ಮೀನುಗಾರಿಕಾ ಬೋಟ್‌ ಅಪಘಾತ: 8 ಮೀನುಗಾರರ ರಕ್ಷಣೆ

Team Udayavani, Feb 2, 2023, 10:58 PM IST

ಮಂಗಳೂರು: ಮೀನುಗಾರಿಕೆಗೆ ತೆರಳಿದ್ದ “ಜಲಮಾತಾ’ ಹೆಸರಿನ ಬೋಟು ಮಂಗಳವಾರ ಉಳ್ಳಾಲದಲ್ಲಿ ನೀರಿನಲ್ಲಿ ಅಪಘಾತಕ್ಕೀಡಾಗಿ ಮುಳುಗಿದ್ದು, ಅದರಲ್ಲಿದ್ದ ಎಂಟು ಮಂದಿ ಮೀನುಗಾರರನ್ನು ಸಮೀಪದಲ್ಲಿದ್ದ ಬೋಟಿನ ಸಹಾಯದಿಂದ ರಕ್ಷಿಸಲಾಗಿದೆ ಎಂದು ಮಂಗಳೂರು ಟ್ರಾಲ್‌ ಬೋಟ್‌ ಮೀನುಗಾರರ ಸಂಘ ತಿಳಿಸಿದೆ.

ಬಾಲಕೃಷ್ಣ ಎಂಬವರ ಮಾಲಕತ್ವದ ಈ ಬೋಟು ಮಂಗಳವಾರ ಮೀನುಗಾರಿಕೆಯಿಂದ ಹಿಂತಿರುಗುತ್ತಿದ್ದ ವೇಳೆ ಉಳ್ಳಾಲದ ಸಮುದ್ರದಲ್ಲಿ ಮುಳುಗಡೆಯಾಗಿರುವ ಹಡಗಿನ ಅವಶೇಷಗಳು ಬೋಟಿನ ತಳಭಾಗಕ್ಕೆ ತಾಗಿ ಜಖಂ ಗೊಂಡು ನೀರು ಒಳನುಗ್ಗಿ ಸಂಪೂರ್ಣವಾಗಿ ಮುಳುಗಡೆಯಾಗಿದೆ.

ಬಾಲಕೃಷ್ಣ ಎಂಬವರ ಮಾಲಕತ್ವದ ಈ ಬೋಟು ಮುಳುಗಡೆಯಿಂದ ಅಂದಾಜು 60 ಲಕ್ಷ ರೂ. ನಷ್ಟವಾಗಿದ್ದು, ಕರಾವಳಿ ಕಾವಲು ಪಡೆ ಠಾಣೆಗೆ ಈ ಬಗ್ಗೆ ದೂರು ನೀಡಲಾಗಿದೆ ಎಂದು ಸಂಘದ ಪ್ರಕಟನೆ ತಿಳಿಸಿದೆ.

ಇದನ್ನೂ ಓದಿ: ಫೆ. 17ರಂದು ಸಿಎಂ ಬೊಮ್ಮಾಯಿ ಬಚಾವೋ ಬಜೆಟ್‌: ಪ್ರಿಯಾಂಕ್‌ ಖರ್ಗೆ ವ್ಯಂಗ್ಯ