ಮಕ್ಕಳೇ ನಿಂತು ಅಮ್ಮನ ಮದುವೆ ಮಾಡಿದರು : ಟ್ವಿಟರ್ ನಲ್ಲಿ ಫೋಟೋ ಹಂಚಿಕೊಂಡ ಮಗಳು
Team Udayavani, Dec 18, 2021, 9:00 PM IST
ಮುಂಬೈ : ಮಕ್ಕಳಿಗೆ ಅಪ್ಪ-ಅಮ್ಮ ಮದುವೆ ಮಾಡುವುದು ಸಾಮಾನ್ಯ. ಆದರೆ ಇಲ್ಲೊಂದು ಕುಟುಂಬದಲ್ಲಿ ಮಗ ಮತ್ತು ಮಗಳು ಸೇರಿಕೊಂಡು ಅಮ್ಮನಿಗೇ ಮದುವೆ ಮಾಡಿದ್ದಾರೆ. ಟ್ವಿಟರ್ನಲ್ಲಿ ಮೊಮ್ಮಿ(mommy) ಹೆಸರಿನ ಖಾತೆ ಹೊಂದಿರುವ ಯುವತಿ ತನ್ನ ಅಮ್ಮನ ಮದುವೆಯ ಕುರಿತಾಗಿ ಇಂಚಿಂಚು ಮಾಹಿತಿಯನ್ನು ಹಂಚಿಕೊಂಡಿದ್ದಾಳೆ.
“ನಾನು ಮತ್ತು ನನ್ನ 16 ವರ್ಷದ ತಮ್ಮ ಮೊದಲು ಅಮ್ಮನ ಮದುವೆಗೆ ಒಪ್ಪಿರಲಿಲ್ಲ. ಆದರೆ ಈಗ ಖುಷಿಯಿಂದ ಕುಟುಂಬಕ್ಕೆ ಅಪ್ಪನನ್ನು ಸ್ವಾಗತಿಸುತ್ತಿದ್ದೇವೆ’ ಎಂದು ಆಕೆ ಬರೆದುಕೊಂಡಿದ್ದಾಳೆ.
ಆಕೆಯ ತಾಯಿ 15 ವರ್ಷಗಳ ಹಿಂದೆ ಮೊದಲ ಪತಿಯಿಂದ ಬೇರಾಗಿದ್ದಾಗಿಯೂ ಆಕೆ ತಿಳಿಸಿದ್ದಾಳೆ. ಅಮ್ಮನ ಮೆಹಂದಿ ಕಾರ್ಯಕ್ರಮ, ನಿಶ್ಚಿತಾರ್ಥ, ವರಮಾಲೆ ಹೀಗೆ ಪ್ರತಿಯೊಂದನ್ನೂ ಆಕೆ ಟ್ವಿಟರ್ನಲ್ಲಿ ಅತ್ಯಂತ ಭಾವುಕವಾಗಿ ಹಂಚಿಕೊಂಡಿದ್ದು, ಈ ಫೋಟೋಗಳು ವೈರಲ್ ಆಗಿವೆ.
can’t believe mom is getting married GURL U SLAYY pic.twitter.com/Jo5LwlTlRb
— mommy (@alphaw1fe) December 15, 2021