Hawaiian Islands; ಅಸಾಧಾರಣ ಹವಾ “ಹವಾಯಿ’ ಐಲ್ಯಾಂಡ್‌

ನೀರಿನ ಘರ್ಜನೆಯ ನಡುವೆ ಶಾಂತ, ಸ್ಥಿರ ದ್ವೀಪ

Team Udayavani, Jun 8, 2024, 2:22 PM IST

Hawaiian Islands; ಅಸಾಧಾರಣ ಹವಾ “ಹವಾಯಿ’ ಐಲ್ಯಾಂಡ್‌

ಕನಸಿನಲ್ಲಿ ಮೂಡಿದ ಪ್ರಯಾಣವೊಂದು ನನಸಾಗಿತ್ತು! ಅನೇಕ ವರ್ಷಗಳಿಂದ ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ವಾಸಿಸುತ್ತಿರುವ ನಮ್ಮ ಕುಟುಂಬವು ಇತರ ಕುಟುಂಬಗಳಂತೆ ಹವಾಯಿಯ ಭವ್ಯವಾದ ದ್ವೀಪಗಳಿಗೆ ಭೇಟಿ ನೀಡುವ ಆಸೆಯನ್ನು ಹೊಂದಿತ್ತು. ಈ ಸುಂದರ ದ್ವೀಪ ಸಮೂಹದ ಬಗ್ಗೆ ನನಗೆ ಹೆಚ್ಚು ತಿಳಿದಿರಲಿಲ್ಲ, ಅದರ ಹೆಸರು ಮತ್ತು ನಟಿ ಶ್ರೀದೇವಿ ಸಿನೆಮಾದ ಹವಾ ಹವಾಯಿ ಹಾಡು ಮಾತ್ರವೇ ನನಗೆ ತಿಳಿದತ್ತು! ಆದರೆ ಹವಾಯಿಯ ಬಿಗ್‌ ಐಲ್ಯಾಂಡ್‌ನ‌ ಸುಂದರವಾದ ಪ್ರಯಾಣದ ಅನಂತರ, ಹವಾಯಿ ಬಗ್ಗೆ ನನ್ನ ಅರಿವು ಹೆಚ್ಚಾಯಿತು. ಇಲ್ಲಿನ ನೈಸರ್ಗಿಕ ಅದ್ಭುತಗಳು ನಿಜವಾಗಿಯೂ ಅಸಾಧಾರಣವಾಗಿವೆ ಮತ್ತು ಅವುಗಳನ್ನು ಅನುಭವಿಸಲೇಬೇಕು.

ಒಂದು ಮಧ್ಯಾಹ್ನ, ವಿಶಾಲವಾದ ಪೆಸಿಫಿಕ್‌ ಸಾಗರದ ಮೇಲೆ ಹಾರಾಟದ ಅನಂತರ, ನಾವು ಹವಾಯಿಯ ಬಿಗ್‌ ಐಲ್ಯಾಂಡ್‌ನ‌ ಕೋನಾ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದೆವು. ಇತರ ಯುಎಸ್‌ ವಿಮಾನ ನಿಲ್ದಾಣಗಳಿಗೆ ಹೋಲಿಸಿದರೆ ಈ ವಿಮಾನ ನಿಲ್ದಾಣವು ಬಹಳ ಭಿನ್ನವಾಗಿತ್ತು.

ವಿವಿಧ ಬಣ್ಣದ ಹೂವಿನ ಹಾರಗಳನ್ನು ಧರಿಸಿ ಜಾಲಿ ಮೂಡ್‌ನ‌ಲ್ಲಿರುವ ಜನರಿಂದ ವಿಮಾನ ನಿಲ್ದಾಣ ತುಂಬಿತ್ತು! ನಮಗೂ ಒಂದು ಹಾರವನ್ನು ನೀಡಲಾಗಿತ್ತು! ವಿಮಾನ ನಿಲ್ದಾಣವು ಹಸುರು ಗುಡ್ಡಗಾಡು ಪ್ರದೇಶದಲ್ಲಿತ್ತು, ಮತ್ತು ಉಷ್ಣ ಗಾಳಿಯು ಬೀಸುತ್ತಿತ್ತು. ನಾವು ಉಳಿದುಕೊಳ್ಳಲಿದ್ದ ಹಿಲ್ಟನ್‌ ವೈಕಲೊವಾ ವಿಲೇಜ್‌ ಹೊಟೇಲ್‌ಗೆ ಬಂದೆವು ಮತ್ತು ಅದರ ಭವ್ಯತೆ ಮತ್ತು ವೈಶಾಲ್ಯತೆಗೆ ಮಾರುಹೋದೆವು. ಸಾಗರದ ಮುಂಭಾಗದಲ್ಲಿ 62 ಎಕ್ರೆಗಳಲ್ಲಿ ಸ್ಥಾಪಿಸಲಾದ ಈ ವಿಸ್ತಾರವಾದ ರೆಸಾರ್ಟ್‌ ಸ್ವತಃ ಒಂದು ತಾಣವಾಗಿ ಭಾಸವಾಯಿತು. ಅದರ ಪ್ರಶಾಂತ ಕೆರೆಗಳು, ಸೊಂಪಾದ ಉದ್ಯಾನಗಳು ಮತ್ತು ಅನನ್ಯ ವನ್ಯಜೀವಿಗಳೊಂದಿಗೆ, ಇದು ಐಷಾರಾಮಿ ಮತ್ತು ಪ್ರಕೃತಿಯ ಪರಿಪೂರ್ಣ ಮಿಶ್ರಣವನ್ನು ನೀಡಿತ್ತು. ಹೊಟೇಲ್‌ ಅಲ್ಲ , ಚಿಕ್ಕ ಊರು ಎಂದು ಕರೆದರೂ ಆಶ್ಚರ್ಯವಿಲ್ಲ! ಚೆಕ್‌ ಇನ್‌ ಮಾಡಿದ ಅನಂತರ ನಾವು ನಮ್ಮ ಕೋಣೆಯನ್ನು ತಲುಪಲು ಹೊಟೇಲ್‌ ಆಸ್ತಿಯೊಳಗೆ ರೈಲಿನಲ್ಲಿ ಹೋಗಬೇಕಾಗಿತ್ತು!

ಸಮುದ್ರದ ಅದ್ಭುತ ನೋಟವನ್ನು ಹೊಂದಿರುವ ನಮ್ಮ ಕೋಣೆಗಳಲ್ಲಿ ಆರಾಮವಾಗಿ ನೆಲೆಸಿದ ಅನಂತರ, ನಾವು ಹಿಲ್ಟನ್‌ ಪ್ರಾಪರ್ಟಿಯಲ್ಲಿ ಹವಾಯಿಯನ್ನು ಅನ್ವೇಷಿಸಲು ಹೊರಟೆವು. ನೀಲಿ ಸಾಗರವು ಮತ್ತೆ ಮತ್ತೆ ನಮ್ಮತ್ತ ಕೈ ಬೀಸಿತ್ತು! ನಮ್ಮ ಸುತ್ತಲಿನ ಉಷ್ಣವಲಯದ ಮರಗಳು ಮತ್ತು ಗಾಳಿಯು ನಮ್ಮನ್ನು ಸ್ವಾಗತಿಸಿದವು!

ನೆಲವು ಲಾವಾದಿಂದ ರೂಪುಗೊಂಡ ಬಂಡೆಗಳು ಮತ್ತು ಮರಳುಗಳಿಂದ ತುಂಬಿತ್ತು. ಅಲ್ಲಿ ಬಿಳಿ ಕಲ್ಲುಗಳು ಮತ್ತು ಕಪ್ಪು ಮರಳಿನ ಮಿಶ್ರಣವಾಗಿತ್ತು. ಪೆಸಿಫಿಕ್‌ ಸಾಗರಗಳನ್ನು ದಾಟಿ ಹವಾಯಿಗೆ ಭೇಟಿ ನೀಡಿದ ವಿವಿಧ ಏಷ್ಯನ್‌ ಪ್ರಯಾಣಿಕರು ಮತ್ತು ವಲಸೆಗಾರರ ಕಲೆಗಳನ್ನು ಹೆಜ್ಜೆ ಹೆಜ್ಜೆಗೂ ಪ್ರದರ್ಶಿಸಲಾಗಿತ್ತು. ಮುಸ್ಸಂಜೆಯು ರಾತ್ರಿಯಾಗುತ್ತಿದ್ದಂತೆ, ರೆಸಾರ್ಟ್‌ನ ಉದ್ದಕ್ಕೂ ಮಿನುಗುವ ಹಳದಿ ದೀಪಗಳು ನಮ್ಮನ್ನು ಸ್ವಾ ಗತಿಸಿ, ರಾತ್ರಿಗೆ ವೈಭವವನ್ನು ತಂದವು.

ಮರುದಿನ ನಾವು ದ್ವೀಪವನ್ನು ಅನ್ವೇಷಿಸಲು ಹೊರಟೆವು! ಮೊದಲು “ವೈಲುಕು ರಿವರ್‌ ಸ್ಟೇಟ್‌ ಪಾರ್ಕ್‌’ನಲ್ಲಿರುವ ರೈನೊºà ಜಲಪಾತಕ್ಕೆ ಭೇಟಿ ನೀಡಿ, ಅನಂತರ ಹವಾಯಿ ಟ್ರಾಪಿಕಲ್‌ ಬೊಟಾನಿಕಲ್‌ ಗಾರ್ಡನ್‌ ಕಡೆ ಹೋದೆವು. ಈ ಸಸ್ಯೋದ್ಯಾನವು ಸುಮಾರು 2,000 ಜಾತಿಯ ಸಸ್ಯಗಳಿಗೆ ನೆಲೆಯಾಗಿದೆ. ಕೆಲವು ಎಲೆಗಳು 5 ಅಡಿ ಎತ್ತರವಿದ್ದವು! ಈ ಉದ್ಯಾನವು ಸುಂದರವಾದ ಒನೋಮಿಯಾ ಜಲಪಾತಕ್ಕೆ ನೆಲೆಯಾಗಿದೆ. ಹವಾಯಿಯಲ್ಲಿ ವರ್ಷಕ್ಕೆ 25ರಿಂದ 35 ಇಂಚುಗಳಷ್ಟು ಮಳೆಯಾಗುವುದರಿಂದ ನೀರು ಜಾಸ್ತಿ ಇತ್ತು. ಈ ಬೃಹತ್‌ ಪ್ರಮಾಣದ ನೀರಿನ ಕಾರಣದಿಂದಾಗಿ, ಈ ಮೂರು ಹಂತದ ಜಲಪಾತವನ್ನು ನೋಡಿ ನಾವು ಸಂಪೂರ್ಣವಾಗಿ ಮಂತ್ರಮುಗ್ಧರಾದೆವು. ಸಣ್ಣನೆ ಮಳೆ, ನೀರಿನ ಹನಿಗಳ ಶಬ್ದ, ಜುಮ್ಮೆನ್ನಿಸುವ ಜಲಪಾತಗಳ ಶಬ್ದ, ಚಿಲಿಪಿಲಿ ಮಾಡುವ ಪಕ್ಷಿಗಳು ಮತ್ತು ದೂರದಲ್ಲಿ ಸಾಗರದ ಅಲೆಗಳ ಸದ್ದು! ಬೊಟಾನಿಕಲ್‌ ಗಾರ್ಡನ್‌ ಮೂಲಕ ನಡೆಯುವುದು ಅಸಾಧಾರಣ ಅನುಭವವಾಗಿತ್ತು, ಇದು ವಾಸ್ತವದಲ್ಲಿ ಉದ್ಯಾನ ಅಲ್ಲ ಅರಣ್ಯವಾಗಿತ್ತು.

ಊಟದ ನಂತರ, ನಾವು UNESCO ವಿಶ್ವಪರಂಪರೆಯ ತಾಣವಾದ ಹವಾಯಿ ಜ್ವಾಲಾಮುಖಿಗಳ ರಾಷ್ಟ್ರೀಯ ಉದ್ಯಾನವನಕ್ಕೆ ಭೇಟಿ ನೀಡಿದೆವು. ಇದೊಂದು ಭೌಗೋಳಿಕ ಅದ್ಭುತವಾಗಿತ್ತು. ಈ ಸಮಯದಲ್ಲಿ ಸ್ವಲ್ಪ ಮುಸ್ಸಂಜೆಯಾಗಿತ್ತು, ಮತ್ತು ಜ್ವಾಲಾಮುಖಿ ಹೊಳಪನ್ನು ನೋಡಲು ಸೂಕ್ತ ಸಮಯವಾಗಿತ್ತು. ಜ್ವಾಲಾಮುಖಿ ವೀಕ್ಷಣ ಸ್ಥಳಕ್ಕೆ ಭೇಟಿ ನೀಡುವ ಮೊದಲು, ನಾವು “ಸ್ಟೀಮ್‌ ವೆಂಟ್ಸ್‌’ಗೆ ಭೇಟಿ ನೀಡಿದೆವು.

“ಸ್ಟೀಮ್‌ ವೆಂಟ್ಸ್‌’ ಎಂದರೆ ಏನು ಮತ್ತು ಹೇಗೆ ರೂಪುಗೊಳ್ಳುತ್ತವೆ? ಹವಾಯಿ ದ್ವೀಪವು ಅನೇಕ ಜ್ವಾ ಲಾಮುಖೀ ಚಟುವಟಿಕೆಗಳನ್ನು ಹೊಂದಿದೆ. ಆ ಜ್ವಾಲಾಮುಖಿ ಸ್ಥಳಗಳಲ್ಲಿ ಶಿಲಾರಸ ( ಮ್ಯಾಗ್ಮಾ ) ಹರಿಯುವ ಆಳವು ತುಂಬಾ ಬಿಸಿಯಾಗಿರುತ್ತದೆ. ಮಳೆಯ ನೀರು ಸಂದುಗಳೊಳಗೆ ನುಸುಳಿದಂತೆ, ಶಿಲಾರಸದಿಂದಾಗಿ ಅದು ತುಂಬಾ ಬಿಸಿಯಾಗುತ್ತಾ ಆವಿಯಾಗಲು ಪ್ರಾರಂಭಿಸುತ್ತದೆ ಮತ್ತು ಆದ್ದರಿಂದ ಭೂಮಿಯ ಮೇಲ್ಭಾಗಕ್ಕೆ ಉಗಿಯಾಗಿ ಹೊರಬರುತ್ತದೆ. ಇವು ಬಿಸಿನೀರಿನ ಕೊಳಗಳಲ್ಲ, ನಿಜವಾದ ಉಗಿ, ಏಕೆಂದರೆ ನೀರು ಈಗಾಗಲೇ ಆವಿಯಾಗುವ ಹಂತವನ್ನು ತಲುಪಿದೆ.

ಸ್ಥಳೀಯ ಹವಾಯಿ ಜನರು ತಮ್ಮ ಕರ್ಮ ಅಥವಾ ನಕರಾತ್ಮಕ ಶಕ್ತಿಯನ್ನು ಸ್ವಚ್ಛಗೊಳಿಸಲು ಈ ಉಗಿ ಸ್ಥಳಗಳಿಗೆ ಬರುತ್ತಾರೆ ಎಂದು ಹೇಳಲಾಗುತ್ತದೆ. ಈ ಬಿಸಿ ಉಗಿಯನ್ನು ಸ್ವಲ್ಪ ಸಮಯದ ವರೆಗೆ ಅನುಭವಿಸಿದ ಅನಂತರ, ನಾವು ಜ್ವಾಲಾಮುಖಿಯ ಕಡೆಗೆ ಹೆಜ್ಜೆ ಹಾಕಿದೆವು. ರಾತ್ರಿಯಾಗುತ್ತಿದ್ದಂತೆ, ನಾವು ವೀಕ್ಷಣ ಸ್ಥಳದಿಂದ ಜ್ವಾಲಾಮುಖೀಯ ಕೆಂಪು ಹೊಳಪನ್ನು ನೋಡಿದೆವು. ಒಂದು ದೊಡ್ಡಕುಳಿ, ಅದರ ಸುತ್ತಲೂ ಒಂದು ಕೆಂಪು ಬಣ್ಣದ ಹೊಳಪು! ಜ್ವಾಲಾಮುಖಿಯ ಅದ್ಭುತ ದರ್ಶನದ ಅನಂತರ, ನಾವು ನಮ್ಮ ಹೊಟೇಲ್‌ ಕೋಣೆಗೆ ಮರಳಿದೆವು.

ಮುಂದಿನ ಕೆಲವು ದಿನಗಳಲ್ಲಿ ಬಿಗ್‌ ಐಲ್ಯಾಂಡ್‌ನ‌ ವಿವಿಧ ರಮಣೀಯ ಪ್ರದೇಶಗಳು, ಕಪ್ಪು ಮರಳಿನ ಕಡಲತೀರಗಳು, ಟೌನ್‌ ಸೆಂಟರ್‌, ಮಾಲ್‌ಗ‌ಳು ಹಾಗೂ ಇತರ ಸ್ಥಳಗಳಿಗೆ ಭೇಟಿ ನೀಡಿದೆವು. ರೆಸಾರ್ಟ್‌ ನಮಗೆ ಹವಾಯಿಯನ್‌ ನೃತ್ಯಗಾರರ ಅದ್ಭುತ ಸಾಂಸ್ಕೃತಿಕ ಸಂಭ್ರಮವನ್ನು ಆಯೋಜಿಸಿತ್ತು. ಅಗ್ನಿ ನರ್ತಕರ ಪ್ರದರ್ಶನ ನೋಡಿ ಬೆಂಕಿಯೊಂದಿಗೆ ಆಟವಾಡುವ ಅವರ ಕೌಶಲವನ್ನು ನೋಡಿ ಬೆರಗಾದೆವು! ದೊಡ್ಡ ಫೂಲ್‌ನಲ್ಲಿ ತೇಲಿ ಮತ್ತು ಸ್ನಾಕ್ಲಿಂಗ್‌ ಮಾಡಿ ನಾವು ವಿಶ್ರಾಂತಿ ಪಡೆದೆವು. ಹವಾಯಿಯನ್‌ ದ್ವೀಪಗಳಿಂದ ಭೂತಾಯಿಯ ಪರಿಚಯ ಸ್ವಲ್ಪ ಹೆಚ್ಚಾಯಿತು. ಪ್ರಕೃತಿಯ ವಿಶಿಷ್ಟವಾದ ಶಕ್ತಿಗಳ ಸಮ್ಮಿಲನ, ಭೂಮಿಯ ಉರಿಯುತ್ತಿರುವ ಹೃದಯಕ್ಕೆ ಒಂದು ನೋಟವನ್ನು ನೀಡಿತು.

ದ್ವಂದ್ವತೆಯು ಅಸ್ತಿತ್ವದ ಸ್ವರೂಪ ಎಂದು ಹೇಳುತ್ತಾರೆ. ಪ್ರತಿಯೊಂದು ಸ್ಥಿತಿಯು ಅದರ ಸ್ವಾ ಭಾವಿಕ ವಿರುದ್ಧತೆಯನ್ನು ಹೊಂದಿದೆ ಮತ್ತು ಈ ವಿರೋಧಾಭಾಸಗಳು ಒಟ್ಟಾಗಿ ಸಮತೋಲನೆಯನ್ನು ತರುತ್ತವೆ ಎಂಬ ಪ್ರಮೇಯ ಜೀವನದಲ್ಲಿದೆ. ಹವಾಯಿಗೆ ಭೇಟಿ ನೀಡಿದಾಗ ಈ ದ್ವಂದ್ವತೆಯು ಇಲ್ಲಿ ಬಹಳ ಸ್ಪಷ್ಟವಾಗಿ ಗೋಚರಿಸುತ್ತದೆ ಎಂದು ನನಗೆ ಅನಿಸಿತ್ತು. ಸುತ್ತಲೂ ಓಲಾಡುವ, ಘರ್ಜಿಸುವ ನೀರು, ಆದರೆ ನಡುವೆ ಒಂದು ದ್ವೀಪ ಸ್ಥಿರವಾಗಿದೆ. ಈ ಪುಟ್ಟ ದ್ವೀಪವು ಜ್ವಾಲಾಮುಖೀಗಳನ್ನು ಹುಟ್ಟುಹಾಕುವ ಭೂಮಿಯ ಅತ್ಯಂತ ಉಷ್ಣತೆ ಹೊಂದಿದೆ, ಆದರೆ ಅದರ ಮಳೆಯೊಂದಿಗೆ ಅಗಾಧವಾದ ಮರಗಳನ್ನು ಹುಟ್ಟುಹಾಕುವಂಥ ತೇವವನ್ನು ಹೊಂದಿದೆ. ಬಂಡೆಗಳು ಮತ್ತು ಮರಳುಗಳು ಬಿಳಿ ಮತ್ತು ಕಪ್ಪು ಎರಡೂ ಬಣ್ಣಗಳ ಮಿಶ್ರಣ, ಅದು ವಿರುದ್ಧ ಮತ್ತು ಪೂರಕವಾಗಿವೆ. ಕೆಲವು ಸ್ಥಳಗಳಲ್ಲಿ ಭೂಮಿ ಸಮೃದ್ಧವಾಗಿ ಹಸುರಾಗಿದೆ, ಆದರೆ ಜಾಲಾಮುಖಿ ಪ್ರದೇಶಗಳ ಸುತ್ತಲೂ ಶುಷ್ಕವಾಗಿದೆ!

ಹವಾಯಿಯು ಬಹು ದ್ವೀಪಗಳ ಸಮೂಹವಾಗಿದೆ. ನಾವು ಅವುಗಳಲ್ಲಿ ಒಂದಾದ ಬಿಗ್‌ ಐಲ್ಯಾಂಡ್‌ಗೆ ಭೇಟಿ ನೀಡಿದ್ದೇವು. ನಾವು ಇನ್ನೂ ಇತರ ದ್ವೀಪಗಳಿಗೆ ಭೇಟಿ ನೀಡಬೇಕಾಗಿರುವುದರಿಂದ ಪ್ರಯಾಣವು ಸ್ವಲ್ಪ ಅಪೂರ್ಣವಾಗಿದೆ ಎಂದು ನನಗೆ ಅನಿಸಿತ್ತು. ಹಾಗಾಗಿ ಈಗ ನಾನು ಹವಾಯಿಯ ಎಲ್ಲ ದ್ವೀಪಗಳಿಗೆ ಭೇಟಿ ನೀಡಲು ಎದುರು ನೋಡುತ್ತಿದ್ದೇನೆ!

*ಸುಷ್ಮಾ ಭಟ್‌, ಡಲ್ಲಾಸ್‌

ಟಾಪ್ ನ್ಯೂಸ್

2-DKSHI

Subramanya: ಡಿಸಿಎಂ ವಿಚಾರ ಇನ್ನೊಮ್ಮೆ ಮಾತನಾಡೋಣ; ಕುಕ್ಕೆಯಲ್ಲಿ ಡಿ.ಕೆ.ಶಿವಕುಮಾರ್

Lok Sabha Speaker: ಲೋಕಸಭಾ ಸ್ಪೀಕರ್ ಚುನಾವಣೆಗೆ ಓಂ ಬಿರ್ಲಾ, ಕೆ. ಸುರೇಶ್ ನಾಮಪತ್ರ ಸಲ್ಲಿಕೆ

Speaker Election: ಲೋಕಸಭಾ ಸ್ಪೀಕರ್ ಚುನಾವಣೆಗೆ ಓಂ ಬಿರ್ಲಾ, ಕೆ.ಸುರೇಶ್ ನಾಮಪತ್ರ ಸಲ್ಲಿಕೆ

9

ಡಿಸೆಂಬರ್‌ 20, 21 ಹಾಗೂ 22 ರಂದು ಮಂಡ್ಯ ಸಾಹಿತ್ಯ ಸಮ್ಮೇಳನ

DCM ಕೂಗು ಸರ್ಕಾರ ಪತನವಾಗುವರೆಗೂ ಮುಂದುವರೆಯುತ್ತೆ: ಸಿಟಿ ರವಿ ಭವಿಷ್ಯ

DCM ಕೂಗು ಸರ್ಕಾರ ಪತನವಾಗುವರೆಗೂ ಮುಂದುವರೆಯುತ್ತೆ: ಸಿಟಿ ರವಿ ಭವಿಷ್ಯ

8

Bollywood: ಮದ್ವೆ ದಿನವೇ ಕುಡಿದು ಟೈಟ್‌ ಆದ ಸೋನಾಕ್ಷಿ ಗಂಡ; ಎಣ್ಣೆ ಪಾರ್ಟಿ ಎಂದ ನೆಟ್ಟಿಗರು

AFGvsBAN: ಪಂದ್ಯದ ವೇಳೆ ಕುಸಿದು ಬಿದ್ದ ಗುಲ್ಬದಿನ್; ಆಸ್ಕರ್‌ ಕೊಡಿ ಎಂದ ನೆಟ್ಟಿಗರು.!

AFGvsBAN: ಪಂದ್ಯದ ವೇಳೆ ಕುಸಿದು ಬಿದ್ದ ಗುಲ್ಬದಿನ್; ಆಸ್ಕರ್‌ ಕೊಡಿ ಎಂದ ನೆಟ್ಟಿಗರು.!

Udupi: ಜೈಲಿನಲ್ಲೇ ಅಧಿಕಾರಿಗಳ ಮೇಲೆ ಹಲ್ಲೆಗೆ ಯತ್ನಿಸಿದ ಗರುಡ ಗ್ಯಾಂಗ್ ವಾರ್ ಆರೋಪಿಗಳು

Udupi: ಜೈಲಿನಲ್ಲೇ ಅಧಿಕಾರಿಗಳ ಮೇಲೆ ಹಲ್ಲೆಗೆ ಯತ್ನಿಸಿದ ಗರುಡ ಗ್ಯಾಂಗ್ ವಾರ್ ಆರೋಪಿಗಳು


ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Desi Swara: ಕರ್ನಾಟಕ ಸಂಘ ಕತಾರ್‌: ವಿಶ್ವ ಪರಿಸರ ದಿನಾಚರಣೆ, ಚಿತ್ರಕಲಾ ಸ್ಪರ್ಧೆ

Desi Swara: ಕರ್ನಾಟಕ ಸಂಘ ಕತಾರ್‌: ವಿಶ್ವ ಪರಿಸರ ದಿನಾಚರಣೆ, ಚಿತ್ರಕಲಾ ಸ್ಪರ್ಧೆ

Desi Swara: ವಿಶೇಷ ದಿನಕ್ಕೆ ಸಾಕ್ಷಿಯಾದ ಸ್ವಿಟ್ಜ್ ರ್ ಲ್ಯಾಂಡ್‌…

Desi Swara: ವಿಶೇಷ ದಿನಕ್ಕೆ ಸಾಕ್ಷಿಯಾದ ಸ್ವಿಟ್ಜ್ ರ್ ಲ್ಯಾಂಡ್‌…

Desi Swara: ಊರು ಟೂರು ಅಂಕಣಗಳು ಈಗ ಪುಸ್ತಕವಾಗಿ ಪ್ರಕಟಣೆ

Desi Swara: ಊರು ಟೂರು ಅಂಕಣಗಳು ಈಗ ಪುಸ್ತಕವಾಗಿ ಪ್ರಕಟಣೆ

Desi Swara:‘ಪ್ರತ್ಯಭಿಜ್ಞಾ’ ಎಂಬ ಅರಿವಿನ ನೆನಪು-:ಸಮರ್ಪಣೆಯೇ ಪ್ರಪಂಚದ ಅರ್ಥ, ಜೀವನದ ಅರ್ಥ

Desi Swara:‘ಪ್ರತ್ಯಭಿಜ್ಞಾ’ ಎಂಬ ಅರಿವಿನ ನೆನಪು-:ಸಮರ್ಪಣೆಯೇ ಪ್ರಪಂಚದ ಅರ್ಥ, ಜೀವನದ ಅರ್ಥ

Doha1

Desi Swara: ವಾರ್ಷಿಕ “ತಾಲ್‌ ಯಾತ್ರಾ’ ಉತ್ಸವ: ಸ್ಕಿಲ್ಸ್‌ ಡೆವಲಪ್‌ಮೆಂಟ್‌ ಸೆಂಟರ್‌ ದೋಹಾ

MUST WATCH

udayavani youtube

ಆನೆಗುಡ್ಡೆ ಶ್ರೀ ವಿನಾಯಕ ದೇಗುಲದಲ್ಲಿ ಅಂಗಾರ ಸಂಕಷ್ಟಹರ ಚತುರ್ಥಿ|

udayavani youtube

ಬಸ್ಸೇರಿ ಸಮಸ್ಯೆ ಆಲಿಸಿದ ಶಾಸಕ ರೈ

udayavani youtube

ಹರ್ನಿಯಾ ಸಮಸ್ಯೆಗೆ ಕಾರಣವೇನು?ಚಿಕಿತ್ಸಾ ವಿಧಾನಗಳು ಯಾವುವು?

udayavani youtube

ಮಾವುತನನ್ನು ಕಾಲಿನಿಂದ ತುಳಿದು ಅಪ್ಪಚ್ಚಿ ಮಾಡಿದ ಆನೆ!

udayavani youtube

“ನನ್ನಿಂದ ತಪ್ಪಾಗಿದೆ ಸರ್‌ ಆದರೆ..” | ಸಪ್ತಮಿ ಅವರದ್ದು ಎನ್ನಲಾದ Audio

ಹೊಸ ಸೇರ್ಪಡೆ

12

Sandalwood: ಒಂದು ಆತ್ಮ ಮೂರು ಜನ್ಮ

2-DKSHI

Subramanya: ಡಿಸಿಎಂ ವಿಚಾರ ಇನ್ನೊಮ್ಮೆ ಮಾತನಾಡೋಣ; ಕುಕ್ಕೆಯಲ್ಲಿ ಡಿ.ಕೆ.ಶಿವಕುಮಾರ್

Sandalwood: ಮತ್ತೆ ನಾ ನಿನ್ನ ಬಿಡಲಾರೆ “ನಾ ನಿನ್ನ ಬಿಡಲಾರೆ’

Sandalwood: ಮತ್ತೆ ನಾ ನಿನ್ನ ಬಿಡಲಾರೆ “ನಾ ನಿನ್ನ ಬಿಡಲಾರೆ’

ಮಂಗಳೂರು: ಮತ್ತೆ “ಲೇಡಿಸ್‌ ಬಸ್‌’ಗೆ ಮಹಿಳೆಯರ ಬೇಡಿಕೆ

ಮಂಗಳೂರು: ಮತ್ತೆ “ಲೇಡಿಸ್‌ ಬಸ್‌’ಗೆ ಮಹಿಳೆಯರ ಬೇಡಿಕೆ

11

Bollywood: ಸನ್ನಿ ಡಿಯೋಲ್‌ ಹೊಸ ಚಿತ್ರ ಶುರು

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.