French Open Men’s Singles: ಜೊಕೋವಿಕ್-ರೂಡ್ ಫೈನಲ್ ರೋಡ್
| ಜೊಕೋಗೆ 23ನೇ ಗ್ರ್ಯಾನ್ಸ್ಲಾಮ್ ನಿರೀಕ್ಷೆ | ರೂಡ್ಗೆ ಸತತ 2ನೇ ಫೈನಲ್
Team Udayavani, Jun 11, 2023, 6:10 AM IST
ಪ್ಯಾರಿಸ್: ಸರ್ಬಿಯಾದ ಸೂಪರ್ಸ್ಟಾರ್ ನೊವಾಕ್ ಜೊಕೋವಿಕ್ ಮತ್ತು ನಾರ್ವೆಯ ಕ್ಯಾಸ್ಪರ್ ರೂಡ್ ಫ್ರೆಂಚ್ ಓಪನ್ ಪುರುಷರ ಸಿಂಗಲ್ಸ್ ಪ್ರಶಸ್ತಿ
ಗಾಗಿ ರವಿವಾರ ಸಂಜೆ ಸೆಣಸಲಿದ್ದಾರೆ.
ಮೊದಲ ಸೆಮಿಫೈನಲ್ನಲ್ಲಿ ನೊವಾಕ್ ಜೊಕೋವಿಕ್ 6-3, 7-5, 6-1, 6-1 ರಿಂದ ಸ್ಪೇನ್ನ ಕಾರ್ಲೋಸ್ ಅಲ್ಕರಾಜ್ ಅವರನ್ನು ಮಣಿಸಿದರು. ದ್ವಿತೀಯ ಸೆಟ್ ಗೆದ್ದು ಪಂದ್ಯವನ್ನು ಸಮಬಲಕ್ಕೆ ತಂದ ಬಳಿಕ ಅಲ್ಕರಾಜ್ “ಕ್ರ್ಯಾಂಪ್ಸ್’ ಸಮಸ್ಯೆಗೆ ಸಿಲುಕಿದರು. ಹೀಗಾಗಿ ಅವರಿಗೆ ಪೂರ್ಣ ಸಾಮರ್ಥ್ಯವನ್ನು ತೋರಲಾಗಲಿಲ್ಲ. ಆದರೂ 3 ಗಂಟೆ, 23 ನಿಮಿಷಗಳ ಕಾಲ ಹೋರಾಟ ನಡೆಸಿದರು.
ದ್ವಿತೀಯ ಸೆಮಿಫೈನಲ್ನಲ್ಲಿ ಕ್ಯಾಸ್ಪರ್ ರೂಡ್ 6-3, 6-4, 6-0 ಅಂತರದಿಂದ ಜರ್ಮನಿಯ ಅಲೆಕ್ಸಾಂಡರ್ ಜ್ವೆರೇವ್ ಅವರಿಗೆ ಸೋಲುಣಿಸಿದರು. ಇದು ರೂಡ್ ಕಾಣುತ್ತಿರುವ ಸತತ 2ನೇ ಫ್ರೆಂಚ್ ಓಪನ್ ಫೈನಲ್ ಆಗಿದೆ. ಕಳೆದ ವರ್ಷದ ಪ್ರಶಸ್ತಿ ಸಮರದಲ್ಲಿ “ಕ್ಲೇ ಕೋರ್ಟ್ ಕಿಂಗ್’ ರಫೆಲ್ ನಡಾಲ್ ವಿರುದ್ಧ 6-3, 6-3, 6-0 ಅಂತರದ ಸೋಲಿಗೆ ತುತ್ತಾಗಿದ್ದರು. ಈ ಬಾರಿ ಮತ್ತೋರ್ವ ದೈತ್ಯ ಆಟಗಾರ ಜೊಕೋವಿಕ್ ವಿರುದ್ಧ ಅದೃಷ್ಟ ಪರೀಕ್ಷೆಗೆ ಇಳಿಯಬೇಕಿದೆ.
ಇದು ಕ್ಯಾಸ್ಪರ್ ರೂಡ್ ಅವರ 3ನೇ ಗ್ರ್ಯಾನ್ಸ್ಲಾಮ್ ಫೈನಲ್ ಆಗಿದೆ. ಕಳೆದ ವರ್ಷದ ಯುಎಸ್ ಓಪನ್ ಪಂದ್ಯಾವಳಿಯಲ್ಲೂ ಪ್ರಶಸ್ತಿ ಸುತ್ತು ಪ್ರವೇಶಿಸಿದ್ದರು. ಅಲ್ಲಿ ಕಾರ್ಲೋಸ್ ಅಲ್ಕರಾಜ್ ಮುಂದೆ ಇವರ ಆಟ ನಡೆದಿರಲಿಲ್ಲ. ರವಿವಾರ ಮೊದಲ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಎತ್ತಿ ಇತಿಹಾಸ ನಿರ್ಮಿಸಲು ರೂಡ್ಗೆ ಸಾಧ್ಯವೇ ಎಂಬುದೊಂದು ದೊಡ್ಡ ಪ್ರಶ್ನೆ.
ದಾಖಲೆಯ ಹಾದಿಯಲ್ಲಿ
ಇದು 36 ವರ್ಷದ ನೊವಾಕ್ ಜೊಕೋವಿಕ್ ಅವರ 34ನೇ ಗ್ರ್ಯಾನ್ಸ್ಲಾಮ್ ಫೈನಲ್ ಹಾಗೂ 7ನೇ ಫ್ರೆಂಚ್ ಓಪನ್ ಫೈನಲ್ ಆಗಿದೆ. ರವಿವಾರ ರೂಡ್ ಅವರನ್ನು ಮಣಿಸಿದರೆ ಪುರುಷರ ಸಿಂಗಲ್ಸ್ನಲ್ಲಿ ಸರ್ವಾಧಿಕ 23 ಗ್ರ್ಯಾನ್ಸ್ಲಾಮ್ ಗೆದ್ದ ದಾಖಲೆ ಜೊಕೋ ಅವರದ್ದಾಗಲಿದೆ. ಸದ್ಯ ಜೊಕೋ ಮತ್ತು ರಫೆಲ್ ನಡಾಲ್ ತಲಾ 22 ಗ್ರ್ಯಾನ್ಸ್ಲಾಮ್ ಗೆದ್ದು ಜಂಟಿ ಅಗ್ರಸ್ಥಾನಿಯಾಗಿದ್ದಾರೆ.
ರವಿವಾರ ಫ್ರೆಂಚ್ ಓಪನ್ ಚಾಂಪಿ ಯನ್ ಆಗಿ ಮೂಡಿಬಂದರೆ ಜೊಕೋ ವಿಕ್ ಮರಳಿ ವಿಶ್ವದ ನಂ.1 ಟೆನಿಸಿಗನೆಂಬ ಹಿರಿಮೆಗೆ ಪಾತ್ರರಾಗಲಿದ್ದಾರೆ. ಸದ್ಯ ಈ ಪಟ್ಟದಲ್ಲಿರುವವರು ಕಾರ್ಲೋಸ್ ಅಲ್ಕರಾಜ್.
ಜೊಕೋವಿಕ್ 7 ಸಲ “ರೊಲ್ಯಾಂಡ್ ಗ್ಯಾರೋಸ್’ ಫೈನಲ್ ತಲುಪಿದರೂ ಗೆದ್ದದ್ದು ಕೇವಲ ಎರಡು ಸಲ. 2016ರಲ್ಲಿ ಆ್ಯಂಡಿ ಮರ್ರೆ ಅವರನ್ನು ಮಣಿಸಿದರೆ, 2021ರಲ್ಲಿ ಸ್ಟೆಫನಸ್ ಸಿಸಿಪಸ್ ಅವರನ್ನು ಕೆಡವಿ ಪ್ರಶಸ್ತಿ ಎತ್ತಿದ್ದರು.
ಈಗಿನ ಲೆಕ್ಕಾಚಾರದ ಪ್ರಕಾರ ಜೊಕೋವಿಕ್ ಅವರೇ ನೆಚ್ಚಿನ ಆಟಗಾರ. ಕ್ಯಾಸ್ಪರ್ ರೂಡ್ ವಿರುದ್ಧ ಆಡಿದ ನಾಲ್ಕೂ ಪಂದ್ಯಗಳಲ್ಲಿ ಅವರು ಜಯ ಸಾಧಿಸಿದ ದಾಖಲೆ ಹೊಂದಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Modi ಕಲ್ಪನೆಯ ವಿಕಸಿತ ಭಾರತಕ್ಕಾಗಿ ಕೋಟ ಅವರನ್ನು ಗೆಲ್ಲಿಸೋಣ: ಅಣ್ಣಾ ಮಲೈ
ಪ್ರತಿಷ್ಠಿತ ಲತಾ ದೀನನಾಥ್ ಮಂಗೇಶ್ಕರ್ ಪ್ರಶಸ್ತಿ ಸ್ವೀಕರಿಸಿದ ಬಾಲಿವುಡ್ ನಟ ಅಮಿತಾಬ್ ಬಚ್ಚನ್
LS Polls: ಹಿಂದೂ ಸಂಸ್ಕೃತಿ, ಪರಂಪರೆ ಉಳಿಸಲು ಬಿಜೆಪಿಯೇ ಶಕ್ತಿ: ಹರಿಕೃಷ್ಣ ಬಂಟ್ವಾಳ
33 ವರ್ಷಗಳಲ್ಲಿ ದ.ಕ. ಜಿಲ್ಲೆಗೆ ಬಿಜೆಪಿ ಸಂಸದರ ಕೊಡುಗೆ ಏನು? ಸಚಿವ ದಿನೇಶ್ ಗುಂಡೂರಾವ್
Patna: ಪಾಟ್ನಾದಲ್ಲಿ ನಿತೀಶ್ ಕುಮಾರ್ ಪಕ್ಷದ ನಾಯಕನ ಗುಂಡಿಕ್ಕಿ ಹತ್ಯೆ… ಆರೋಪಿಗಳು ಪರಾರಿ