಾದ ವಿಶ್ಲೇಷಣೆ, ತಪಾಸಣೆಗೆ ಒಳಪಡಿಸಿ ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ ರೋಗ ಪತ್ತೆ ಮಾಡುತ್ತಾರೆ. ಸಿಆರ್‌ಪಿ, ಎಚ್‌ಎಲ್‌ಎ ಬಿ27 ಮತ್ತು ಎಂಆರ್‌ಐ ಈ ರೋಗಪತ್ತೆಗೆ ಸಹಾಯ ಮಾಡಬಲ್ಲ ಕೆಲವು ಪರೀಕ್ಷೆಗಳು.

ಚಿಕಿತ್ಸೆ

ಈ ಕಾಯಿಲೆಯನ್ನು ಚಿಕಿತ್ಸೆಗೆ ಒಳಪಡಿಸಬಹುದಾಗಿದ್ದು, ಸದ್ಯ ಲಭ್ಯವಿರುವ ಔಷಧಗಳಿಂದ ಉಪಚರಿಸಿದಾಗ ರೋಗಿಗಳು ನೋವುಮುಕ್ತ ಜೀವನವನ್ನು ನಡೆಸಬಹುದಾಗಿದೆ. ಔಷಧಗಳನ್ನು ದೀರ್ಘ‌ಕಾಲದ ವರೆಗೆ ತೆಗೆದುಕೊಳ್ಳಬೇಕಾಗಿರುತ್ತದೆ. ಈ ಔಷಧಗಳನ್ನು ತೆಗೆದುಕೊಳ್ಳುತ್ತಿರುವಾಗ ನಿಮ್ಮ ವೈದ್ಯರ ಬಳಿ ನಿಯಮಿತವಾಗಿ ತಪಾಸಣೆ ಮಾಡಿಸಿಕೊಳ್ಳುವುದು ಮತ್ತು ನಿಯಮಿತ ಅವಧಿಗಳಲ್ಲಿ ರಕ್ತ ಪರೀಕ್ಷೆಗಳನ್ನು ಮಾಡಿಸಿಕೊಳ್ಳುವುದು ಅಗತ್ಯವಾಗಿರುತ್ತದೆ.

ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ಗೆ ಅತ್ಯಾಧುನಿಕ ಔಷಧಗಳು ಲಭ್ಯವಿದ್ದು, ರೋಗವನ್ನು ನಿಯಂತ್ರಣಕ್ಕೆ ತರುತ್ತವೆ. ಆದರೆ ರುಮಟಾಲಜಿ ತಜ್ಞ ವೈದ್ಯರ ಅಲಭ್ಯತೆ, ಮಾಹಿತಿಯ ಕೊರತೆಯಿಂದಾಗಿ ಅನೇಕ ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ ರೋಗಿಗಳು ನೋವು ನಿವಾರಕ ಔಷಧಗಳು ಮತ್ತು ವ್ಯಾಯಮಗಳನ್ನಷ್ಟೇ ಅವಲಂಬಿಸಿರುತ್ತಾರೆ. ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ಗೆ ನೀಡುವ ಬಹುತೇಕ ಅತ್ಯಾಧುನಿಕ ಔಷಧಗಳು ಪ್ರಸ್ತುತ ಕಾಲದಲ್ಲಿ ಜನಸಾಮಾನ್ಯರ ಕೈಗಟಕುವ ಬೆಲೆಯಲ್ಲಿವೆ.

ಇದರ ಚಿಕಿತ್ಸೆಯಲ್ಲಿ ಉಪಯೋಗಿಸಲಾಗುವ ಕೆಲವು ಔಷಧಗಳು ಎಂದರೆ ಮೆಥೊಟ್ರೆಕ್ಸೇಟ್‌, ಸಲ್ಫಾಸಾಲ್ಜಿನ್‌, ಟೊಫ‌ಸಿಟಿನಿಬ್‌ ಮತ್ತು ತೀವ್ರ ಸ್ವರೂಪದ ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ಗೆ ಬಯಾಲಾಜಿಕಲ್‌ಗ‌ಳು (ಅಡಾಲಿಮುಮಾಬ್‌). ಈ ಔಷಧಗಳ ಬಳಕೆಯಿಂದ ಆ್ಯಂಕಿಲೋಸಿಸ್‌ ಸ್ಪಾಂಡಿಲೈಟಿಸ್‌ ರೋಗಿಗಳು ಸಹಜಕ್ಕೆ ನಿಕಟ ಜೀವನವನ್ನು ನಡೆಸಬಹುದಾಗಿದೆ.

-ಡಾ| ಪ್ರತ್ಯೂಷಾ ಮಣಿಕುಪ್ಪಮ್‌,

ಅಸಿಸ್ಟೆಂಟ್‌ ಪ್ರೊಫೆಸರ್‌

-ಡಾ| ಶಿವರಾಜ್‌ ಪಡಿಯಾರ್‌,

ಅಸೋಸಿಯೇಟ್‌ ಪ್ರೊಫೆಸರ್‌

ರುಮಟಾಲಜಿ ವಿಭಾಗ

ಕೆಎಂಸಿ, ಅತ್ತಾವರ, ಮಂಗಳೂರು

(ಈ ಲೇಖನದಲ್ಲಿರುವ ವಿಚಾರಗಳ ಬಗ್ಗೆ ಹೆಚ್ಚಿನ ಮಾಹಿತಿಗಳಿಗಾಗಿ ಸಂಪರ್ಕಿಸಿ: ಮುಖ್ಯಸ್ಥರು, ರುಮಟಾಲಜಿ ವಿಭಾಗ, ಕೆಎಂಸಿ, ಮಂಗಳೂರು)

ಟಾಪ್ ನ್ಯೂಸ್

badminton

Badminton;ಸಿಂಗಾಪುರ್‌ ಓಪನ್‌  ಇಂದಿನಿಂದ :ಒಲಿಂಪಿಕ್ಸ್‌ ಅಭ್ಯಾಸಕ್ಕೆ ಮಹತ್ವದ ಕೂಟ

Supreme Court

BJP ಅರ್ಜಿ ತಿರಸ್ಕರಿಸಿದ ಸುಪ್ರೀಂ; ಪ್ರತಿಸ್ಪರ್ಧಿ ಎಂದರೆ ವೈರಿ ಅಲ್ಲ…

1-wew-ewe

Rajkot ದುರಂತ; ಗುಜರಾತ್‌ ಸರಕಾರದ ಮೇಲೆ ಭರವಸೆಯಿಲ್ಲ: ಹೈಕೋರ್ಟ್‌ ತರಾಟೆ

1-cy

Cyclone Remal ಅಪಾರ ಹಾನಿ ; ಪ.ಬಂಗಾಲದಲ್ಲಿ 6, ಬಾಂಗ್ಲಾದಲ್ಲಿ 7 ಸಾವು

1-murali

ಕೇರಳದಲ್ಲೂ ದಿಲ್ಲಿ ಮಾದರಿ ಮದ್ಯ ಹಗರಣ: ಸಿಬಿಐ ತನಿಖೆಗೆ ಸಚಿವ ಮುರಳೀಧರನ್‌ ಆಗ್ರಹ

1-sm

Delhi; ಬಿಭವ್‌ ಬಿಡುಗಡೆಯಾದರೆ ಅಪಾಯ: ಸಂಸದೆ ಸ್ವಾತಿ ಮಲಿವಾಲ್‌

ಶಾಸಕರ ಮನೆಗೆ ಮೊದಲು ಮೂರೇ ಸಿಬಂದಿ ಕಳಿಸಿದ್ದೆವು: ಪೊಲೀಸ್‌ ಅಧೀಕ್ಷಕ ರಿಷ್ಯಂತ್‌

ಶಾಸಕರ ಮನೆಗೆ ಮೊದಲು ಮೂರೇ ಸಿಬಂದಿ ಕಳಿಸಿದ್ದೆವು: ಪೊಲೀಸ್‌ ಅಧೀಕ್ಷಕ ರಿಷ್ಯಂತ್‌


ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

5-health

Female health: ಸ್ತ್ರೀ ದೇಹ ಮತ್ತು ಆರೋಗ್ಯ

9-pregnant

Pregnant: ಗರ್ಭಾವಸ್ಥೆ – ಬಾಣಂತನದ ಅವಧಿಯ ಮಾನಸಿಕ ಆರೋಗ್ಯ

8-Borderline-Personality-Disorder

Borderline Personality Disorder: ಬಾರ್ಡರ್‌ಲೈನ್‌ ಪರ್ಸನಾಲಿಟಿ ಡಿಸಾರ್ಡರ್‌

7-kmc-ramdas-pai-block

ಮಣಿಪಾಲ ಕಸ್ತೂರ್ಬಾ ಆಸ್ಪತ್ರೆಯಲ್ಲಿ ಲೋಕಾರ್ಪಣೆಗೊಂಡಿದೆ ನೂತನ ಡಾ|ರಾಮದಾಸ್‌ ಎಂ.ಪೈ ಬ್ಲಾಕ್‌

6-

Pregnancy: ಗರ್ಭಧಾರಣೆಯ ಭಾವನಾತ್ಮಕ ಅಂಶಗಳು

MUST WATCH

udayavani youtube

ಹೆದ್ದಾರಿಯಲ್ಲೇ ಲಾಂಗ್‌ ಹಿಡಿದು ಓಡಾಡಿದ ಯುವಕ!

udayavani youtube

ಆರೋಗ್ಯಕರ ಬೇಕರಿ ಫುಡ್ ತಿನ್ನಬೇಕಾ ? ಇಲ್ಲಿಗೆ ಬನ್ನಿ

udayavani youtube

ಬಾವಿಗೆ ಬಿದ್ದು ಒದ್ದಾಡುತ್ತಿದ್ದ ರಾಷ್ಟ್ರಪಕ್ಷಿಯ ರಕ್ಷಣೆ

udayavani youtube

ಮಡಿಕೇರಿಯಲ್ಲೊಂದು ಪಕ್ಕಾ ಉಡುಪಿ ಶೈಲಿಯ ಉಪಹಾರ ಮಂದಿರ

udayavani youtube

ಬಭ್ರುವಾಹನ ಜನ್ಮಸ್ಥಳ ಅರ್ಜುನ ಪ್ರತಿಷ್ಠಾಪಿಸಿದ ಆಂಜನೇಯ ಸ್ವಾಮಿ ದೇವಸ್ಥಾನ

ಹೊಸ ಸೇರ್ಪಡೆ

1-asasas

Kejriwal ಅವಕಾಶವಾದಿ, ಮಣಿಶಂಕರ್‌ ಅಯ್ಯರ್‌ ಬಾಯಿಬಡುಕ: ವಾದ್ರಾ

badminton

Badminton;ಸಿಂಗಾಪುರ್‌ ಓಪನ್‌  ಇಂದಿನಿಂದ :ಒಲಿಂಪಿಕ್ಸ್‌ ಅಭ್ಯಾಸಕ್ಕೆ ಮಹತ್ವದ ಕೂಟ

Supreme Court

BJP ಅರ್ಜಿ ತಿರಸ್ಕರಿಸಿದ ಸುಪ್ರೀಂ; ಪ್ರತಿಸ್ಪರ್ಧಿ ಎಂದರೆ ವೈರಿ ಅಲ್ಲ…

1-wew-ewe

Rajkot ದುರಂತ; ಗುಜರಾತ್‌ ಸರಕಾರದ ಮೇಲೆ ಭರವಸೆಯಿಲ್ಲ: ಹೈಕೋರ್ಟ್‌ ತರಾಟೆ

1-cy

Cyclone Remal ಅಪಾರ ಹಾನಿ ; ಪ.ಬಂಗಾಲದಲ್ಲಿ 6, ಬಾಂಗ್ಲಾದಲ್ಲಿ 7 ಸಾವು

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.